YOSUA 13:13 - Allah Wene Fano Wene Hupla Inane

¹³ Oba nen he, it afuni o Gesur mene inom, Maakha inom he, it Israel mene nen mugusogo wulakfisasukwa lek, it inebe afuni Israel mene werek oba andoma inomat welagaikharek.

YOSUA 13:13 ပူးပေါင်းရင်းမြစ်များ

KEJADIAN 35:22

A'nogo wutikhesik elama andem werek kwelek he, at Ruben nen he eisena agwe heihe mene he Bilha a'nogo inom orouwe lagaikhemo at Yakub en esanggo holhikhesik he, at a'mage mondok hokho mene lagasikhe. At Yakub againafuri inebe mondogat 12 nen welagaukwa.

2 SAMUEL 10:6

Aren a'nogo isikhemo nen it afuni Amon mene nen anggikhi logolik he, niren hilingitoba at Daud a'nogo nit ninom aselei mene aga, iluk anggasukwasik weim ya'nisoageluk ap yonggore it sikhe fisogo mene Sirian inap o Bet-Rehob inom, Zoba inom, welagaukwa mene re inebe 20.000 nen inom, it weim yafu inap inawi Tob mene re inebe 12.000 nen inom, nen at raja o Maakha mene agoromi inebe 1.000 nen inom yonggo fesikhe.

2 SAMUEL 3:3

At amlogo ombo'ne pirenek mene re Kileab he Abigail hun Nabal agwe sogwe awi Karmel mene a'nogo nen tatikhe mene. Henaganek mene re Absalom he Maakha hun raja Talmai o Gezur mene a'nogo a'logo nen tatikhe mene.

BILANGAN 33:55

Meneat he, afuni o kweang andiba werek mene andoma hiren pugulogo wulak fisogoin lek halok he, afuni o andoma logogun mene nen he hit hinoba eluk-elugengge ineilenggenma kugunem hilingitarek higit hilinghinafik, nen alok ineiso'ma kugunem hilingitarek higit enggin-fenggin hinoba figik ikhi logogun o. Iren he hit hinom weim yafi logogun.

ULANGAN 3:14

Hun Yair it inunggulenu Manasye mene nen he, o Argob kwe andoma nen haningisogo o Basan kwe nen lambukhogo re o Gesur inom Maakha inom huli-hulimo andoma mondogat seberogo helasukwa. Helasukwasik o sili endephogo werek mene omanogo at onggwarek enubene nek salhukwa. A'nogo salfesukwa mene andoma o yogondak huli nen o sili andoma Yeir mene inawi sili iluk inelu welagaikharek.)

YOSUA 12:5

O at a'ma welagaikhe mene Tom Hermon oba nen he, Salkha inom, o Basan mondogat inom, o Gesur inom Maakha inom andoma huli welagaikhe. Andi nen o Gilead minggilogo re at raja Sihon o kota Hesybon a'ma welagaukwa mene andoma huli hilingik welagaikhe.

YOSUA 13:11

Nen o Gilead, Gesur, Maakha maserogo andoma inom, Tom Hermon oba andoma mondogat inom, o Basan kwe nen he Salkha huliba andoma wogisasikhe.

YOSUA 13:12

Nen it inawi ogore. at raja Og ap Refaim mene wurep kobokhogo re aren o Asyterot inom, Edrei inom, ferinarek logolik wene melalinafi lagaikhe agun andi a'ma welagaukwa mene andoma inom welagaikhe. Ma re, at Musa nen afuni inunggulenu andoma mene re mondok inomame leget fisasikhesik, it inaiba andoma nen mugusogo wulakfisasikhe.

YOSUA 13:14

It inunggulenu Lewi mene re kweang at Musa nen sumburogo it mene iluk wogisasikhe le'ma re, it ekhe helasukwa lek. Andi re Tuhan nen Musaba yagati logolik, ’It ap Lewi mene re yi mene ti mene warogo Allah it Israel mene ineisena a'nogo faget mezbah oba nolhi logogun inap he it andi logogun,’ iluk isikhe andi nen.

1 SAMUEL 27:8

Andem oba at Daud a'nogo logolik at agoromi inomen he, it afuni Gesur mene inom Girsi mene inom, Amalek inap inom, it inunggulenu andem inap he endamen engge o kweang andomaba were'ma inoasi laga lagaukwa. Aren he o kweang andoma mene inoba inoarik-inoarik he o Zur huli andoma nen he o Mesir huli yathogo andomaba fei lagaikhe.