YOSUA 17:16 - Allah Wene Fano Wene Hupla Inane

¹⁶ A'nogo isikhemo it Yusuf ambisangma mene omanogo nen ikhi logolik he, ”O kweang tomkwe andoma re nit ninom higit he lego, nen it inunggulenu Kanaan mene o kweang tonggo langse'ma andoma logolik inangge kereta weim yafarek mene posiemanggen oba wurik mene fisogo andoma re it o Bet-Sean werek mene inom, it era'lukwe maserogo werek mene andoma mondogat inom, nen it o Yizreel tonggo kwe werek mene andoma inom ogo re, a'nogo nek hilingik,” iluk yagatikhe.

YOSUA 17:16 ပူးပေါင်းရင်းမြစ်များ

1RAJA-RAJA 18:45

A'nogo yagasi pi wagu kwelek aremnogoat, pogot ohena muli mene nen sebelogo elokhe mumethingik, sogoi aninirogo funha wagik, ikhi logolik meiso hokho mene nasikhe. A'nogo nunggu kwelek at Ahab angge kereta ba lagasikhesik, ambotkwe o Yizreel wagaikhe.

1RAJA-RAJA 18:46

Andi sambul he, at Elia nineisena Tuhan nen omame wogotikhemo re, asu sogoi su oba sirogo obakheba liakfesikhesik, ban oba ninghogo pugetfesikhesik he, humusek mondok at Ahab hobuget fuluk attagat o kota Yizreel leget pa'leget ambe palek oba wagaikhe.

1RAJA-RAJA 21:1

Afuni Samaria mene inoe raja Ahab aiba Yizreel mene a'nogo awi horokhogo andoma yabu anggur yabu ap enu Nabot eabu mene ekhe welagaikhe.

1RAJA-RAJA 21:23

Nen hagwe Izebel faget he, Tuhan nen mel ikhe: At he Izebel ebe warek he, mene o kota Yizreel werek mene nen nagain o.

2 RAJA-RAJA 9:10

At Izebel ebe warek he kweangma salugun lego, we ebe waregengge o Yizreel andoma were'ma mene nen nagain ikhe o,” iluk yagatikhe. A'nogo mondogat yagatikhemo re ap nabi ket mene a'nogo wulifikhesik heise lagaikhe.

2 RAJA-RAJA 9:37

nen, Izebel ebe warek andi ando re, wam yi mene ti mene al kweang muli lakfagarek hangge were'ma, ap misigen ogo at oak siling iluk fut fogoin mondok lego, iluk isikhe higithogo hilinglaga andi o,” iluk isikhe.

YEREMIA 49:2

Oba nen he inenggi ekhe asi wesigin meneba re An nen afuni o Moab mene inawi kota Raba andi nen weim abolok firirip fararap ugunem holuageluk hilingisigin o. O kota andiba wolelenggenhogo pelafi logolik o andi esanggokwe desa-desa welagaikharek mene omanogo re endu nen felelenghogo nagain. A'nogo hilingfoumo re it Israel mene nen kweang andi attak aben telogo helasukwa mene a'nogo it inenggimo nen nekhengge telogo wanugun.

YOSUA 17:11

Nen wilayah Asyer en mene inom, Isakhar en mene inom andomaba re kweang Manasye nen mene ogo welagaikheat. Kweang andoma re: Bet-Sean inom, Yibleam o sili-sili esanggokwe andoma inom. Nen ekhe o kota Dor i laut esanggoma welagaikhe mene andi inom, Taanakh inom, Megido o sili esanggokwe welagaikharek mene inom andoma.

YOSUA 17:15

Andi isukwama at Yosua nen onggo ikhi logolik he, ”Hit he hinebe hokhorogo welagep, nen kweang tom Efraim fikhit andoma hit logou oba faget he mondogat onggok-fonggok se'ma re, hit he o kweang ap Feris mene inom Refaim mene inomen mene andomaba lani. It inogoimo andoma o obalik ket mene halogo kwino,” iluk yagaisasikhe.

YOSUA 17:17

Andi isikhemo at Yosua nen it inunggulenu Manasye mene inom, Efraim mene inom omanogo inoba ikhi logolik he, ”Ibi-eberogo, hit he hinebe hokho-pokhorogo logolik hinomame hokhorek welagepma re, kweang ekhe inom mangorogo wokhisogoin aro.

YOSUA 17:18

Hit he o tomkwe andoma helani, o andoma re o ogoi werek oba nen he hiren e mugusogo kugun halok he andoma mondogat hit eise asugun. Nen ap Kanaan inap andi faget he, it inebe inomame hokho, inangge kereta weim yafarek mene faget posiemanggen mene fisogo logolik werek oba nen he, hiren elok mugusogo wulak fisogoino.” iluk yagaisasikhe.

YOSUA 19:18

O it inaiba kweang andi inom he o Yisreel, Khesulot, Sunem,

HAKIM–HAKIM 4:13

weak-weak angge kereta weim yafarek mene posiemanggen meneba hilingik mene ebe mondogat he 900 nen omanogo agoromi tentara mene esa logalek omanogo inom andogorogo fisasikhesik he woginarek o Haroset-Hagoyim en i Kison ima wagaukwa.

HAKIM–HAKIM 4:3

At kain Yabin angge kereta weim yafu mene posiemanggen meneba hilingik menere 900 nen welagaikhe. Were'ma, aren afuni Israel mene 20 tahun ferinarek logolik mondok wiik-weakhogo hilinginafi lagaikhe andi nen, iren he, ”Nineisena Tuhan telninabin o,” iluk inane hokhorogo yagati lagaukwa.

HAKIM–HAKIM 6:33

Andem sambul he afuni inunggulenu Midian mene inom Amalek mene inom afuni inunggulenu ekhe o ilingage leimo i Yordan fena mo liabi wagarek fikhit andoma werek mene inom mondogat kabogetukwa. Kabogetukwasik i Yordan palogo wagaukwasik he inawi tenda o Yizreel tonggoma andoma wutukwa.

1 SAMUEL 29:1

Afuni Filistin inap inagoromi sikhe fisogo mene mondogat o Afek kabogetukwa, nen, it Israel mene re i elesi horokhogo o Yizreel tonggoma andoma o sabu tenda ba salhukwa.