YOSUA 17:1 - Allah Wene Fano Wene Hupla Inane

¹ O kweang i Yordan abel barat fikhit omanogo nen fena re it hun Manasye hun Yusuf amlogo manggusa mene a'nogo ambisangma mene ineisok erokwe omanogo inoba wogisasikhe. Hun Makhir, abo Gilead eisena andire, at Manasye amlogo manggusa mene. Nen at ebe re weim yafu aple faget amururu weak agun hilingi'more o kweang Gilead oba inom Basan oba inom i Yordan fena timur fikhit andoma re at wogetikhe.

YOSUA 17:1 ပူးပေါင်းရင်းမြစ်များ

KEJADIAN 41:51

A'nogo taginafikhemo, at Yusuf en he, mel isikhe: ”At Allah nen he, an yi enggin ti enggin hokhorogoat higi a'nogo nonggoret figik, neisena againafuri inom inoba nonggoret figik, uageluk hilingnafe andi nen namlogo manggusa mene enu, Manasye,” iluk salhikhe.

KEJADIAN 41:52

A'nogo salhikhesik, ekhe mel isikheat: ”Allah nen he, an nebe weak were'ma nagainafuri ya wo'nete,” iluk isikhesik amlogo hobuk mene andi enu re, ”Efraim,” iluk salhikhe.

KEJADIAN 46:20

At Yusuf o Mesir logolik he, againafuri inebe pire mene Manasye inom, Efraim inom, at agwe hun Potifera awi Heliopolis imam logolik hatsu halhi lagaikhe agun a'nogo a'logo, he Asnat a'nogo inomen taginafukwa mene.

KEJADIAN 48:17

At Yusuf eisena enggi ebekwe Efraim ungguloba sebel fesikhe andi nen endawimo weak agaikhe. Endawimo a'nogo weak agaikhesik, eisena enggi ebekwe Efraim ungguloba sebel fesikhe a'nogo hambokhogo Manasye unggul oba sebel feigiluk isikhe.

KEJADIAN 48:18

A'nogo sebel feigiluk ugunem eisena nen mel yagatikhe: ”A'nogo hilingisugun lek neisena. Manasye yi re, namlogo manggusa mene. Halok henggi ebekwe at ungguloba sebelin o,” iluk yagatikhe.

KEJADIAN 50:23

At Yusuf ebe eluk logolik he, ap Efraim en tagongge mene ombalak higit eilenggen isigik, ap Manasye nen tagongge mene ombalak ap Makhir againafuri at Yusuf onggwarek againafuri hangge higit ferinarek welagik, isikhe.

2 SAMUEL 2:9

Andoma nen at Abner en he, Isyboset a'nogo o wilayah Gilead inom, Asyuri inom, Yizreel inom, Efraim inom, Benyamin inom andi nen it afuni Israel mene mondogat faget inom, inoe raja logouwageluk menfesukwa.

1 TAWARIKH 2:23

Oba nen he, iren raja Gesur mene inom Aram mene inomen he o sili it wilayah andoma fikhit werek mene omanogo seberogo 60 nen telogo sebelasikhe. Andi re it Yair inap inawi sili omanogo inom, it Kenat inap inawi omanogo inom o sili endepkwe welagaukwa mene omanogo inom mondogat sebelasikhe. Afuni mondogat andoma re at hun Gilead amlogo Makhir a'nogo ambisangmangge welagaukwa.

YEHEZKIEL 47:13

Tuhan Lego Mondok welagarek mene a'nogo nen ane yaganeti logolik, ”Kweang huli palhigik unggulenu Israel mene inebe nesanggo nen a'nogo inobaget sumburisagain mene re yi o. Unggulenu Yusup mene re huli pire mene helogoin.

BILANGAN 26:29

Unggulenu Manasye mene nen he: Makhir hun Manasye amlogo andire hun Gilead eisena, nen it inunggulenu hobuk yire at Gilead ambisangma mene:

BILANGAN 27:1

Hun Zelafehad a'logomi inebe 5 nen welagaukwa: inenu re hele Mahla inom, Noa inom, Hogla inom, Milka inom Tirza inom. Nen hun Zelafehad andi eisena re hun Hefer nen hun Hefer eisena re Gilead, nen Gilead eisena re hun Makhir nen hun Makhir eisena re Manasye, nen hun Manasye eisena re Yusuf.

BILANGAN 32:33

A'nogo isukwama re Musa nen it inunggulenu Gad mene inom Ruben mene inom Manasye mene fena inom faget he kweang Sihon inom, raja Amori anggweangma inom, nen ap raja Og anggweangma inom, o Basan inom, o kota-kota andoma inom kweang o andoma esanggokwe mondogat inom wogisasikhe.

ULANGAN 21:17

At alolegengge mondogat andoma omalik andi at agwe endawi hundik mene a'nogo nen tagongge lek kwelegat he, altap pirebaat ekhe inom seberogo omalik manggusa mene andiba wogosugun. Omalik manggusa mene angge andi re at eisena nenat ane tekhogo imbik, wene melalek oba werek higithogo omalik andi angge asuageluk abirengge wogosigin,” iluk yagaisasikhe.

YOSUA 17:2

O kweang i Yordan ima nen mo ubuk ikherek fikhit andoma re, at Manasye ambisangma mene nen it ineisok erokwe amu mene omanogo wogisasikhe, it helasukwa mene andem he: Abiezer inom, Helek, Asriel, Sikhem, Hefer, Semida inom. It inebe abirengge andem he hun Yusuf amlogo Manasye a'nogo ambisangma mene ap enek andem. Nen it inebe re it ineisok erokwe aremnogo faget kepala welagaukwa.

HAKIM–HAKIM 5:14

It he o Efraim en he tonggoma it inelokhoma Benyamin mene esa logale'ma andoma paga. O Makhir en he ap sikhe fisogo mene inogogwi panglima pi wagaikha, nen o Zebulon oba nen he inogogwi sikhe fisogo mene perwira weinam agaikha.