YOSUA 1:7 - Allah Wene Fano Wene Hupla Inane

⁷ Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

YOSUA 1:7 ပူးပေါင်းရင်းမြစ်များ

1RAJA-RAJA 2:2

”Afuni mondogat lagaikharek oba nebe arat lagain hilinglagama welagi o. Andi nen he, hendawinggen hambukhogo logolik, hailo lekhogo logoino o.

1RAJA-RAJA 2:3

Tuhan nen yaganisasikhe mene andiat higithogo hilingiti logoino o. Hat he, we, o koma laluk, yi mene ti mene hilingitunem elok enek aga logouwagaluk, wene Allah nen, yi'nogo hilingiti logoino, ti'nogo hilingiti logoino, iluk wene isa hilingisogo komotninafikhe wene, Musa nen lisu palogo fesikhe mene a'nogo hologo higithogo hilingiti logoino o.

2 RAJA-RAJA 22:2

At Yosia nen he, omba Daud obabut waganogo at hilingiti lagaikhe hagat Tuhan endawimo agaiyek anggikherek mene nek hilingiti logolik, wene aren komotninafikhe wene omanogo ekhe sagalogo hilingiti'lek mondogat higithogo nek hilingiti lagaikhe.

1 TAWARIKH 22:13

Allah Awene melalek yi'nogo hilingi'no ti'nogo hilingi'no iluk Tuhan nen it afuni Israel mene faget Musa wogetikhe mene andi mondogat hologo hilingiti logogin halok he, haren hilingiti logogin mene andoma ambisangma fano nek aga logogin. Hat hebe re hendawinggen hambuksek logolik hambok serogo hilingiti logoino. Ekhe mene ekhe mene andoma helokhoma agu halok he, hailorogo hilingiti logou fuk.

2 TAWARIKH 15:7

Oba nen he, hiren hilingiti lagep mene andi re ambisangma fano agunem hogoin enggere, hinendawinggen hambukhogo logolik, hinailo lekhogo logoino,” iluk yagaisasikhe.

2 TAWARIKH 26:5

Nen hun Zakharia a'nogo ebe eluk logolik oba re, at Uzia endawinggen Tuhan oba tipsek logolik hilingiti logouwageluk komotu mene re at welagaikhe. Aren tiphogo nek hilingiti logolik Tuhan obaget enek hilingitunem, Tuhan nen at Uzia oba fanot fikhi lagaikhe.

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

MAZMUR 80:19

A'nogo fisogo logogin halok, nit Hat hebe herakhobagaluk ale'ma kwanirogo logoin mondok lego. Nit nineluk logolik, Hat fogethafu logouwagaluk, fanorogo fetninarek logoino o.

AMSAL 4:27

Weak mene mondogat herakfisaluk, kwe pikhithogo nek laga logoino. Ebekwe eberogo mene andiba nen taganhogo wulibi la fuk.

AMSAL 8:20

An he, kwe higithogo lagaikharek andi hak, nobabut higithogo hilingitik, pikhithogo lagik, igirek andi.

DANIEL 10:19

A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

BILANGAN 27:23

enggi unggul oba sebelfesikhesik, ”Yosua an nobali'mo menfigi o,” iluk Tuhan nen yagatikhe hagat higithogo hilingitikhe.

ULANGAN 11:8

A'nogo yagaisasikhesik, ekhe yagaisikhi logolik, ”Hiren ambi wene melalek An nen yogondak yagahisigi mene yi holfuluk hilingiti logogun halok he hit i palogo o horok yogondak ya helogoin iluk hilingiti lagep mene andi, sebeli kugun.

ULANGAN 12:32

Wene an nen, yi'nogo hilingiti logoino, iluk mondogat yagahisigi andi, hiren wene hunogo mene ekhe oba labelhik, ekhe sebelogo pelafik, ugun mondok lego,” iluk yagaisasikhe.

ULANGAN 28:14

A'nogo meneat he hiren wene an nen hilingiti logouwageluk yagahisigi mene andi higithogo hilingiti'lek ap amu mene nen hilingitarek higithogo hilingisugun lek. Hiren amu mene faget allah ap-ap hilingfuluk apne wanhu meneba apne wanhik, obaget hilingitik ikhi logogun lek,” iluk yagaisasikhe.

ULANGAN 29:8

A'nogo hilingfisasugusik it inanggweang niren sebelasugusik he, it ap Ruben mene inom, Gad mene inom, it Manasye mene fena minggilogo inom, inoba sumburisasugu.

ULANGAN 29:9

Arigini'mo re hiren yi'nogo-ti'nogo hilingitunem ambisangma fano mene nek hilingiti logobagaigen he, wene yi higithogo fifurogo hilingiti logoni o.

ULANGAN 31:7

A'nogo yagaisasikhesik, at Yosua woletikhemo wagaikhemo re, afuni Israel mene mondogat ineilhanem mel yagatikhe: ”Yosua, namlogo e. Hendawinggen hambukhogo logolik, hailo lekhogo logoino o. Haren afuni yi inoe asimbik, woginarek o nineisena Tuhan Allah nen ninombalak wogisagaluk wene warisasikheba andoma sebeli kwigin o.

ULANGAN 4:2

Nineisena Tuhan Allah nen, yi'nogo hilingiti logoino, ti'nogo hilingiti logoino, iluk komorinafikhe mene an nen yagahisigi mene andi, hiren wene hunogoat mene ekhe oba mangot figik, wene andi mene ekhe sebelogo pelafik, igi'lek mondok felelenghogo hologo higithogo hilingiti logoino o.

ULANGAN 5:32

Allah againafuri Israel mene yi sani! Hit hineisena Tuhan Allah nen awene melalek yagahisikhe mene andi re ane hologo hilingiti logolik fi-furogo hilingiti logoino. Wene melalek andiba nen misik ekhe sagalogo herakfisa fuk.

YOSUA 1:1

Tuhan nen he, At amingmingengge Musa ebe wa'lagaikhesik oba nen, at Musa agot Yosua, ap Nun amlogo a'nogo mel yagatikhe:

YOSUA 1:8

Haren he, wene An Allah nen, yi'nogo hilingi'no, ti'nogo hilingi'no, iluk isigi mene lisu palek werek andi, mondogat higithogo hilingiti logoinogen iluk, wene ebe lisu palek mene andi, linggene nen hubanggo nen enu salhu mondok logoino o. A'nogo hilingiti logolik, wene lisu palek werek mene andi mondogat An nagainafuri ineilhanem enu salhu mondok logoino o. Haren a'nogo mondogat hilingiti logogin halok, hat hebe fano logolik, yi mene ti mene faget ugunem elok enek hilinglaga logogin o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 11:15

Yi wene ti wene Tuhan nen At amingmingengge Musaba yagatikhe mene omanogo mondogat he Musa nen Yosuaba fesikhemo, Yosua nen hilingirik lagaikhe. We misik iluk ogo ekhe herakfisasikhe lek.

YOSUA 23:6

Andi halok he, hiren Buku Wene melalek Musa nen a'nogoba palek werek higithogo nek futfuluk hilingiti logobagaigen he kagal fakhambik logoino. Wene melalek werek mene andi misik iluk ogo ekhe taganhogo hilingisu fuk.