YOSUA 10:30 - Allah Wene Fano Wene Hupla Inane

³⁰ Tuhan nen o andi inom. inoe raja inom, oba nen it Israel mene inomamet fisasikhe. Ap misik iluk ekhe ineluk fisasukwa lek, afuni o kota andi mene re iren raja kota Yerikho meneba mangot fisasukwa a'nogo higithogo hilingitukwa.

YOSUA 10:30 ပူးပေါင်းရင်းမြစ်များ

2 RAJA-RAJA 10:11

Andi isikhesik he at Yehu at Ahab agaila'lak, erugwi fenakwe o Yizreel werek mene inom nen at agoromi pegawai inom at agaila'lak inom hundik mene omanogo inom at obaget hareise welagaukwa mene omanogo inom mondogat inoatukwa, nen misik iluk ogo ekhe herak fisasukwa mondok lek.

BILANGAN 32:22

o kweang andi At a'ma sebe umo nek he hit hinambotkwe wesugun o. Nen, hiren Tuhan obaget hilingisuageluk werek mene omanogo inom, hit hinagaila'lak Israel mene inobaget hilingisuageluk werek mene omanogo inom, mondogat hilingisugun andi nen he hinoba seleget lasugun. Nen, Tuhan nen he kweang o mo liabi weri'lago fikhit yoma hit mene asuageluk wogisagain.

ULANGAN 2:33

A'nogo wagaukwaba nen he nit nineisena Tuhan Allah nen at ebe nit ninenggiba wo'nisasikhemo nogo nen he, at ebe inom againafuri inom agoromi tentara sikhe fisogo mene inomame leget fisasugu.

ULANGAN 7:2

Nineisena Tuhan Allah nen it afuni andi hit hinenggiba foumo, hiren it mabenet fisambik inebe hinendawi nen ekhe herakfisambik, ninom hundik logouwok, iluk wene warisogoin mondok lego. We, inebe mondok felelenghogo inoa'no o.

YOSUA 10:28

Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.

YOSUA 10:29

A'nogo hilingfuluk at Yosua agoromi tentara omanogo inom laga lagaukwasik he, o Makeda nen he o Libna lagaukwasik, afuni o andi welagaukwa mene inoasi lagaukwa.

YOSUA 10:31

Andi nen Yosua inom tentara inom a'nogo o Libna nen higilogo re o Lakhis lagaukwa. Iren he o andi hobesi lagaukwasik he pin mondok kwisukwa.

YOSUA 11:12

O kota andoma mondogat at Yosua nen sebelasikhesik he, inogogwi raja-raja omanogo senfisasukwasik wene melalek Allah amingmingengge Musa a'nogoba yagatikhe mene a'nogo higithogo re pinggi inoatikhe.

YOSUA 8:24

A'nogo it Israel inap esa a'nogo nen ap inaselei mene it muginarek o lei esi le'ma wagaukwa mene omanogo felelenghogo inoatukwasik he, it a'nogo sugulogore o Ai lagaukwasik, afuni o andoma werek mene omanogo mondogat inoasi lagaukwa.

YOSUA 8:29

Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.

YOSUA 9:3

Oba nen he afuni it inunggulenu Hewi mene o Gibeon werek mene nen he, Yosua nen o Yerikhoba inom o Ai ba inom hilingfesikhe mene faget inesanggo holhukwa.