YOSUA 11:21 - Allah Wene Fano Wene Hupla Inane

²¹ O andem oba re at Yosua nen afuni inunggulenu Enak mene inom, Ai mene inom, inoagese yatek-patek o Hebron inom, Debir inom, Anab inom, it Israel mene inaiba inom, it Yehuda mene inaiba inom tomkwe andoma mondogat welagaukwa inap. It inebe re at Yosua nen mondogat inoatikhesik he it inawi kota inom mondok wolelenggenhogo fesikhe.

YOSUA 11:21 ပူးပေါင်းရင်းမြစ်များ

YEREMIA 3:23

Niren ninagaiyekhogo tom unggulkwe tugwi kembu wuti lago mene andoma re we alomarogo hilingiti lago! Nit Israel mene lebetninisikherek mene andi re we Tuhan Allah amu nen aro.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

AMOS 2:9

A'nogo meneat he hit An nagainafuri yi, afuni Amori mene inebe e sin hakhogo inoakhuse uandek inap, nen e batie hangge inomame hokho inap omanogo re hit hinobaget An nen inebe mondogat legetfisasigi andi.

BILANGAN 13:33

Afuni inunggulenu Enak mene nen tago mene andoma re, inebe hokhondek inoakhuse uandek enek nineilenggen isogo, nailo e. Nit ninebe it ninom walhamo re, nit ninebe pulue hangge anggogo. Nen, iren ogo re, nit faget a'nogoat anggagarek,” iluk ineranen wene lalogo yagaisasukwa.

ULANGAN 1:28

Arigini'mo re, nit he nenahalok o andoma logoin ogo? Ap niren o andoma lak fisogo mene omanogo nen aleik kwe lagaisogo ninailo asuageluk yaganisikhi logolik he, afuni o andoma werek mene re nit ninom he higitsek lego, it he inomame mondok hokho logolik, inalong-pinalong inap werego, nen inawi kota inebe welagaikharekwe andoma re inaleget mondok omamerogo wokhigik pogot higithogo liabe'ma re, it inebe ogo re mondok hokhondek inoakhuse yatek-patek were'ma isogo, iluk isukwama hiren he nit he nenahalok o andoma kwi logoin? iluk isigip.

ULANGAN 2:21

It afuni Enak inap hakhogo re it inoak yatek-patek, inebe hokhondek, inomame hokho mene logolik esa hokho mene welagaukwa oba nen he, At Tuhan nen it inebe leget fisasikhemo it afuni Amon mene nen kweang andi helasukwasik o andoma welagaukwa.

ULANGAN 9:2

Nen, afuni inebe inobakhe mondok hokhondek mene re, inomame mondok hokho were'ma, afuni ekhe nen he, it andi weim inom yafi logolik mabenetfisogoin mondok elo'lego, iluk inabok ugunem hinesanggo lombok holhep anggigi.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

WAHYU 6:2

A'nogo ugunem, neilenggen yethigi hak he, ap ekhe sikhe waluk kware-kware ap inenupogot ikfisagarek mene unggul oba ikfagama, wam kuda esi mola kut mene amboroba hurek logolik, o sebeligeluk sebelik nugunem yethigi o.

HAKIM–HAKIM 1:20

Attak Musa nen wene melalinafikhe mene higithogo re o kota Hebron he Kaleb wogetikhe. Andi re attak ap unggulenu Enak mene nen ap unggulenu akhogo henagan welagaukwa mene re at Kaleb en o kota andiba mugusogo wulak fisasikhemo a'luk wogetikhe.