YOSUA 13:14 - Allah Wene Fano Wene Hupla Inane

¹⁴ It inunggulenu Lewi mene re kweang at Musa nen sumburogo it mene iluk wogisasikhe le'ma re, it ekhe helasukwa lek. Andi re Tuhan nen Musaba yagati logolik, ’It ap Lewi mene re yi mene ti mene warogo Allah it Israel mene ineisena a'nogo faget mezbah oba nolhi logogun inap he it andi logogun,’ iluk isikhe andi nen.

YOSUA 13:14 ပူးပေါင်းရင်းမြစ်များ

YEHEZKIEL 44:28

It imam en yabu imam mene akhogoin andi re An nen afuni Israel mene inoba nen ta'larik logoin mene andoma nen hilingiti logogun mene iluk wogisasigi andi. An he it inangge welagimo re it imam andoma inangge amu mene ekhe logogin lek.

YEHEZKIEL 44:29

It andi re An nobaget gandum inom wam inaweak horogo leget fisoageluk warogo fugu mene inom, afuni inangge obali'mo fugu mene inom andomaba ineluk logogun, nen yi mene ti mene An nobaget iluk enogo nobagakhi logogun engge andoma re it enek wogisikhi logogun.

ULANGAN 10:9

At nineisena Tuhan Allah nen afuni inunggulenu Lewi mene yagaisikhi logolik he, ”Hit kweang wokhisamo eise asu hak he, An nebeat eise logoni o,” iluk yagaisasikhe hagat, it afuni inunggulenu Lewi mene andi inebe Allah eisewerek logolik, kweang it inunggulenu hunogoat mene eise aga lagaukwa andi hangge, it ekhe eise aga lagaukwa mondok lek andi.)

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

ULANGAN 12:19

Hit o andoma lambik logolik he, afuni Lewi mene andi inoba ebeti'lek herakfisanogo iluk, hineil woginafi logoino.

YOSUA 13:13

Oba nen he, it afuni o Gesur mene inom, Maakha inom he, it Israel mene nen mugusogo wulakfisasukwa lek, it inebe afuni Israel mene werek oba andoma inomat welagaikharek.

YOSUA 13:15

Kweang Tuhan nen abok it afuni Israel mene inoba yagaisasikhe mene omanogo re at Musa nen he it inunggulenu Ruben meneba nen ineisok erokwe mene lombok omanogo it inanggweang mene asuageluk wogisasikhe.

YOSUA 13:33

Oba nen he, it inunggulenu Lewi mene re kweang andoma mene endebat iluk ogo Musa nen ekhe wogisasikhe lek. Musa nen it inobaget ikhi logolik he, it inangge aga logogin mene re yi mene ti mene Tuhan Allah afuni Israel mene ineisena andi faget fuluk wogeti logogun mene andoma aga logogun o,” iluk isikhe.

YOSUA 18:7

We it inunggulenu Lewi mene nek he kweang hit hinom andoma it mene faget helogoin lek, andi re it hela hak he it inebe imam logolik Tuhan obaget hilingiti logogun andi. Nen it inunggulenu Gad mene, Ruben mene inom nen Manasye mene fena minggilogo inom faget he, it mene re kweang i Yordan fena mo liabi wagarek fikhit andoma helasukwa. At Musa Tuhan amingmingengge a'nogo nen it mondogat inoba sumburogo wogisasikhe,” iluk yagaisasikhe.