YOSUA 15:47 - Allah Wene Fano Wene Hupla Inane

⁴⁷ Andi higithogo re Asdod inom, Gaza inom o kota-kota inom, o sili endep-endepkwe sagarogo werek mene inom, o Mesir kweang oba nen i lagarekwe andoma inom andoma nen pikhit i Laut Tengah hokho mene esanggokwe andoma mondogat inom wogisasikhe.

YOSUA 15:47 ပူးပေါင်းရင်းမြစ်များ

1RAJA-RAJA 5:4

Oba nen yogondak neisena Tuhan Allah nen afuni an nen melalinafi lagi mene inoba lombukhogo logouwageluk hilingisogo nobagaikhemo re, afuni naselei mene inom nen unggum weak mene inom ninoba agi'lek fanorogo welago.

2 RAJA-RAJA 18:8

Aren afuni Filistin mene inomame leget fesikhesik he, o it inebe werek oba omanogo o sili endepkwe desa ba omanogo nen o sili kota hokho meneba huli andoma re o Gaza inom o andi era'lukwe maserogo werek mene omanogo mondogat telhikhe.

2 TAWARIKH 26:6

At Uzia nen he it ap Filistin inap inom, weim yabi lagaukwasik he, aren o kota Gat, Yabne, Asdod inom, leget pa' leget omamerogo waganek welagaikhe mene omanogo meisak-langkukhogo lakfisasikhe, aren hobuk he o kota-kota andoma mondok ning maniberogo o Asdod horokhogo andoma inom, o it afuni Filistin mene werekwe alekwe andoma inom wutikhe.

KELUARAN 23:31

O andoma hit hinanggweang eise asumo logobagaigeluk An nen huli-huli watfesigi menere; I Laut Teberau nen pikhit I Laut Filistin oba nen o leimo afuni le'ma andoma nen i Efrat huliba andoma. Afuni kweang andiba werek mene andoma hiren mugisogo wulak fisoageluk An nen hit hinomame wokhisamo, hit hinebe kweang andi helikhi logolik andoma hiren it mugisogo wulaginabugun.

YEREMIA 47:1

Raja Mesir mene nen o Gaza pin kwigi'lek werek kwelek Tuhan nen an noba it Filistin mene faget wene yi'nogo ikhe.

YEREMIA 47:5

Afuni Gaza mene re esi le'ma hilingisogo fisagain. Afuni Askelon mene re inane igi'lek logogun. Nen, ap Filistin mene fena ineluk werek mene andoma re ki huli nen fong watu logogun nogo?

ZEFANYA 2:4

O kota Gaza oba andoma re ap misigiluk ogo ekhe herakfogoin lek. O Askelon he afuni werek le'ma re olun enek to igin. Afuni Asdod mene re lingge andindu werek kwelek misik sambul ferekhogoat inoasi kwi wesumo re mugusogo wulakfisogoin, nen it afuni Ekron mene re it inawi kota andoma nen wilibini iluk, mugisogo lakfisogoin.

KISAH PARA RASUL 8:26

O kota Yerusalem lagaukwasi'mo re, malaikat Tuhan en yonggo pelakfisa wagarek mene ekhe Filipus oba pi wagaikhesik wene yagati logolik he, ”Hat hebe siakhogo, o Yerusalem en o Kasa i ambutmo higit pagarek kwe, afuni inebe lekwe andi nen pino o,” iluk yagatikhemo re, siakhogoat pisikhe.

ULANGAN 2:23

Nen kweang uanhogo i hokho mene Laut Tengah yenggelek era'lukwe liabek pelabek andi it afuni kereta inap he, i alonggen kwe andoma welagaukwa. Andoma logolik he iren afuni Awi inap inaggweang eisewerek omanogo mikhasukwasik he o Gaza nen abel a'ma fikhit huli mondok uanhogoat fesukwasik welagaukwa.

YOSUA 11:22

It inunggulenu Enak inap andi menere ap misik ekhe ogo it Israel mene were'ma andoma welagaukwa mondok lek, we inebe miren hakhogo o Gazaba inom, Gat oba inom, Asdod oba inom welagaukwa.

YOSUA 13:3

nen o wilayah it Awi inaben eil a'ma selatan fikhit werek mene andoma inom. (O i Sikhor ima nen o Mesir inom huli-hulimo andoma nen he, o Ekron huli-hulimo eil ambolkwe utara fikhit andoma huli, o mondogat andoma re it ap inunggulenu Kanaan mene inom, en it raja-raja Filistin mene andoma re o Gaza, Asdod, Askelon, Gat, Ekron inom oba andoma werek.)

YOSUA 15:4

Andemen hiling-hiling o Azmon oba nen he i aganhan mene o Mesir huli hulimo andi som en he, wurep kopokhogo re i Laut Tengah huli andoma. O it inunggulenu Yehuda mene inobaget abel malikwe selatan fikhit huli-huli re a'nogo hilingik welagaikhe andi. Nen a'nogo hilingik welagaikhe mene andi re, it afuni Israel mene inanggweang oba nen abel malikwe selatan fikhit andoma huli-huli re andiba fesukwa.

YOSUA 15:46

o Asdod horok-korokwe kota-kota andoma inom, desa-desa werek mene mondogat inom, o Asdod nen i Laut Tengah a'nogo huli andoma werek mene mondogat inom wogisasikhe.

YOSUA 15:48

O tomkwe andoma re o kota 11 nen inom, o sili endep-endepkwe mene inom lambulogo welagaikhe mene enu re: O Samir, Yatir, Sokho, Dana, Kiryat-Sana (andi re Debir iluk), Anab, Estemoa, Anim, Gosyen, Holon, Gilo inom andem.