YOSUA 10:42 - Allah Wene Fano Wene Hupla Inane

⁴² Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

YOSUA 10:42 ပူးပေါင်းရင်းမြစ်များ

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

MAZMUR 80:3

haselek oba weinam asime o. Nen Hat hebe homame welagen mene a'nogo nit ninoba inuk nisan o, nen Hat hebe wesimbik he nit ninagap telninabime o.

KELUARAN 14:14

Hiren ekhe hilingisugun mondok lego. We, nineisena Tuhan ebe ninebikhit asimbik inoasigiluk hilingisigin werek o,” iluk yagaisasikhe.

KELUARAN 14:25

Inangge kereta eisok nong-honget fesikhemo inoba wesu re, mondok elo'lek agaikhe. A'nogo hilingfesikhemo, it afuni Mesir mene nen he, mel isukwa: ”Afuni Israel mene ineisena Tuhan it werekwe agasik nit ninoasigiluk hilingiri'lago higi. Halok nit ya nenat heise louwogen we'ni o,” iluk isukwa.

YESAYA 43:4

Hat hebe An neilhanem he esin mene welagen ma re, agaukhogo nendawit hafirego. Andi nen he hat hebe hoasinogoluk hagap telogo it afuni inunggulenu ekhe mene inoasuagaluk hobali'mo fisigimo o.

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

YOSUA 10:14

At nineisena Tuhan nen afuni inendawimo inamolo mene inane hologo re, ebe afuni Israel werekwe agaikhesik weim yafunem, o inenggi misik sambul a'nogo hilingitikhe andi hangge re, o attak he a'nogo ekhe hilingitikhe lek, nen hobuk a'nogo ekhe hilinglasigin legat mene, we andi sambul hilinglagaikhe andiat.

YOSUA 10:43

A'nogo mondogat hilingfuluk he at Yosua agoromi sikhe fisogo mene omanogo inom he inambotkwe o Gilgal inawi sabu wuri'mo wagaukwa.