YOSUA 10:12 - Allah Wene Fano Wene Hupla Inane

¹² At nineisena Tuhan nen afuni Israel mene inomame asuageluk inomamerinafikhemo, afuni Amori mene inoatukwa andi sambul, at Yosua nen nineisena Tuhan oba ane isikhe, it ap Israel mene ineilhanem Yosua nen ikhi logolik he: ”Hat mo yi. Hebe afuni Gibeon mene inunggulmo higit kamo ino o. Nen, hat tugi re, o Ayalon tonggoma yoma nen lagun o,” iluk isikhe.

YOSUA 10:12 ပူးပေါင်းရင်းမြစ်များ

2 SAMUEL 2:12

Linggene misik sambul he at Abner a'nogo o Mahanaim en he o kota Gibeon andoma lagain iluk it Isyboset agoromi mene fena inom eiso'marogo lagaikhe.

2 RAJA-RAJA 20:10

Andi yagatikhemo Hizkia nen ikhi logolik he, ”Afumagengge andi walesuogeluk huli nomolo meneba liakfoumo re serek. Enggere mo afumagengge andi re huli nomolo nen taganhogo pelak fouwago,” iluk isikhe.

2 RAJA-RAJA 20:11

Andi isikhemo, at Yesaya nen Tuhan oba samban isikhemo re, Tuhan nen mo afumagengge a'nogo taganhogo huli nomolo meneba pelakfesikhe.

2 RAJA-RAJA 20:9

A'nogo isikhemo at Yesaya nen onggo ikhi logolik he, ”Tuhan nen wene wathete mene andi re eberogo iluk andi re Tuhan nenat hat noe hoba enegengge wokhesigin o. Enggere yogondak noe hamolo mene re ki mene? Mo ilirengge at raja Ahas nen hilingitikhe mene a'nogo afumagengge huli nomolo nen taganhogo lagagin andi a, athe, huli nomolo nen taganhogo pigin andi a?” iluk yagatikhe.

1 TAWARIKH 8:13

Hun Beria inom, Sama inom, andem he it afuni o kota Ayalon oba welagaukwa inap andoma inogogwi kaindek welagaukwa. Nen, it andem en he afuni Gat mene mugusogo wulaginafukwa.

2 TAWARIKH 11:10

Zora inom, Ayalon inom, Hebron inom andem.

AYUB 9:7

At Allah nen hubet mo liabi wesigin lek iluk ili u hagat, nen hesagalenggen o hubanggo ombak-bak esugun lek iluk kwe palu hagat.

MAZMUR 148:3

Hit mo inom, tugi inomen he, Arenek fogerati logoino. Hit hesagal liati lagep mene andoma nen he, At ebe fogerati logoino.

MAZMUR 19:4

Iren a'nogo agarek andi inaneba agarek lek. Inane ugunem holharek legat.

MAZMUR 74:16

Harenat o linggene inom hubanggo inom walhogo fesigindik he, mo inom tugi inom inobalik logogun oba halogo fesigin.

YESAYA 28:21

Tuhan nen endawimo anggikhe mene andi hilingisigiluk he, o tom Perazim oba nen hilingite a'nogo hak inom, athe o Gibeon fanggongma nen hilingitikhe mene a'nogo hak inom, afuni inoba elalinhogo hilingfisikherek mene a'nogo hilingisigin. Aren he afuni nen inoba fok ikherek mene ekhe herak figi'lek mondogat hilingisigin.

YESAYA 38:8

Andi nen he, mo inugisugungge jam raja Ahas nen hilingitikhe mene andiba re afumak andi Tuhan en huli 10 nen oba ambol fikhit higilogo fei wesigin,” iluk isikhemo re, afumak a'nogo huli 10 nen higilogo fesikhe.

YESAYA 60:20

Hat faget An heisena Tuhan seleget hafu mondok logogin mene asigin, nen fong watu logogun mene a'nogo arat kobok igin. Andi re hit hinobaget he, mo ubuk ikherek lek mene ekhe logogin, nen tugi eil mum agi'lek logogin mene ekhe logoginat.

YEREMIA 28:1

Tahun a'nogoba nek he at Zedekia raja menlagaikhesik werek kwelek enek he tahun enggaminogonek mene tugwi fuab meneba were'ma, nabi misik o kota Gibeon mene ekhe enu Hananya hun Azur amlogo a'nogo nen he o Tuhan Awi wuri'mo a'nogo nen, ap imam-imam inom afuni we mene omanogo inom inelokhoma omanogo nen an noba mel yaganete,

AMOS 2:9

A'nogo meneat he hit An nagainafuri yi, afuni Amori mene inebe e sin hakhogo inoakhuse uandek inap, nen e batie hangge inomame hokho inap omanogo re hit hinobaget An nen inebe mondogat legetfisasigi andi.

AMOS 8:9

An nen he, o linggene werek kwelek mo ubukhogo kuageluk hilingitik, mum asuageluk hilingitik, igin oba werego, iluk An hineisena Tuhan Lego Mondok welagirek mene a'nogo nen nane arat igi.

HABAKUK 2:20

Meneat he, Tuhan ebe onggwarek awi wuri'mo hore'ma welagarek andi nen he, yi afuni ti afuni o kweangma mondogat welagaikharek menere At a'ma nek inabolok legat logogun andi fano.

HABAKUK 3:11

Handok pisingethugunem ombak-bak he furung warogo lagik, harigeba fangetunem amulit yabelanget higik, ugunem he, mo inom, tugi inom, lagi'lek aloksek werek andi.

ZAKHARIA 2:13

Nineisena Tuhan o pogoroba ebe welagarek oba omanogo nen arat weri'lago andi nen he hit hinebe mondogat he At Elokhoma hinabolok lek logoni o.

ULANGAN 17:3

At awene melalek a'nogo inom sagalogo fuluk amu mene faget allah ap-ap hilingfuluk fogeratik, obaget hilingitik, hilingite halok inom, mo, tugi, hesagalenggen fogerate halok inom he,

ULANGAN 4:19

Hiren he, pogoroba welagarek mene, mo inom, tugi inom, hesagal inom, hineilenggen hikhi lagep mene andi amingmingengge asimbik fogerati logolik weak hilingitubo. Andi mene re nineisena Tuhan Allah nen, afuni inunggulenu hunogoat mene nen fogerakhikhi logonik he, iluk herakfisasikhe andi.

YOSUA 10:13

A'nogo isikhemo, mo a'nogo lagi'lek kamo igik, tugi lagi'lek welagik, isikhesigen, ap Israel mene nen inaselei mene mabenet fisasukwasik arat inoatukwama nen lagaikhe. Wene a'nogo hilinglagaikhe mene andi buku enu Yasar andiba lisu palogo fesukwa. O andi sambul he, o mo pogot tulem kamo isikhesik aninurogo welagaikhesigen korok isikhe.

YOSUA 19:42

Salabin, Ayalon, Yitla,

HAKIM–HAKIM 12:12

Andi nen at ebe wa'lagaikhemo o Ayalon wilayah Zebulon meneba omanogo salhukwa.

HAKIM–HAKIM 5:20

A'nogo yafu kwelek, it hesagal pogoroba mene re it inebe werekwe andoma laga logolik, ap Sisera wasuogoluk, it inom weim yafaat.

1 SAMUEL 12:18

A'nogo yagaisasikhesik he, at Samuel en samban isikhemo re ineisena Tuhan nen o andi sambul unggunggu ane pakhogo meiso pelabi wagaikhe. A'nogo pelabi wagaikhemo, it afuni omanogo mondogaren Tuhan inom, Samuel inom, inoba inailo hokho mene agaukwa.

1 SAMUEL 14:31

O andi sambul ap Israel mene nen it Filistin mene inom, o Mikhmas nen o Ayalon huli yabik mondok lagaukwama nogo nen he, inomame mondok lek agaikhe.