YOSUA 17:13 - Allah Wene Fano Wene Hupla Inane

¹³ Hobugen it Israel inap inomame agaukwasigen mene ogore, iren ap Kanaan mene andoma mondogat mugusogo wulaginafukwa lek, iren he ap omanogo inomameba yabu ninghogo hilingiti logouwageluk yagaisikhi lagaukwa.

YOSUA 17:13 ပူးပေါင်းရင်းမြစ်များ

KEJADIAN 49:15

A'nogo logolik o andoma mondok fanoma iluk heilenggen higik, Mondok nale'ma iluk heilenggen figik ugunem, It ekhe nen yabu it mene hilingiti logouwageluk inane ninghogoat inamingmingengge hilinghabluk, Sunggwe enggin mene ha'lem fugunem, soma ikhi logogin.

2 SAMUEL 3:1

It a'nogo asi lagaukwama nen he afuni it Saul ebikhit aga lagaukwa mene inom, Daud ebikhit aga lagaukwa mene inom, omanogo nen he weim a'nogo palfigi'legengge yafu mondok welagaukwa. At Daud fikhit mene a'nogo re inomame ekhe inomat hokho agunem he at aselei mene fikhit he maben aga lagaikhe.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

YOSUA 16:10

Oba nen he, it inunggulenu Efraim mene nen he ap Kanaan mene re o Gezer oba andoma nen mugusogo wulakfisasukwa lek. Andiba re. yogondak huli nen ap Kanaan mene re o Gezer andoma it Efraim inap inom seberogo welagaikharek, oba nen it ap Efraim mene nen he inamimingengge a'luk yabu hilingiti logouwageluk inane ninghogo yagaisugunem it ineabu hilingitu mondok welagaikharek.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.

HAKIM–HAKIM 1:28

It Israel mene inomame hokho agaukwasik he ap Kanaan mene re it inobaget yabu hilingi'ni iluk inomameba yagaisikhi lagaukwa. Oba nen he iren ogo ap Kanaan mene o andoma nen eberogoat he mugusogo wulak fisikhi lagaukwa legat.

HAKIM–HAKIM 1:30

It inunggulenu Zebulon mene nen he ap o kota Kitron mene inom Nahalol mene inom mugusogo wulakfisasukwa le'ma re ap Kanaan mene re it inom seberogo andoma welagaukwa. Oba nen afuni Kanaan mene andoma re it inobaget hilingisuageluk inane ning nanghogo yagaisikhi lagaukwa.

HAKIM–HAKIM 1:33

At unggulenu Naftali mene re afuni o kota Bet-Semes mene inom, Bet-Anat mene inom andoma mugusogo wulakfisasukwa lek. Andiba re ap Kanaan inap o andoma inonggwarek inap he ap Naflati mene inom andoma seberogo welagaukwa. Oba nen he it andi re afuni Naftali mene faget yabu hilingisuageluk inane ninghogo yagaisikhi lagaukwa.