YOSUA 1:9 - Allah Wene Fano Wene Hupla Inane

⁹ An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 1:9 ပူးပေါင်းရင်းမြစ်များ

KEJADIAN 28:15

Wene yi hendawimo eberek mondok logoino. An nen fetharek logolik, lebethiikhi logogin o. Hat koma kwe lagen halok, An nen o kweang yibaat wokharek wesigin. An wene watheti mene andi ebe mondogat hilinglasuageluk, an nen hat kofologo herakhobagagi'lek setharek mondok logogin o,” iluk yagatunem abi hasikhe.

KEJADIAN 39:2

Onggo palhikhemo, Yusuf Potifar o Mesir mene andi amingmingengge logolik, aiba andoma yi yabu ti yabu hilingitunem nineisena Tuhan nen serogo logolik lebethikhi lagaikhe andi nen he, higithogo nek hilinglaga lagaikhe.

KEJADIAN 39:3

Yi yabu ti yabu fano nek hilingitunem, at Potifar en, ”Egi! Heisena Tuhan Allah nen set harek logolik lebethili'logo higi,” iluk Yusuf oba liogeratikhesik at eabu faget hilingiti logouwageluk menfesikhe. Menfesikhesik, angge yi mene ti mene enggiba logolik, againafuri tegelinafi logouwageluk eabu wogotikhe.

2 SAMUEL 13:28

Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

2 TAWARIKH 15:7

Oba nen he, hiren hilingiti lagep mene andi re ambisangma fano agunem hogoin enggere, hinendawinggen hambukhogo logolik, hinailo lekhogo logoino,” iluk yagaisasikhe.

MAZMUR 46:7

At Allah ane unggunggu ane hangge ugunem, afuni o kweangma welagaikharek mene re mondogat inoatik, yi afuni ti afuni inunggulenu lombok Allah ane inesanggo holimbik, inane hokhorogo sagalhik, o inogogwi inenupogoren ferinarek welagaikharekwe omanogo mondogat maben arik lagik, ugun.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 43:1

Israel, Tuhan nen he yi'nogo ikhe: An nenat hat hebe pugunhogo elalogo hobagasigimo re, telhabigin andi nen he, hailo agi'lek hendawinggen hambukhogo logoino. Hat henu pakhogo wolhiigirik hayonggo fesigimo re, hebe re An nonggwarek mene welagen o.

YESAYA 43:5

An nen hat hebe fetharek mondok logogin andi nen he, hailo agi'lek hendawinggen hampukhogo logoino o. Haren tagomangge mene hombalak o mo kwikherek higiren inom, mo lagai wagarek higiren inom andogorogo hoba fisa wesigin o.

YESAYA 8:12

yi'nogo yaganete, ”It andi inebe misik sebe'luk inane masugun mene andi faget hiren eberogo iluk angga fugo. Nen, wene a'nogo agunem it inailo a'luk hilingiri'lagwi mene andi re haren hailo agik, hendawimo youk igik u fugaro.

DANIEL 10:19

A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

HAGAI 2:4

Ariginik kwelek oba nen he, yago hit hinebe mondogat yoma re! Hiren inendawimo weak a'luk hilingiti logou fuk. An nen hundik lebethinafi logogin enggere, yabu hilingiti lagep mene andi hilingitu mondogat logoino.

HAGAI 2:5

Hit o Mesir en wulibi wagunem omanogo, An nen hit fethinarek logolik wokhinarek mondok nikhi logogin iluk wene wathisasigi mene a'nogo higithogo re yogondak ogo An nen nawe a'ma hinobagaluk fethinarek welagi hilingi'mo re, hiren hinendawi fisu fugo.

KISAH PARA RASUL 4:19

A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

ULANGAN 20:1

At Musa nen a'nogo yagaisasikhesik ekhe yagaisikhi logolik: ”Hirambi it hinaselei mene inom weim yabi laga logolik halok he it hinaselei mene andoma inanggo kuda hokhorogo werek mene faget inom, kereta ap amboloba lagaluk weim yabik lagaikharek mene hokhorogo werek mene faget inom, it inagoromi tentara sikhe fisogo mene esa hit hinebe maben sek kwelek it hokhorgo wane mene andi faget hinailot inabu fuk. Hit hineisena Tuhan Allah o Mesir en hele fikhalogo wilak hinabi wagaikhe mene a'nogo nen enek lebethinafi logogin.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

ULANGAN 31:28

Yogondak he, afuni inunggulenu yi mene inogogwi inom, kaindek ekhe inom, inebe mondogat an nera'lu andogosi wagunem wene yi yagaisagen he, wolisani o. Wolisamo wagunem, wene andi, it pogot inom, kweang inom, ineilhanem wene yagaisugunem inelu logouwagaluk inayonggo figi aro.

YOSUA 1:10

A'nogo yagatikhemo, at Yosua nen he, afuni Israel mene mondogat inawi su meneba wurikwe were'ma inogogwi kaindek lombogen yagaisilik loageluk mel yagaisasikhe: ”O ninenggi 2 hari logombik, ninenggi ekheba re i Yordan palogo nineisena Allah nen wo'nisagain oba arat sebeli kugun andi nen he, hinafe hebelasimbik yi mene ti mene tik-tukhogo feino o,” iluk yagaisilik loageluk yagaisasikhe.

YOSUA 1:17

Niren Musa nen yaganisugunem ane hologo mondok hilingiti lago andi hak, hat hane hologo hilingiti logogun aro. Nineisena Tuhan Allah nen Musa serogo mondok welagaikhe andi hak, harogo setharek mondok logouwago.

YOSUA 1:18

Afuni ekhe haren fetninarek were'ma hawe a'ma soma imbik hane hologo hilingisu inabit mene halok, inebe mondogat inoasugun o. Ma re, hat he hendawinggen hambukhogo hailo lekhogo logoino o,” iluk yagatukwa.

YOSUA 10:25

A'nogo mondogat hilingfuluk Yosua nen ap perwira omanogo inoba ikhi logolik he, ”Hinendawi sebe imbik hinailo asu fugo. Tuhan nen ap hit hinaselei mene inoba a'nogo nek hilingfisikhi logogin enggere, hinailo lek hinendawi hambukhogo logoni,” iluk yagaisasikhe.

YOSUA 10:8

Wesuogeluk ugunem Tuhan nen Yosua mel yagatikhe: ”Hat homame a'nogen iluk, An nen arat wokhetimo andi nen he hailo agun o. It mene misigen iluk ekhe fangesigin mondok lego,” iluk yagatikhe.

YOSUA 3:7

A'nogo hilingitukwama, At Tuhan nen Yosua mel yagatikhe: ”An nen hat o yogondak yi huli nen hebe kain hilinghabigin o. A'nogo hilinghafunem, it afuni Israel mene mondogaren he, hat agaukhogo fogethafi logolik, An nen at Musa serogo mondok welagagi andi hak, hat setharek mondok logogin andi, futhobagagun o.

YOSUA 6:27

At Yosua nineisena Tuhan nen serogo mondok were'ma, abok fano mondok o yi awi ti awi laga lagaikhe.

YOSUA 8:1

Tuhan en Yosuaba ikhi logolik he, ”Hagoromi tentara mondogat andogerinabimbik he, it inom seberogo o Ai andoma lani. Lageluk halok he hailo legengge hendawinggen sebel fakhambik lano! An nen he hun raja o Ai mene andi enggimo nen halonget hobagaigeluk welagi. Andi nen he againafuri melalinabi'lago mene inom, awi kota andoma inom, at anggweang inom he haren telogo sebeligin.

HAKIM–HAKIM 6:14

A'nogo yagatikhemo Tuhan nen wene melalek yi Gideon oba yagatikhe, ”Afuni Israel mene ap Midian mene ina'ma werek mene andoma re, hat homame werek mene andem mondogat oba fikhalogo wulaginabi lanogen iluk, An nen lakhobagakhi lagi o,” iluk yagatikhe.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.