YOSUA 11:3 - Allah Wene Fano Wene Hupla Inane3 At raja Yabin andi ogo re it afuni Kanaan mene i Yordan fenakwe mo ero fikhit werek mene inom, mo ubuk ikherek fikhit werek mene inom inoba wene warogo lakfikhi logolik, it ekhe Amori mene, Het mene, Feris mene, Yebus mene, o tomkwe werek mene inom, nen Hewi inap tom Hermon erokwe nen o Mizpa andoma werek mene inomat inoba yonggo wulafikheat. အခန်းကိုကြည့်ပါ။ |
YOSUA 11:3
30 ပူးပေါင်းရင်းမြစ်များ
At pogoroba yonggo mene nen wa'lagu mene waluk wagaikhe mene a'nogo hun Arauna o Yebus agun a'nogo nen gandum enggen lolhuba aremnogo asi lagaikhesik were'ma, At Tuhan eilenggen hasikhe re malaikat pogoroba yonggo nikherek mene a'nogo nen he o Yerusalem a'nogo mondogat wolelenggenhogo feigiluk ugunem hasikhesik, At Tuhan nen, a'nogo inoasi lan, iluk wene katokhogo isikhe mene a'nogo hebekhogo re it afuni inunggulenu a'nogo mene unggum inoba feigiluk isikhe mene a'nogo herakfisasikhe. A'nogo herakfisasikhesik, Aren malaikat oba ikhi logolik he, ”Arat hilingiten! Palfein o!” iluk yagatikhe.
Andoma nen it inebe mo liabi wagarek fikhiren he pelabek o Tirus kota leget pa'leget mondok omamerogo wagane'ma andoma fikhit lagaukwa. Andoma nen he it o kota afuni Hewi mene inawilokwe inom, it Kanaan mene inawilokwe inom ya kwigik ta kwigik laga lagaukwasik wurep kobokhogo re o Yehuda abel a'makwe selatan fikhit andoma nen o Bersyeba fikhit andoma lagaukwa.
A'nogo welagaikhesik at raja Asa nen he o Rama a'nogo omamerogo hilingisigiluk he afuni Yehuda mene inebe mondok felelenghogo e inom, helep inom, waluk loageluk wene lenggalhikhe. Wene warogo wulafikhemo iren waluk lagaukwa mene omanogo re o it ap Benyamin mene inawi wilayah kota ekhe o Seba andi inom Mizpa inom aremnogo omamerogo wutukwa.
Yabu inane omamerogo yagasugu kwelek hilingisuageluk andi re at Salomo nen it afuni o Amori mene inom, Het, Feris, Hewi, Yebus mene inom, inaben inambisangma nen tagongge omanogo inoba yagaisugu kwelek hilingiti lagaukwa. Ap andoma re afuni inunggulenu Kanaan mene inambisangma mene, it Israel inap o kweang andi sebeli kwikhi logolik a'nogo inoatukwa le'ma, ineluk welagaukwa mene. Nen yogondak huli nen inom it andi inambisangma mene re inamingmingengge a'luk werek.
Afuni inunggulenu Amalek mene inaiba re, i ambut mo selatan fikhit andoma were'ma isogo. Nen, afuni inunggulenu Het mene inom, Yebus mene inom, Amori mene inom, inaiba re tom oba era'lukwe wuthigik welagaikhare'ma o. A'nogo werek kwelek it afuni inunggulenu Kanaan mene nek he, i laut yenggelek esanggokwe mondogat inom, i Yordan aik fena-fena elesi ambut mondogat inom, it mondok welagaikhare'ma isogo,” iluk yagatukwa.
A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.
O andi unggut mondok langsek welagaikhe mene re huli o Edom horokhogo nen Pengunungan Gundul ikhi lagaukwa mene andi huliba nen abel a'makwe re selatan fikhit hilingik welagaikhe, nen abel polikwe utara fikhit he mondok uanhogo o Baal-Gad Libanon tonggoma andoma nen tom Hermon a'makwe selatan fikhit hilingik welagaikhe. At Yosua nen it ap raja-raja o andoma mene inom weim aninurogo yafi lagaukwa oba nen he, ambisangma nen he it mondogat mabenet fisasukwasik inebe pinggi inoatukwa.
Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.
Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.
Andi nen he, it inunggulenu Israel mene a'nogo inanggele'ma omanogo nen it inunggulenu omanogo nen ekhe attak o Mizpa Tuhan were'ma lagaikharek oba omanogo lagaikha lek mene ekhe werek hea iluk ayo wutukwa. (Andem sambul iren hombuk palhi logolik, Ap o Mizpa wesuageluk wolinafa mene andoma ekhe lagi'lek kamo aga halok he ebe pinggi wasugun,) isukwa.
Ap inunggulenu kweang andiba welagaukwa mene andoma re, it inunggulenu Filistin mene fuaben aremnogo inanggele'ma welagaukwa mene re, unggulenu Kanaan mene inom, Sidon mene inom, Hewi mene tom Libanon ebene welagaukwa mene inom, Tom Baal-Hermon oba nen he kwe o Hamat lagaikharek mene andiba huli andoma werek mene inom welagaukwa.
ကြော်ငြာတွေ