YOSUA 10:29 - Allah Wene Fano Wene Hupla Inane

²⁹ A'nogo hilingfuluk at Yosua agoromi tentara omanogo inom laga lagaukwasik he, o Makeda nen he o Libna lagaukwasik, afuni o andi welagaukwa mene inoasi lagaukwa.

YOSUA 10:29 ပူးပေါင်းရင်းမြစ်များ

2 RAJA-RAJA 19:8

Ap tentara Asyur mene inoe kain a'nogo isikhesik ambotkwe lagaikhe hak he, afuni ekhe nen he, ”Hat hoe raja a'nogo o Lakis herakfuluk horogat o Libna lagasik afuni andoma mene inoasigiluk weim inom yabi'lago o,” iluk isukwama esanggo holhikhesik he, oe raja ebe emberek ambi asuogeluk oba wagaikhe.

2 RAJA-RAJA 8:22

A'nogo hilingitukwa huli andi nen it Edom inap he Yehuda inap ina'ma welagaukwa mene a'nogo re obogerisasukwa. Nen, andem sambul at he it afuni o kota Libna ba welagaukwa mene nen ninale'ma asugun iluk wene tekhogo isukwaat.

2 TAWARIKH 21:10

At Yehoram a'nogo nen it ambu-omba nen ineisena Tuhan Allah fogerati lagaukwa mene a'nogo herakfuluk hilingiti lagaikhemo re, andi huli nen he it Edom inap a'nogo re Yehuda mene ina'ma sebe ikhi lagaukwa lek. Nen, it Libna inap ogore ninamu logogun iluk ninghogo hilingisi waga lagaukwaat.

YESAYA 37:8

Asyur mene perwira lego mene a'nogo nen holhugunemen he oe raja re o Lakhis herakfuluk he o Libna kota horokhogo andoma werek mene inom weim yabi'lagwi ugunem holhikhesik he, at a'nogo oe raja inom ambi asigin iluk lagaikhe.

YEREMIA 52:1

At Zedekia raja Yehuda mene inobaget menlagaikhe oba andem he ebe umur 21 tahun hilingik kwelek menlagaikhe. Aren he o Yerusalem oba andoma tahun nalonggoben ferinarek welagaikhe. At agaisa re he Hamutal hun Yeremia awi kota Libna mene andi a'logo.

YOSUA 10:28

Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.

YOSUA 10:30

Tuhan nen o andi inom. inoe raja inom, oba nen it Israel mene inomamet fisasikhe. Ap misik iluk ekhe ineluk fisasukwa lek, afuni o kota andi mene re iren raja kota Yerikho meneba mangot fisasukwa a'nogo higithogo hilingitukwa.

YOSUA 15:42

Andi nen kota 9 nen ombo'ne yi re o sili desa-desa welagaikhe mene inom enu re: Libna, Eter, Asan, Yiftah, Asna, Nezib, Kehila, Akhzib, Maresa inom andem.

YOSUA 6:21

A'nogo sebelhi logolik, afuni inebe mondogat alage mene inom, yamanugwi mene inom, ap lek, hemi lek, o kota andoma welagaukwa mene inebe karok oba mondok inoatukwa. A'nogo inoati logolik inanggo sapi, domba, keledai inom watukwaat.

YOSUA 8:2

Raja o Ai agun andi inom o Ai ebe inom he haren attak o Yerikho inom inoe raja inom inoba hilingfisasigin aremnogo hakhogo hilingfisano. Oba nen yogondak yi nek he yi mene ti mene inom inanggo inom he hit hinangge mene asuageluk helano. O kota andi re ambol fikhiren ferekhogo inoasi kugun enggere fik-foukhogo hilingfeni,” iluk yagatikhe.

YOSUA 8:29

Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.