YOSUA 10:6 - Allah Wene Fano Wene Hupla Inane

⁶ A'nogo wagaukwama, afuni Gibeon mene nen at Yosua o Gilgal su mene wuri'mo were'ma yagasi loagaluk wene warogo lakfisasukwama lagaukwasik he, mel yagatukwa: ”Noe, nit ninamunek obokhogo herakninobagagun o. It ap kaindek inunggulenu Amori mene tomkwe werek mene inogogwi inenupogot mondogat inagoromi tentara inom sebe agasik he, nit ninoasuogoluk wagaikhasik werek andi nen he, weak-weagat telninabi we'no o,” iluk yagasi lagaukwa.

YOSUA 10:6 ပူးပေါင်းရင်းမြစ်များ

2 RAJA-RAJA 4:24

A'nogo yagatikhesik, obuluk wam keledai ambot oba hu'la'luk lagarek mene a'nogoba kelfesikhesik he, amingmingengge a'nogo mel yagatikhe: ”An nebe weak-weak wo'narek loageluk wam ari silhan o,” iluk yagatikhe.

MAZMUR 125:2

Tom-tom andoma nen o Yerusalem haningisogo kwelabek werek a'nogo hak, At Tuhan nen it againafuri omanogo o yogondak huli nen hobuk huli andoma mondok mondogat sebelogo ferinarek logogin.

YESAYA 33:22

It inangge kapal andi elonggolokwe werek mene andoma mondogat he hilingisu elo' lek enek asigin, su kapal oba sogoi faget wurilogo kwe palfikhi logogun lek! Nit ninaselei mene inangge andoma re niren telamo re mondok hokho pokhorogo hilingik logogin, andiba re, ap ineisok holurek mene ogore it mene elok helikhi logogunat. Tuhan ebeat nit ninobaget Raja logogin. Aren he melalninafik, wene melalek werek mene omamet figik, nit ninebe selei meneba nen telninafik, hilingisigin.

BILANGAN 13:29

Afuni inunggulenu Amalek mene inaiba re, i ambut mo selatan fikhit andoma were'ma isogo. Nen, afuni inunggulenu Het mene inom, Yebus mene inom, Amori mene inom, inaiba re tom oba era'lukwe wuthigik welagaikhare'ma o. A'nogo werek kwelek it afuni inunggulenu Kanaan mene nek he, i laut yenggelek esanggokwe mondogat inom, i Yordan aik fena-fena elesi ambut mondogat inom, it mondok welagaikhare'ma isogo,” iluk yagatukwa.

LUKAS 1:39

Malaikat a'nogo lagaikhemo, at hele Maria enggi endebat ekhe welagaikhesigen, o Yudea pisikhesik o tomkwe fikhit andoma lagaikhesik he,

ULANGAN 1:15

Andi oba nen hiren hinogogwi yagahisikhi logouwageluk ap inebe miren mene hakhogo inobabut hebelek mene inom, inendawinggen wenggelogo hilingisu hak mene inom, aremnogo re, it inebe 1.000 nen mene inom, it ekhe 100 nen mene inom, it ekhe 50 nen mene inom, ekhe 10 nen mene inomat inunggulenu lombok faget inogogwi logolik ferinarek logouwageluk menfisasigi. Nen, an nen ogo re, it fena inogogwi kaindek ferinarek logogun mene hinunggulenu mondogat faget menfisasigiat.

YOSUA 10:5

A'nogo yagaisasikhemo lagaukwasik yagaisasukwama re, it ap inogogwi raja inunggulenu Amori mene o Yerusalem mene inom, Hebron mene inom, Yarmut mene inom, Lakhis mene inom, Eglon mene inom misi'mo sebe isukwasigen inagoromi tentara mene mondogaren afuni o Gibeon mene o fisagaisogo inoasuogeluk wagaukwa.

YOSUA 10:7

A'nogo yagasi lagaukwama at Yosua ebe inom, agoromi ekhe tentara inafe hebelek mene mondogat inom, weim inanini weak mene esa logalhi lagaukwa mene inom, inomat weim yabuogoluk o Gilgal en wagaukwa.

YOSUA 5:10

O Gilgal kweang tonggwe liok layokse'ma o Yerikho horokhogo andoma it afuni Israel mene o su mene wutfilik, elama faget logolik tugi andiba tanggal 14 oba hu'mokwe Allah nen telninafikhe iluk andi faget ebetikhi logolik seni Paskah nasukwa.

YOSUA 9:15

At Yosua nen he ap Gibeon inap andi ninom sebeti lago iluk wene watikhe, Wene a'nogo warisasikhe andiba re it inebe ekhe inoatukwa lek. Nen it afuni Israel mene melalinafu mene omanogo nen ogore wene watukwa mene andi tiphogo hilingisugun iluk he inane hombuk palhukwaat.

YOSUA 9:6

A'nogo hilingitukwasik he. at Yosua ambit o Gilgal awi sabu wuri'mo lagaukwasik iren at inom afuni Israel mene inom inoba ikhi logolik, ”Nit he ninawi ero mondogat yatma mene o, ma re nineisugwi hit ninom wene wasugun iluk wago o,” iluk isukwa.

YOSUA 9:8

Andi isukwama iren ikhi logolik he, ”Nit he nineisena haren yi mene hilingi'ni iluk yaganisagain mene andoma re ninendawimo fanoba hilingisugun enego,” iluk isukwama, Yosua nen heinok wogisikhi logolik he, ”Hit he hinebe sani nogo? Nen hinawi ero koma nen wagep?” iluk heinok wogisasikhe.