YOSUA 12:2 - Allah Wene Fano Wene Hupla Inane

² Ap misik ekhe enu re Sihon, raja Amori mene inoe kain logolik, o Hesybon andoma welagaikhe. O aren ferinarek welagaikhe kwe re, o Gilead andoma fena minggilogo: o Aroer (Arnon Tonggo esanggo) andoma huli nen he, tonggo andi tulemkwe o kota-kota welagaikhe kwe andoma nen hiling-hiling, i Yabok werek huli o it inunggulenu Amon mene inom huli-hulimo andomaba hilingik welagaikhe.

YOSUA 12:2 ပူးပေါင်းရင်းမြစ်များ

KEJADIAN 32:22

O hubanggo andi sambul, at Yakub eluk agaikhesik he, agagwi inebe pire aremnogo inom, it inamingmingengge hemi inebe pire aremnogo inom, againafuri inebe 11 nen omanogo inom, woginarek i Yabok palogo i aik yi kwe wulibi wagaukwa.

1 TAWARIKH 5:8

Bela, hun Azas amlogo, hun Sema omba, it Yoel inap ineisok erokwe mene welagaikhe. It inunggulenu Ruben mene re, o Aroer inom, o wilayah Aroer huli nen he o Nebo abel ambol kwe utara fikhit omanogo nen o Baal-Meon huli andoma welagaukwa.

NEHEMIA 9:22

It afuni inunggulenu hunogo mene, nit ninombalak inawi wogisasigin oba yoma huliba welagaukwa mene mondogat mabenet fisaluk, inomame asuageluk hiliniginafigin andi. Andi re, o Hesybon ap raja Sihon nen ferinarek welagaikheba mene sebeli kwi wagik, o Basan ap raja Og en ferinarek welagaikheba mikha kwi wagik, isukwa andi.

MAZMUR 135:11

Ap Sihon Amori mene inoe raja a'nogo inom, hun Og o Basan mene inoe raja a'nogo inom, nen it raja-raja ekhe o Kanaan oba welagaukwa mene omanogo inom inoatikheat.

YEREMIA 48:19

Hit afuni o Aroer welagep mene re kwe esanggoma mendek logolik hineil furati logoni! It ap longgo iluk heise lagu mene andomaba re, ”Ninggi'nogo hilinglagama?” iluk heinok woginafi logoino.

ULANGAN 1:4

A'nogo yagaisasikhe andi re, at Musa nen ap kain enu Sihon, it afuni inunggulenu Amori mene inoe enupogot logolik o kota enu Hesybon welagaikhe mene andi inom, ap kain enu Og, o Basan tonggwe afuni o kota Asytarot mene inom, Edrei mene inom, inoe enupogot logolik ferinarek welagaikhe mene inom, emberegat mabenet fisasikhesik oba nen yagaisasikhe.

HAKIM–HAKIM 11:13

A'nogo lakfesikhemo at raja afuni inunggulenu Amon mene inoe a'nogo nen ap yonggo waluk lagaukwa mene omanogo inoba onggo ikhi logolik he, ”Afuni Israel mene o Mesir en waga logolik he, iren nit ninanggweang o Arnon nen he i Yabok ima nen pikhit i Yordan huliba mene hilingik engge omanogo it mondok helasukwa. Ariginhukwangge a'nogo re, yogondak hiren he hinendawi fanoba nit ninanggweang andi ninonggwarek wo'nisani,” iluk yagaisasukwa.

HAKIM–HAKIM 11:22

Iren he wilayah Amori mene nen oba re, abel a'ma selatan fikhit he o Arnon oba andoma nen he abel ambolkwe utara fikhit he i Yabok oba andomaba hilingik, nen mo lagai wagarek fikhit he i Yordan ima nen mo ubuk ikherek fikhit andoma huliba hilingik.