YOSUA 10:23 - Allah Wene Fano Wene Hupla Inane

²³ Yagaisasikhemo oumo a'nogo huthasukwama re, it raja Yerusalem mene inom, Hebron mene inom, Yarmut mene inom, Lakhis mene inom, Eglon mene inom omanogo lirinarek wulibi wagaukwasik,

YOSUA 10:23 ပူးပေါင်းရင်းမြစ်များ

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

YOSUA 10:1

Afuni nen he, ”Ap Yosua nen, afuni o kota Yerikho mene inoe kain enupogot inomat mondok wulil tagalogo inoatesik, o kota Yerikho sebelhe andi hak, afuni o kota Ai mene inoe enupogot inomat mondok wulil tagalogo inoatesik inawi kota sebelhe aro,” iluk isukwama, afuni Yerusalem mene inoe kain enupogot enu Adoni-Zedek andi esanggo holhikhe. Nen ekhe re, it afuni ekhe nen he, ”Afuni o kota Gibeon mene nen he, afuni Israel mene yagaisikhi logolik, nit hit ninom fano logolik, hinanggelekwe yugunat logogun o, iluk arat wene wat-wat agama,” iluk isukwama esanggo holhikheat.

YOSUA 10:22

Andi mondogat hilingitukwasik, at Yosua nen ikhi logolik he, ”Yogondak oumo helep kwe yagarek mene a'nogo hurogo ap raja inebe fuaben aremnogo woginarek wulibi we'ni,” iluk yagaisasikhe.

YOSUA 10:3

A'nogo inailo agaukwa andi nen, at kain enupogot Adoni-Zedek en ap ekhe inayonggo fesikhesik ap kaindek inenupogot ekhe enu re Hoham awi kota Hebron mene inom, nen ekhe enu re Piream awi kota Yarmut mene inom, nen ekhe enu re Yafia awi kota Lakhis mene inom, nen ekhe enu re Debir awi kota Eglon mene inom, inoba lakfisikhi logolik yi'nogo yagaisa lano, isikhe:

YOSUA 10:5

A'nogo yagaisasikhemo lagaukwasik yagaisasukwama re, it ap inogogwi raja inunggulenu Amori mene o Yerusalem mene inom, Hebron mene inom, Yarmut mene inom, Lakhis mene inom, Eglon mene inom misi'mo sebe isukwasigen inagoromi tentara mene mondogaren afuni o Gibeon mene o fisagaisogo inoasuogeluk wagaukwa.