YOSUA 10:20 - Allah Wene Fano Wene Hupla Inane

²⁰ Yosua inom afuni Israel mene inomen it afuni Amori mene andoma inoatukwa. Oba nen he, it fena re heise inawi kota ba omanogo lagaukwasik hina'lasi lagaukwama re inebe inoatukwa lek.

YOSUA 10:20 ပူးပေါင်းရင်းမြစ်များ

2 SAMUEL 20:6

A'nogo wagaikhe le'ma re at raja nen he Abisaiba ikhi logolik he, ”At Seba andi re, ap Absalom en endebat hak weaget ninafi lagaba nen, aren he hokhorogo weaget ninabigiluk werego. Enggere aren awi leget pa'leget omamerogo waganek mene omanogo sebeli kwimbik he, at ebe nit welagoba nen eluk wulibinogore, an nagoromi woginabimbik muginarek lano,” iluk yagatikhe.

1RAJA-RAJA 20:21

Nen, at raja Ahab ogore, weim yafunem inom kwisukwasik he kereta weim yafu mene inom, kuda nen li'luk lagarek mene omanogo inom wolelenggenhogo fesikhe. A'nogo hilingitikhemo andi sambul he, it ap Siria (Aram) mene omanogo inebikhit he mabenet fisasukwa.

2 TAWARIKH 13:17

Hun Abia inom agoromi sikhe fisogo mene inom omanogo nen he, it Israel mene inebikhit he mondok hokhorogo inoatukwama it Israel inap ap sikhe fisogo mene mondok fini fano mene nek inebe 500.000 nen wa'lagaukwa.

YEREMIA 4:5

O kweang mondogat andoma bene trompet ane futhani! Hinane hokhorogo kwe'ni. Afuni Yehuda mene inom Yerusalem mene inom he, weak-weakhogo o kota agap telogo helep leget omamerogo waganek oba omanogo loageluk yagaisani,

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

ULANGAN 20:16

Oba nen he o kota andi lage kweang hit hineisena Tuhan Allah nen wokhisasikheba andoma werek halok he, afuni werek mene re mun felelenghogo inoa'no.

YOSUA 10:10

A'nogo wulifunem he, nineisena Tuhan nen afuni Amori mene inobabut mondok nonghonghogo hilinginafikhemo re, ineilenggen tentara Israel mene yerisasukwasik he inobakhe eintok palagaikhe. A'nogo hilinglagaikhemo, it Israel mene nen afuni inebe mondok hokhorogo o Gibeon nen inoatukwa. A'nogo inoatukwasik, fena ineluk mene re muginarek o tom Bet-Horon alema andoma pelakfisasukwasik, huli yatmaat o Azeka inom, Makeda inom, i ambutmo higit andoma mugisogo pelakfisasukwa.

YOSUA 10:19

Oba nen hit andem huli re kamo u fuk. It andi inoba nen he Tuhan nen hit hinalong werek mene hilinghinobagaikhe hilingi'mo re. it inawi kota ba andoma kwi loageluk herak fisa fuk! It muginarek he inambot fikhiren inoarik kwino,” iluk yagaisasikhe.

YOSUA 10:21

A'nogo hilingitukwasik Yosua agoromi sikhe fisogo mene omanogo re, inagap telogo o Makeda sabumo andoma ambit wagaukwa. Afuni o kweang andiba welagaukwa mene nen it afuni Israel mene inoba inane weak ekhe ikhi lagaukwa mondok lek.

YOSUA 11:12

O kota andoma mondogat at Yosua nen sebelasikhesik he, inogogwi raja-raja omanogo senfisasukwasik wene melalek Allah amingmingengge Musa a'nogoba yagatikhe mene a'nogo higithogo re pinggi inoatikhe.

YOSUA 11:8

Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.

YOSUA 8:24

A'nogo it Israel inap esa a'nogo nen ap inaselei mene it muginarek o lei esi le'ma wagaukwa mene omanogo felelenghogo inoatukwasik he, it a'nogo sugulogore o Ai lagaukwasik, afuni o andoma werek mene omanogo mondogat inoasi lagaukwa.