YOSUA 10:18 - Allah Wene Fano Wene Hupla Inane

¹⁸ Yagasi lagaukwama at Yosua nen ikhi logolik he, ”Helep hokho mene limbilogo oumo andi elema yagat fuluk he, ap kagalek mene ekhe yaga logouwageluk fisano.

YOSUA 10:18 ပူးပေါင်းရင်းမြစ်များ

AYUB 21:30

Iren ikhi logolik he, ”At Allah nen unggum inoba fagain sambul andi re ap kwanirogo hilingitarek mene re mondogat inagap telinabigin.” ikhi lagep.

AMOS 5:19

O andi sambul wei ikhi logolik hilingisigin he, afuni ekhe mene singa inailo nen agaiserogo heise logoin meneba nen, no beruang inom ambi asu hak hilingitik, nen inambotkwe inaiba we'luk inenggi o hobat oba fakhugunem, kisu aigen palinabu hak hilingitik, igin o.

AMOS 9:1

Nineisena Tuhan ebe, At faget wam, yi mene ti mene warogo noletarek oba era'lu horokhogo mendek were'ma yethigi. A'nogo logolik, mel yaganete, ”An nawi wuri'mo kweba afuni andogotarek oba andem en abolok uagen he, wuroak hokho telik andi henggi uare'mangge fothan o. A'nogo fothugunem sinukhogo pi waga logolik, afuni inungguloak pagethigik inoasigin. Nen, it ekhe inebe wa'lagi'lek mene halok, An nen weim yafi logolik inoasigin enego. A'nogo inoatu kwelek, it ekhe heise poloksek ineluk wulibugun mondok lego.

MATIUS 27:66

A'nogo yagaisasikhemo, it omanogo woginarek wagaukwasik he, afuni nen he kwe husinogo iluk he, warek salek oba kwe helep te'merogo fesukwa a'nogo oba silo fagarek andi hak amusu watfuluk, it ap kagalek logogun mene omanogo kagalek logouwageluk fisaluk lagaukwa.

YOSUA 10:17

It a'nogo hinago were'ma nen aben ineilenggen isasukwasik he Yosua yagasi lagaukwa.

YOSUA 10:19

Oba nen hit andem huli re kamo u fuk. It andi inoba nen he Tuhan nen hit hinalong werek mene hilinghinobagaikhe hilingi'mo re. it inawi kota ba andoma kwi loageluk herak fisa fuk! It muginarek he inambot fikhiren inoarik kwino,” iluk yagaisasikhe.

YOSUA 10:22

Andi mondogat hilingitukwasik, at Yosua nen ikhi logolik he, ”Yogondak oumo helep kwe yagarek mene a'nogo hurogo ap raja inebe fuaben aremnogo woginarek wulibi we'ni,” iluk yagaisasikhe.