YOSUA 1:8 - Allah Wene Fano Wene Hupla Inane

⁸ Haren he, wene An Allah nen, yi'nogo hilingi'no, ti'nogo hilingi'no, iluk isigi mene lisu palek werek andi, mondogat higithogo hilingiti logoinogen iluk, wene ebe lisu palek mene andi, linggene nen hubanggo nen enu salhu mondok logoino o. A'nogo hilingiti logolik, wene lisu palek werek mene andi mondogat An nagainafuri ineilhanem enu salhu mondok logoino o. Haren a'nogo mondogat hilingiti logogin halok, hat hebe fano logolik, yi mene ti mene faget ugunem elok enek hilinglaga logogin o.

YOSUA 1:8 ပူးပေါင်းရင်းမြစ်များ

KEJADIAN 24:63

Logolik, enggi ekhe sambul he, o hu'mokwe awi su mene wuri'mo nen sumburu awi yagokwe nikhi logogin iluk wulifikhesik, eilenggen yethasikhe re, wam unta wagunem yethasikhe.

2 TAWARIKH 26:5

Nen hun Zakharia a'nogo ebe eluk logolik oba re, at Uzia endawinggen Tuhan oba tipsek logolik hilingiti logouwageluk komotu mene re at welagaikhe. Aren tiphogo nek hilingiti logolik Tuhan obaget enek hilingitunem, Tuhan nen at Uzia oba fanot fikhi lagaikhe.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:15

Haren wene sikhiphogo fesigin mene omanogo an nen kumutik, nen yi'nogo hilingiti logoino ti'nogo hilingiti logoino iluk isigin mene omanogo fut figik, ikhi lagi.

MAZMUR 119:97

Hat hawene melalek faget he an mondogat nendawi hundik anggikhi lagi, linggene inukhogo kumuthikhi logolik ebetu welagi.

MAZMUR 119:99

An he Haren wene yi'nogo hilingiti logoino ti'nogo hilingiti logoino iluk werek mene andi kumuthikhi logolik ebeti lagimo re, it neisugwi guru lak inebe mondogaren inelu mene andoma re we sebelek hak werek kwelek, an enek he mondok hokhorogo futfikhi lagi.

MAZMUR 19:14

An neranhogo weak hilingiti hanogoluk, fanorogo telnafi logoino o. Weak mene nen fa'nobagaluk fetnarek logoinogoluk, wo'narek laga logoino o. A'nogo fetnarek were'ma, tegelek mondok logolik, Hat hane hologo, weak hilingiti'lek logogin o.

MAZMUR 40:10

It Hat hagainarufi andogorek were'ma, telninafendek wene ninendawimo inagaiyek asugun mene andi nenggi ekhe kamo igi'lek yagahisugu mondok welagirek andi mondogat he helu welagen o.

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

YESAYA 59:21

An nen hit ninom wene wasimbik, hit hinoba re An nomame inom, Nawene melalek yagahisikhi lagi mene andoma inom mondok-mondok faget wokhisagain o. Hiren he, hinagainafuri inoba yagaisikhi logoino, nen, iren ogore it inagainafuri tagomangge mene inoba mondok-mondok andoma yagaisilik laga logogun aro,” ikhe iluk yagaisano isikhe.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

MATIUS 7:21

A'nogo yagaisasikhesik, ekhe mel yagaisasikhe: ”Hit afuni nen, an yaganeti logolik he, Ninoe, ninoe, iluk ikhi lagep andiba hinebe mondogat, an Neisena Allah pogoroba mene awe a'ma fisikhere'ma andoma kugun lego. We, it ekhe, neisena Allah endawimo anggikherek mene higithogo hilingiri'lagwi mene andi nek kwi logoin o.

MATIUS 7:24

A'nogo yagaisasikhesik ekhe mel yagaisasikhe: ”Halok he, sa nen, an nane andi esanggo hologo higithogo hilingite halok, aren yi higit hilingisigin o. Ap ekhe endawinggen werek mene nen o helep oba loukhogo wutikhemo,

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

ULANGAN 29:8

A'nogo hilingfisasugusik it inanggweang niren sebelasugusik he, it ap Ruben mene inom, Gad mene inom, it Manasye mene fena minggilogo inom, inoba sumburisasugu.

ULANGAN 29:9

Arigini'mo re hiren yi'nogo-ti'nogo hilingitunem ambisangma fano mene nek hilingiti logobagaigen he, wene yi higithogo fifurogo hilingiti logoni o.

ULANGAN 30:14

Wene andi hit hinoba horogat werek andi nen he, hiren a'nogo heinok wanugun mondok elo'lego. We, hit hinendawimo wanhepsik hinelumo re, ebe pikhit hilingiti logogun andi aro.

ULANGAN 31:11

it afuni Israel mene, nineisena Tuhan Allah fogerasuogeluk o aren wenagaisogo fagain oba andoma andogosi lambik were'ma, wene komotninafikhe wene lisu palogo figi andi, it faget hinane hokhorogo enu salhi logoino o.

ULANGAN 31:24

A'nogo yagatikhemo, at Musa nen wene Allah nen, ”Yi'nogo hilingiti logoino, ti'nogo hilingiti logoino,” iluk komorinafi lagaikhe wene andi buku misik meneba, eroba nen pikhit erembul oba mondok felelenghogo pilingisogo lisu palhikhe.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.

ULANGAN 5:29

It inom iren tagomangge mene inom mondok-mondok inoba fanorogo logouwagen, iren hobugen An legeisogo nobagagik, An nane hol fuluk higithogo hilingitik, hilingiti logogun oba nen a'nogo hilingiti logogun lek logou hak.

ULANGAN 5:32

Allah againafuri Israel mene yi sani! Hit hineisena Tuhan Allah nen awene melalek yagahisikhe mene andi re ane hologo hilingiti logolik fi-furogo hilingiti logoino. Wene melalek andiba nen misik ekhe sagalogo herakfisa fuk.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

YOSUA 8:34

Andi nen he, at Yosua ane hokhoba buku Wene melalek andiba lisu palek mene abirengge omanogo pilingitikhe, lisu palek mene andoma re fanorinafu mene faget inom, inaiba homan fisugu mene faget inom pilingisogo yagaisasikhe.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.