YOSUA 17:14 - Allah Wene Fano Wene Hupla Inane

¹⁴ It Yusuf ambisangma mene omanogo nen Yosuaba ikhi logolik he, ”Nit he Tuhan en fanot ninobagagunem ninebe hokho-pokhorogo welagoba nen he, nenahalok kweang siok misik enek wo'nisogoin nogo?” isukwa.

YOSUA 17:14 ပူးပေါင်းရင်းမြစ်များ

KEJADIAN 48:19

A'nogo yagatikhe meneat he, eisena nen at ane herakfisasikhesik, mel yagatikhe: ”An nelu o, namlogo. Nelu. At Manasye omame re, we, endebat hangge, omame asimbik, aren tagongge mene inunggulenu endebat hangge ekhe hokho asugunat. A'nogo meneat he, at agot Efraim enek he, omame hokho mondok asimbik, aren tagongge mene inunggulenu wereginap hokhorogoat asugun andi nen hilingiti o,” iluk yagatikhe.

KEJADIAN 48:20

A'nogo yagatikhesik, o andi sambul afuni nen nauk inoba fagarek hak, Allah nen fanorinafi logouwageluk mel yagaisasikhe: ”Afuni Israel mene nen afuni ekhe Allah nen fanorinafi logouwageluk hit hinenu ilugen yagaisikhi logogun o. A'nogo ikhi logolik mel ikhi logogun: Allah nen he, Efraim Manasye emberek fanorinafi lagaikhe andi hak fanothafi logouwago, iluk yagaisikhi logogun,” iluk yagaisasikhesik, Efraim esin manggusa mene higit hilingisogo fikhi logolik, Manasye abelma hobuk mene higit hilingisogo fesikhe andi.

KEJADIAN 48:22

An nen he, hat hagaila'lak fuk. At he, harenek o Sikhem kweang mondok mulire'ma afuni Amori inaiba mene karok inom, sikhe inom, oba sebelfigi mene andi hat wokheti o,” iluk yagatikhe.

BILANGAN 26:54

Andi hilingiti logolik he enegengge helep enggen huk haluk hilingitarek a'nogo hakhogo oba hilingi'no. It inunggulenu hokhokwe halok he kweang hokhonggeat wogisano, nen inunggulenu endepkwe mene halok he kweang endebengge wogisano.” iluk yagatikhe.

BILANGAN 36:12

It andi re inaguni ap inunggulenu Manasye hun Yusuf amlogo a'nogo mene oba nen inunggulenu akhogo werek mene omanogo inoba helasukwa. A'nogo hilingitukwaba nen he kweang it inangge agaikhe mene a'nogore it inunggulenu it ineisena mene oba welagaikhe.

YOSUA 16:4

Andi re kweang ap inunggulenu Manasye mene inom, Efraim mene inom, at Yusuf ambisangma mene omanogo it inanggweang mondogat logouwageluk wogisasikhe mene andoma.

YOSUA 17:15

Andi isukwama at Yosua nen onggo ikhi logolik he, ”Hit he hinebe hokhorogo welagep, nen kweang tom Efraim fikhit andoma hit logou oba faget he mondogat onggok-fonggok se'ma re, hit he o kweang ap Feris mene inom Refaim mene inomen mene andomaba lani. It inogoimo andoma o obalik ket mene halogo kwino,” iluk yagaisasikhe.