YOSUA 10:40 - Allah Wene Fano Wene Hupla Inane

⁴⁰ O kweang andoma mondogat at Yosua nen sebelasikhe. Aren he it raja-raja o tomkwe welagaikharek mene inom, tonggokwe welagaikharek mene inom, mo liabi wagarek fikhit welagaikharek mene inom, tom alem mo ubuk ikherek fikhit welagaikharek mene inom, nen o lei abel a'ma selatan fikhit welagaikharek mene inom mondogat inomame legaphogo fisasikhe. A'nogo hilingfisasikhe andi re Tuhan Allah Israel mene ineisena a'nogo nen isikhe mene higithogo ineluk ekhe fisigi'lek mondogat inoatikhe.

YOSUA 10:40 ပူးပေါင်းရင်းမြစ်များ

1RAJA-RAJA 15:29

At Baesa ebe raja menlagaikhesik aremnogo re, aren he Tuhan nen amingmingengge nabi Ahia o Silo mene a'nogo bene wene isikhe mene higithogo re at Yerobeam eisok erokwe mene mondogat inoatikhe. Andi nen at Yerobeam eisok erokwe menere mondogat inoatikhemo misik iluk ogo ekhe ineluk fisasukwa lek.

NEHEMIA 9:24

Iren tagomangge mene nen afuni o Kanaan yoma mene mabenet fisaluk, inebe hat hagainafuri inawe a'ma logouwageluk hilinginafigin andi. Hat hagainafuri nen afuni Kanaan mene inunggulenu lombok inogogwi raja inom mondogat a'nogo hilinginabuagaluk homame wogisasigin andi.

MAZMUR 9:17

At Tuhan ebe weinam aga logolik he, Aren wene mondok katokhogo palherek andiba, it afuni weak hilingitarek mene re it inonggwaregen hilingituba ambisangma saburagarek.

KELUARAN 34:12

Afuni o hit logoin oba andoma mene hinom wene watunem he, paik hele fugunem alonggop ke'nok ikherek andi hak ke'nok imbik hinebe wa'lasugun andi nen he, o afuni andoma mene were'ma laga logolik hinom wene ekhe watubo.

BILANGAN 13:17

At Musa nen it andi lani iluk miminginafi logolik he, it inoba wene yi'nogo fesikhe, ”O abel utara fikhit andoma lambik he, andoma nen o Kanaan kweang oba abel selatan fikhit lano, lambik andoma nen hiling-hiling he tomkwe fikhit andomaba lano.

ULANGAN 1:7

Halok, yogondak he, hinawi su mene meisalhigik waluk he, afuni inunggulenu Amori mene inaiba tom oba a'lima inom, o andoma era'lukwe yi awi ti awi mondogat inom, o Yordan tonggwe inom, tomkwe inom, sogoukwe inom, i ambutmo higit inom, Laut Tulem yenggelek esanggokwe inom, lano o. Lambik he, o Kanaan inom, o tom Libanon sebelik-sebelik pikhit i hokho mene Efrat huliba lano o.

ULANGAN 2:34

A'nogo sambul ogore o kota omanogo pin kwikhi logolik, o ebe lilibuk-lalabakhogo hilingfisikhi logolik he, afuni inebe mondogat hemi inom, ap inom, inagainafuri yenggerugwi mene inom, ekhe fisigi'lek mondogat inoatugu.

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

YOSUA 10:35

Linggene andi sambul iren o Eglon sebeli kwisukwasik he, iren it afuni Lakhis mene inoba hilingfisasukwa higithogo it andoma mene ogo mondogat inoatukwa.

YOSUA 10:37

o kota andi telogo helasukwa. Raja o andi mene inom, afuni o andi elonggoma welagaukwa mene inom, nen o kota era'lukwe andoma welagaukwa mene inom, mondogat inoatukwa. Yosua nen o Eglon mene hilingfisasikhe higithogo, aren o andi mondogat weagerogo fisasikhe. Ap we misik iluk ogo ekhe herakfisasikhe mondok lek.

YOSUA 10:39

inawi kota inom, inoe raja inom, nen o kota amu mene era'lukwe welagaikhe mene mondogat Yosua nen telhi logolik, afuni andoma welagaukwa mene mondogat inoatukwa. At Yosua nen raja Libna mene inom, Hebron mene inom inoba hilingfisasikhe higithogoat hilingfisasikhe andi.

YOSUA 11:16

Yosua nen o telogo sebelik lagaikhe kwe re, o tomkwe inom, abel polikwe utara fikhit inom, abel malikwe selatan fikhit inom, o wilayah Gosyen abel malikwe selatan fikhit inom, lei pirimsekwe andoma inom, o Yordan tonggo inomat sebelasikhe.

YOSUA 12:8

O wilayah andoma re tomkwe inom, o mo ubuk ikherek fikhit punu a'makwe andoma inom, Yordan Tonggoma nen punu abel fena-fena andoma inom, mo lagai wagarek fikhiren alo esi mondok lekwe andoma inom, eil a'ma selatan fikhiren leikwe andoma inom wogisasikhe. O andoma re attak ap inunggulenu Het, Amori, Kanaan, Feris, Hewi, Yebus inom welagaukwa mene inawilunkwe.

YOSUA 18:21

It inunggulenu Benyamin meneba nen ineisok erokwe omanogo nen inawi kota-kota inom o sili endep-endebengge era'lukwe maserogo werek mene omanogo inom seberogo re nesanggo nen welagaukwa. It inaiba andem he: Yerikho, Bet-Hogla, Emek-Kezis, Bet-Araba, Zemaraim, Betel, Haawim, Para, Ofra, Kefar-Haamonai, Ofni, Geba inom.

YOSUA 6:17

Andi nen he, o kota Yerikho mondogat weagetfikhi logolik inebe inom, yi mene ti mene mondogat inom he, Allah faget fisa hak mondok legetfisano o. A'nogo meneat he, he Rahap yanani nikherek mene a'nogo nek he, aren ap niren ineil penesuageluk lakfisogo mene hinakfisikhe a'nogo nen he, at ebe inom, eisena agaisa inom, oe agot inom, inom enek he, ineluk herakfisano o.

YOSUA 8:2

Raja o Ai agun andi inom o Ai ebe inom he haren attak o Yerikho inom inoe raja inom inoba hilingfisasigin aremnogo hakhogo hilingfisano. Oba nen yogondak yi nek he yi mene ti mene inom inanggo inom he hit hinangge mene asuageluk helano. O kota andi re ambol fikhiren ferekhogo inoasi kugun enggere fik-foukhogo hilingfeni,” iluk yagatikhe.

YOSUA 8:27

Inanggo inom inangge yi mene ti mene o andoma nen helasukwa mene inom he, Tuhan en Yosuaba yagatikhe aple higithogore afuni Israel mene nen it inangge mene asuogeluk helasukwa.

YOSUA 9:24

A'nogo yagaisasikhemo iren onggo ikhi logolik he, ”Nineisena, niren a'nogo hilingito andi re, nit ninesanggo holho re, Tuhan Allah hat nineisena nen apne wanhi lagen mene andi nen Musa at amingmingengge andi mimingiti logolik he, nineisena hat hebe nen o kweang yi sebeli kwi waga logolik afuni yoma werek mene mondogat inoatik, nen kweang yi abirengge nineisena hat wokhetik, hilingisuageluk mimingite mene andi faget ninesanggo holhosik he, nit ogo ninomat ninoasugun hea iluk ninailo nen a'nogo hilingito andi.