YOSUA 14:6 - Allah Wene Fano Wene Hupla Inane

⁶ Linggene misik sambul he it inunggulenu Yehuda mene at Yosua o Gilgal were'ma ambit wagaukwa. It wagaukwa mene andem ap misik ekhe enu re Kaleb hun Yefune amlogo ap Kenas mene a'nogo nen ikhi logolik he, ”Yosua ao! Nit inom hat inom faget o Kades-Barnea nen Tuhan at Musa Allah amingmingengge a'nogoba yagatikhe mene aremnogo re harogo helu o.

YOSUA 14:6 ပူးပေါင်းရင်းမြစ်များ

1RAJA-RAJA 13:1

A'nogo hilingitikhemo re andem sambul ap nabi ekhe it Yehuda mene inoba andoma welagaikhe. Were'ma re Tuhan nen o Betel andoma loageluk mimingitikhemo lagunemen he Yerobeam a'nogo re, mezbah elokhoma aremnogo yi mene ti mene warogo noligin iluk mendek welagaikhe.

1RAJA-RAJA 13:14

nabi Yehuda mene a'nogo murok ombo'ne wagaikhe. Wagunem en he nabi a'nogo re e hokho wulibik mene eroma hurek were'ma wagaikhesik he, nabi yaman mene a'nogo nen heinok wokhikhi logolik he, ”Hat he, nabi o Yehuda mene a?” iluk heinok wokhasikhemo re, ap a'nogo nen he, ”Eberogo,” iluk yagatikhe.

2 RAJA-RAJA 4:16

A'nogo menlasi lagaikhemo, at Elisa nen, he a'nogo mel yagatikhe: ”Tahun hobuk mene o ya higit oba, hat omalik ap mene hagoumo fisogo logogin o,” iluk yagatikhe. A'nogo yagatikhemo, aren he, ”Hat hebe Allah amingmingengge meneat he, heranen wene yaganetun o, noe,” iluk yagatikhe.

2 RAJA-RAJA 4:42

Linggene ekhe sambul ap misik ekhe o Baal-Salisa nen wagaikhe. Waga logolik aren Elisa faget gandum enggen ket palek mene inom, roti werago 20 nen gandum enggen attak tahun andiba palhukwa mene weragongge inom, woginarek wagaukwa. Wagaukwama re at Elisa nen amingmingengge a'nogoba re roti omanogo it ap nabi omanogo inoba sumburisoageluk yagatikhe.

2 RAJA-RAJA 4:9

A'nogo wagunem, at he a'nogo nen he, agun oba mel yagatikhe: ”Ap ninoba fa'larik mondok weri'lago a'nogo ebe eberogoat Allah amingmingengge mene enegat hikhi lagi o.

2 RAJA-RAJA 8:11

A'nogo yagatikhesigen Elisa nen at Hazael oba eil lourogo weregen he at Hazael a'nogo ailo agaikhe. Ailo agaikhesik were'ma nen he ferekhogo aremnogo Elisa le agaikhe.

2 RAJA-RAJA 8:7

Linggene misik sambul he, Elisa o Damsyik lagaikhe. Nen, andem sambul he at raja Benhadad a'nogo oba ou wanhunem lagaikhe. Lagaikhemo at raja esanggo holhikhe re, Elisa o Damsyik werek ugunem holhikhesik,

1 TAWARIKH 23:14

Allah amingmingengge Musa a'nogo againafuri re it Lewi inap inoba misi'mo kwelabek welagaikhe.)

MAZMUR 90:1

At Allah amingmingengge Musa a'nogo nen samban isikhe mene. ”Allah neisena, Nit afuni endamaren ta'larik waga logolik, hobuk ta'lasugun huli andoma faget nit ninebe hawea'ma kuluk werek oba re Hat hebeat welagen o.

YEREMIA 35:4

An nen it aremnogo hondoginarek o Tuhan Awi wuri'mo senggelek nabi Hanan hun Yigdalya amlogo nen yagaisugunem kabogetarek oba a'nogo kwisugu. Senggelek andi re imam Maaseya hun Salum amlogo a'nogo nen mene senggelek ambolkwe meneba it ap yabu legoma hilingiri'lagwi mene nen ambe andi horokhogo andem kwisugu. Maaseya andi re pegawai lego mene logolik kwe sou o Tuhan Awi andiba kwagarek mene halhi lagaikhe agun.

BILANGAN 13:26

Wagaukwasik he, it Musa inom, Harun inom, afuni Israel mene inebe mondogat inom, o afuni le'ma Paran leimo o enu Kades andoma inebe andogorek were'ma inoba wagaukwasik he, ”Yi'nogo hogo, ti'nogo hogo,” iluk yagaisigik, e enggen palogo waluk wagaukwa mene omanogo inugisigik, isukwa.

BILANGAN 13:30

A'nogo yagatukwama, it afuni ekhe nen he, ”Ninggi'nogo hilingisugun, nailo e,” iluk, Musa oba wene palogo yagati lagaukwa mene andi inendawinggen hambuk uageluk, at Kaleb en mel yagaisasikhe: ”Hinailo lek. Nit afuni o andoma mene mabenet fisouwogeluk ninomame elok welago andi nen, yogondak yaat inoasi lambik, inebe mugusogo wulakfisambik he, o andoma nit arat sebeli louwogo,” iluk yagaisasikhe.

BILANGAN 14:24

A'nogo meneat he, An namingmingengge Kaleb, An faget obabut mondok hombunhogo hilingiterek mene andi amunek he, An nen at attak lagasik wagaba andoma waluk lagain o. O andoma re, kweang mondok fano lio'layokse'ma yogondak afuni inunggulenu Amalek mene inom, Kanaan mene inom, welagaikharego. A'nogo meneat he, hobuk o andoma namingmingengge Kaleben tagongge mene eise asugun. Ma re, ohealekwe re hit hinambotkwe o leimo afuni le'ma i Akaba yenggelek higit andoma lani o,” iluk yagaisasikhe.

BILANGAN 14:6

A'nogo hilingitukwama, it afuni ineil penesi lagaukwa omanogo mene inebe pire, ap Nun amlogo Yosua inom, Yefune amlogo Kaleb inom, emberek it afuni nen he, ”Inendawimo weak agasigen hilingita,” iluk futfouwageluk inasu ugu mene tiliphogo lakfisasukwa.

BILANGAN 26:65

Tuhan nen ikhi logolik it mondogat o leikwe nen wa'lasugun isikhemo re eberogo it inebe mondogat wa'lagaukwa, we hun Kaleb at Yefune amlogo a'nogo inom, nen Yosua hun Nun amlogo a'nogo inom enek he wa'lagaukwa lek.

BILANGAN 32:12

Ap mondogat he unggum helasukwama nen he, we Kalep hun Yefune amlogo ap Kenas mene a'nogo inom, Yosua hun Nun amlogo a'nogo inom enek he, iren Tuhan oba inendawinggen tipsek welagaukwama re unggum helasukwa lek andi.

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

ULANGAN 34:10

Afuni Israel mene, ap ekhe Allah ane yagaisagarek mene, at Musa nineisena Tuhan emberek weneane inolokheba lakfigik-wakfigik ikhi lagaukwa andi hangge ekhe welagaikharek mondok lek.

ULANGAN 34:5

A'nogo yagatikhemo, At nineisen Tuhan nen amingmingengge Musa ebe wa'lagi'lek werek kwelek yagatikhe higit hogoat, at ebe o Moab andoma wa'lagaikhe.

1 TIMOTIUS 6:11

It a'nogo hilingitarek meneat he, hat he, hebe Allah amlogo welagen andi nen, andi mene hilingiti'lek herakfisaluk logoino. A'nogo logolik, Allah endawimo anggikherek mene higithogo hilingitik, awe a'ma kuluk, at faget hilingitik, hendawinggen at oba himbirik welagik, afuni hendawirinafik, hafe morogo welagik, hobabut enago welagik, ikhi logoigeluk, andi meneat esinet fikhi logoino.

2 TIMOTIUS 3:17

Afuni inebe lombok inebe Allah faget fisaluk logolik, yi mene ti mene at faget fano hilingitarek mene andi higithogoat inendawinggen wurikhogo hilingiti logouwageluk, Allah ane lisu palogo wo'nisasikhe andi.

YOSUA 10:43

A'nogo mondogat hilingfuluk he at Yosua agoromi sikhe fisogo mene omanogo inom he inambotkwe o Gilgal inawi sabu wuri'mo wagaukwa.

YOSUA 14:14

Andi nen he. at Kaleb eisena Tuhan afuni Israel mene ineisena Allah a'nogoba tiphogo hilingiti logolik higithogo nek hilingiti lagaikhemo re, yogondak huli nen ogo o kota andi re at Kaleb hun Yefune amlogo ap Kenas mene andi ambisangma mene nen kweang andi eiserogo sebelek welagaikharek.

YOSUA 15:17

At Kaleb andi agailak he Kenas, amlogo Otniel en kota a'nogo telogo helasikhemo re, Kaleb a'logo Akhsa a'nogo re Otniel wogetikhe.

YOSUA 4:19

A'nogo hilingfesikhemo, it afuni Israel mene i aik yikwe wulibi wagaukwa andire, tugi iren attak wenati lagaukwa mene a'nogoba tanggal 10 ba wulibi wagaukwa. A'nogo wulibi wagaukwasik, inawi su mene o Gilgal o Yerikho abel mo liabi wagarek higit andoma wutukwa.