YOSUA 18:10 - Allah Wene Fano Wene Hupla Inane

¹⁰ A'nogo hilingitukwama re, at Yosua nen he Tuhan nen it faget ninggi'nogo enekhogo fikhe iluk helebenggen walhasikhesik kweang it afuni inunggulenu Israel mene helasukwa lek mene omanogo kuthigik sumburisasikhe.

YOSUA 18:10 ပူးပေါင်းရင်းမြစ်များ

1 TAWARIKH 24:5

A'nogo tegelhi logolik andi re, at Itamar eisok erokweba nen ogo, at Eleazar eisok erokweba nen ogo ap fena Tuhan awi elonggoma yabu hilingitu mene faget inom, nen it ekhe wene fano wene faget hilingitu mene faget inom, welagaukwa. A'nogo welagaukwama re, ineabu sumburisikhi logolik he, inenggi walhaluk enek hilingiti lagaukwa.

NEHEMIA 11:1

A'nogo isukwasik he, it afuni inogogwi melalinafu mene omanogo re o Yerusalem femhogo werek kwelek he, it afuni omanogo nen it ineisok erokwe lombok inebe wenagaisogo 10 nen oba hilingik mene omanogo nen oak engge walhugunemen higit agu mene re inebe misikdek higik o kota Yerusalem horek meneba a'nogo logogun nen iluk eninafukwa. Nen, it oak engge walhugunemen higit agu lek mene re o kota amukwe andoma logogun mene eninafukwa.

MAZMUR 47:4

Aren he yi afuni ti afuni inunggulenu lombok omanogo nit ninenggiba logouwageluk wo'nisigik, nit ninomame a'ma logouwageluk hilingninobagagik, ikherek.

MAZMUR 61:5

Hat hogolabi a'ma an nebe sebelnarek were'ma re, an nailo legengge nabolok lek logogin nen he, an nebe neluk logolik oba Hat hawi sabu sale'ma andoma kuluk logogin iluk anggikhi lagi o.

AMSAL 18:18

Obabut palengge hukhaluk enek he wene minggilasu hak mene a'nogo lek agarek, ap inomame werek mene inom agarek oba nen ogore oagengge walhaluk hilingitu halok enek he onggo elok pilingisogo leget fou hak.

YEREMIA 7:12

Hit he o Silo kota attak An nen nobaget hilingiti logolik kabogetuba iluk wenagaisogo fesigiba a'nogo lani o. Laluk he it An nagainafuri Israel mene nen inaweak hilingiti lagaukwama An nen o andiba hilingfesigi aple andoma hineilenggen kumuthano.

YEHEZKIEL 47:22

nen, kweang andi re hit hinanggweang eiserogo logolik mondok-mondok logogin mene. Ap pok mene hit hinanggele'ma logogun mene inom, nen it inagainafuri andoma nen ta'lasugun mene ogore, kweang andoma meneat helikhi logogun. It andi nen anggikhi logogun he, nit he mondok-mondogat Israel mene agoma o anggikhi logogun, nen it Israel mene inunggulenu lombok kweang sumburogo helogoin sambul andem he iren oagengge walhalugen helogoin.

YEHEZKIEL 48:29

Tuhan Lego Mondok welagarek mene a'nogo nen ane ikhi logolik, ”A'nogo nek kweang andi it inunggulenu Israel mene inoba sumburisano,” iluk yaganete.

MIKHA 2:5

A'nogo hilingiti lagep andi nen he Tuhan nen o andoma nekhengge At againafuri wogisagain oba asi wesumo re, o andoma hat eise ame iluk hit ekhe yagahisogoin mondok lego.

BILANGAN 34:16

Tuhan nen Musaba ikhi logolik he,

MATIUS 27:35

A'nogo hilingitukwasik he, at ebe eba menfuluk asu nonggolek omanogo, ”Sani asugun,” iluk, oagengge lakfigik, wakfigik, isukwasik he, oagengge inoba agaikhe mene halok sumburogo helasukwa.

KISAH PARA RASUL 13:19

Ferinarek welagaikhesik he, o Kanaan woginarek kwi wagaikhesik, afuni inunggulenu 7 nen, inebe mondogat inoatikhesik he, it inanggweang mene nit ninombalak eisewerek asuageluk wogisasikhe.

KOLOSE 1:12

nineisena Allah hai watik, ikhi logogun andi. At nineisena nen, at againafuri ekhe hinomat selek oba hinawi werek logouwageluk hilinghinafikhemo welagep andi nen, arat hai wati logogun andi.

YOSUA 14:2

Tuhan nen Musa oba wene melalogo yagatikhe mene higithogo re, kweang i Yordan ima nen mo ubuk ikherek fikhit andi re it inunggulenu Israel mene 9 nen aremnogo inom, nen ekhe minggilogo aremnogo mene inom, sumburisikhi logolik inenggi helebenggen walhogo nen sumburisasukwa.

YOSUA 14:5

Kweang andi it afuni Israel mene nen he Tuhan nen wene melalogo Musa yagatikhe higithogo a'nogo sumbut-sumbut agaukwa.

YOSUA 18:11

Attak-attak he it inunggulenu Benyamin mene ineisok erokwe omanogo faget sumburisasikhe. Kweang it agaukwa mene andoma re inunggulenu Yehuda mene nen hilingi'luk Yusuf ambisangma nen hilingi'luk tulem andoma wogisasikhe.

YOSUA 18:6

Kweang huli sabiren warek andem ilirenggerogo fuluk an wo'nesu mo re, At Allah nen hit hinobaget ninggi'nogo enegenggerogo fikhe andi an nen ninelu asuageluk he helep enggen oba walhogo kwelakhagain o.

YOSUA 18:8

A'nogo isukwama re, at Yosua nen wene yi'nogo hilingi'no, ti'nogo hilingi'no iluk yi'nogo melalogo yagaisasikhe, ”Hit hinebe kweang ari walinget fei lambik huli-hulikwe a'nogo ilirengge walet higik fuluk he, lagokhogo an were'ma nambit wesugun. A'nogo hilingisumo re, o Silo yoma nen he Tuhan en hit hinobaget ninggi'nogo enekhogo fikhe iluk an nelu asigin o,” iluk yagaisasikhe. A'nogo Yosua nen yagaisasikhemo holhukwasik he, iren kweang a'nogo ineil halik lagaukwa.

YOSUA 18:9

Lagaukwasik. kweang a'nogo mondogat it a'nogo nen kweang siok sabiren aremnogo inom, nen o kota-kota elonggoma werek mene omanogo inom lisu palogo fesukwa. A'nogo hilingitukwasik he, it a'nogo hobuk inambotkwe Yosua were'ma o Silo sabu sale'ma omanogo wagaukwa.

YOSUA 19:51

A'nogo at imam Eliazar, Yosua hun Nun amlogo a'nogo inom, it inunggulenu Israel mene nen it ineisok erokwe lombok inogogwi kaindek welagaukwa omanogo inom he, Tuhan nen wene yi'nogo hilingi'no iluk yagaisasikhe higithogo kweang a'nogo inenggi helebenggen oba walhigik sumbutukwa. Andi re iren o Silo Tuhan awi lelunggulmo nen sumbutukwa. A'nogo sumburik laga lagaukwasik he kweang a'nogo mondogat elugun warogo sumbuthukwa andi.

YOSUA 23:4

Kweang it ap yi inunggulenu ti inunggulenu werekwe andoma ogo, nen kweang it ap inunggulenu an nen inomame leget fisasigi kwe andoma ogore, kweang ebe mo lagai wagarek fikhit he i Yordan ima nen hiling-hiling mo ubuk ikherek fikhit he i Laut Tengah a'nogoba tiagan sek andi. Mondogat andoma re hit hinanggweang asimbik eiserogo logobagaigeluk an nen sumburogo wokhisasigi a'nogo.