YOSUA 17:11 - Allah Wene Fano Wene Hupla Inane

¹¹ Nen wilayah Asyer en mene inom, Isakhar en mene inom andomaba re kweang Manasye nen mene ogo welagaikheat. Kweang andoma re: Bet-Sean inom, Yibleam o sili-sili esanggokwe andoma inom. Nen ekhe o kota Dor i laut esanggoma welagaikhe mene andi inom, Taanakh inom, Megido o sili esanggokwe welagaikharek mene inom andoma.

YOSUA 17:11 ပူးပေါင်းရင်းမြစ်များ

2 SAMUEL 21:12

at Daud en he hun Saul oak siling inom, Yonatan oak siling inom, omanogo afuni o kota Gilead meneba nen wani lagaikhe. (It afuni andoma nen he o kota Bet-San kweang wogole'ma nen it Filistin inaben at Saul Tom Gilboa oba nen omame lek hilingisogo fuluk, ap warek omanogo taganogo fesukwasik, ap inoak andoma hinatukwasik fisogo were'ma wani lagaukwa).

1RAJA-RAJA 9:15

At raja Salomo nen he Tuhan Awi inom, nen at raja ebe werek oba awi istana a'nogo inom, nen kweang Tuhan Awi wurik oba nen selatan fikhit a'nogo sebelik loageluk inom he, afuni yabu inomamerogo hilingisuageluk ane omameba yagaisugu kwelek hilingirik lagaukwa. Andi nen he aren o kota Hazor, Megido inom, Gezer inom, wusigiluk ogore a'nogo nek hilinginafi logolik wutikhe.

2 RAJA-RAJA 9:27

A'nogo hilingitu kwelek at Ahazia nen eilenggen hasikhesik he aren angge kereta a'nogo lisogo waluk he uarek o kota Bet-Hagan andoma wagaikhe. Wagaikhemo re at Yehu nen mu'luk wagaikhesik ane agoromi inoba kweti logolik he, ”Ap andi wa'ni o!” iluk isikhemo re iren o kota Yibleam horokhogo kwe o Gur lagaikharek fikhit andoma nen tok watukwa. Oba nen he at ebe feisakhogo menla'luk o Megido lagaikhesik andoma nen wa'lagaikhe.

1 TAWARIKH 6:70

Nen, o wilayah it inunggulenu Manasye mene i Yordan fena mo ubuk ikherek fikhit a'nogo nen he it o Anet sili inom, o Bileam engga lei maserogo werek mene andoma inom helasukwa.

1 TAWARIKH 7:29

Hun Manasye ambisangmangge mene nen he, o kota Bet-Sean inom, Taanakh inom, Megido inom, Dor inom, o sili era'lukwe andem inom seberogo fisogo welagaukwa. Hun Yakub amlogo Yusuf a'nogo ambisangma mene welagaukwa kwe re andoma.

2 TAWARIKH 35:22

Oba nen he at Yosia re Allah nen raja Nekho bene nen isikhe mene a'nogo hol figi'legengge re, a'nogo omame agaikhesik ninom walhogoin iluk hilingiti lagaikhe. A'nogo hilingiti logolik he, at Yosia a'nogo afuni nen fu'nobagai nogoluk elokhe kwe munenogo hilingfesikhesik weim yabigin iluk yandalonhogo o Megido tonggoma andoma kwi lagaikhe.

MAZMUR 83:10

It andi re afuni Midian mene higit hilingfisano o, it hun Sisera inom Yabin inom, i Kison ima nen hilingfisegenma,

YEREMIA 49:2

Oba nen he inenggi ekhe asi wesigin meneba re An nen afuni o Moab mene inawi kota Raba andi nen weim abolok firirip fararap ugunem holuageluk hilingisigin o. O kota andiba wolelenggenhogo pelafi logolik o andi esanggokwe desa-desa welagaikharek mene omanogo re endu nen felelenghogo nagain. A'nogo hilingfoumo re it Israel mene nen kweang andi attak aben telogo helasukwa mene a'nogo it inenggimo nen nekhengge telogo wanugun.

ZAKHARIA 12:11

Inenggi andi sambul he o Yerusalem oba andoma lenggu-lengga mondok hokhorogo ugun, andi re o lembah Megido Hadad-Rimon faget le aga lagaikha hakhogo le asugun.

YOSUA 11:2

it raja-raja tomkwe werek mene inom, o Yordan tonggo abel a'ma selatan fikhit werek mene inom, o Galilea abel selatan fikhit werek mene inom, o tom a'makwe werek mene inom, o Dor horokhogo i aikwe werek mene inom, inoba wene warogo filik lagaikhe.

YOSUA 16:9

o kota endep mene inom, o sili wilayah Manasye mene inanggelekwe welagaukwa mene inom andoma.

YOSUA 17:10

A'nogo hilingi'mo re Efraim menere abel a'makwe selatan fikhit werek kwelek, Manasye menere abel ambolkwe utara fikhit welagaukwa. Nen i Laut Tengah andi re mo ubuk ikherek fikhit it inanggweang huli-hulimo welagaikhe. Nen. abel barat laut fikhit andoma re wilayah it inunggulenu Manasye nen mene huli-hulire, it inunggulenu Asyer mene inom hulirek welagaikhe, nen abel timur laut fikhit he, it wilayah Isakhar mene inom huli-hulimo hilingik welagaikhe.

YOSUA 17:16

A'nogo isikhemo it Yusuf ambisangma mene omanogo nen ikhi logolik he, ”O kweang tomkwe andoma re nit ninom higit he lego, nen it inunggulenu Kanaan mene o kweang tonggo langse'ma andoma logolik inangge kereta weim yafarek mene posiemanggen oba wurik mene fisogo andoma re it o Bet-Sean werek mene inom, it era'lukwe maserogo werek mene andoma mondogat inom, nen it o Yizreel tonggo kwe werek mene andoma inom ogo re, a'nogo nek hilingik,” iluk yagatikhe.

HAKIM–HAKIM 1:27

Unggulenu Manasye mene nen he afuni o kota Bet-Sean mene inom, Taanak mene inom, Dor mene inom, Yibleam, Megido mene inom, o sili-sili esanggokwe welagaukwa mene inom mugusogo wulak fisasukwa lek. Andiba re, it afuni Kanaan mene re o andoma femhogo welagaikharek.

HAKIM–HAKIM 5:19

Ap raja-raja mene re, o Taanakh I Megido ima horokhogo andoma weim yabi lagaikha, Nen it raja-raja Kanaan mene re weim inomamerogo yafa. Meneat he, hugulengge perak mene ogo ekhe helaluk wagaikha lek.

1 SAMUEL 28:7

A'nogo kamo isikhe andi nen, at Saul en agoromi inoba mel yagaisasikhe: ”Heinogengge he mene nen, yi'nogo hilingi'no, iluk yaganesuagen oba lagen he, ekhe herasi lani o,” iluk yagaisasikhemo, iren he, ”O En-Dor andoma, he a'nogo mene ekhe werego,” iluk yagatukwa.

1 SAMUEL 31:10

A'nogo lakfisasukwasik, Saul asu igisogo weim yaferek mene a'nogo it inandugwi ebe he mene enu, ”Asytoret,” iluk ikhi lagaukwa mene a'nogo awi wuri'mo andoma fesukwasik he, ebe warek enek he, o kota Bet-Sean andoma leget pa'leget oba paku warogo te'merogo fesukwa.

1 SAMUEL 31:12

ap inailo lek mene nek folhigik hup inukhogo o Bet-Sean lagaukwa. Lagaukwasik, at Saul ebe warek inom, againafuri inebe warek inom, o kota andoma leget pa'leget oba nen lologo pelakfisa wagaukwasik, woginarek o Yabes wagaukwasik nolinafukwa.