Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe.
YOSUA 10:26 - Allah Wene Fano Wene Hupla Inane26 A'nogo yagaisasikhesik, at Yosua nen ap raja aremnogo inoatikhesik he, e fuaben mendek meneba kologo fisasikhe. It inebe warek aremnogo re andem herakfisasukwama werek kwelek enek he o hu'mo agaikhe. အခန်းကိုကြည့်ပါ။ |
YOSUA 10:26
14 ပူးပေါင်းရင်းမြစ်များ
It inebe a'nogo re afuni Gibeon mene inoba wogisasukwama re, inebe 7 nen aremnogo re Tuhan elokhoma hilingitunem omanogo seberogoat eba porogo fisasukwama wa'lagaukwa. Unggum wa'lagaikharek mene inoba fesukwa andi re ebe o e ilit sabelhu mene a'nogo wurep kobok iwagu kwelek, jelai omanogo palhu sambul hilingitukwa.
Yagasi kwisikhemo re wene a'nogo faget ero kogolik-kogolik hilingitunemen he eberogo hilingi'mo hasukwasik he, at raja nen wene melalek isikhe mene higithogo re ap inebe pire aremnogo unggum he inebe eba tugulogo fisasukwama re wene agaikhe aple andi re buku kerajaan andiba yi wene ti wene aga lagaikhe mene faget palogo fikhi lagaukwa mene a'nogoba raja elokhoma aremnogo nen palogo fesukwa.
Andi sambul he, ohealekwe inenggi sabit oba Allah faget weat logouwogeluk isukwa. Meneat he, inenggi sabit oba Allah faget weat hundik-handik welagaikharek hangge fuk. We, hunogoat esin mene logouwogeluk a'luk he, mel isukwa: ”Ninenggi Allah faget weat werek kwelek it inebe eba menfisaga mene andi warek eba mondok logou re, ninabit,” iluk, ap warek andi inoak sombologo fuluk, kobokhogo pelakfei wesuogeluk, it ap Yahudi mene nen, at Pilatus kino yagasi lagaukwa.
Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.
Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.
A'nogo kamo isikhemo, it ap Zebah inom, Salmuna inomen Gideon mel yagatukwa, ”Yogo. Hat hebe abat halok he, hat honggwarek henggi nenat ninoasin he,” iluk yagatukwa. A'nogo yagatukwama, at Gideon nen it inoatikhesik he, afuni inalilingge wanharek hak, inanggo unta alilingge wam aik hangge mene alonggopma kelik welagaikhe mene omanogo mondogat helasikhe.
ကြော်ငြာတွေ