YOSUA 1:6 - Allah Wene Fano Wene Hupla Inane

⁶ An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

YOSUA 1:6 ပူးပေါင်းရင်းမြစ်များ

KEJADIAN 12:7

Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.

KEJADIAN 26:3

An nen wene abok wene warogo heisena Abraham yagatigi mene a'nogo higithogo hilingiti logolik, hebe fetharek welagik, fanot hobagagik, ikhi logogin. Nen o kweang yoma hat inom haren tagongge mene inom wokhisagain.

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

1RAJA-RAJA 2:2

”Afuni mondogat lagaikharek oba nebe arat lagain hilinglagama welagi o. Andi nen he, hendawinggen hambukhogo logolik, hailo lekhogo logoino o.

1 TAWARIKH 22:13

Allah Awene melalek yi'nogo hilingi'no ti'nogo hilingi'no iluk Tuhan nen it afuni Israel mene faget Musa wogetikhe mene andi mondogat hologo hilingiti logogin halok he, haren hilingiti logogin mene andoma ambisangma fano nek aga logogin. Hat hebe re hendawinggen hambuksek logolik hambok serogo hilingiti logoino. Ekhe mene ekhe mene andoma helokhoma agu halok he, hailorogo hilingiti logou fuk.

1 TAWARIKH 28:10

Tuhan nen hat wenak hafi logolik, Haren o At aiba enogo amu wusuageluk wenak hafe mene andi furogo wenggel hano. Enggere yogondak hat hendawimo nen o andi wusigin iluk ninghogo wu'no,” iluk yagatikhe.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

2 TAWARIKH 15:7

Oba nen he, hiren hilingiti lagep mene andi re ambisangma fano agunem hogoin enggere, hinendawinggen hambukhogo logolik, hinailo lekhogo logoino,” iluk yagaisasikhe.

2 TAWARIKH 20:11

Nit ninoasuogeluk waga logolik, iren hilingitukwa mene re, yi'nogo hilingninabi'lagwi. Iren he, Haren kweang nit wo'nisegen mene ariba nen mugisogo wulakninobagauwogeluk hilingiri'lagwi.

2 TAWARIKH 20:7

Nit nineisena Allah re we Hat hamu nek welagen. Hat hagainafuri inunggulenu Israel mene o kweang yomaba wagunem aremnogo re, Haren afuni o yoma welagaukwa mene omanogo mugusogo wulakfisasigin. A'nogo wulakfisasigindik he o kweang yi at Abraham Hat hare a'nogo ambisangma mene hundik-handik mondok-mondogat andoma it inangge a'luk logouwageluk wogisasigin.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

DANIEL 10:19

A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

HAGAI 2:4

Ariginik kwelek oba nen he, yago hit hinebe mondogat yoma re! Hiren inendawimo weak a'luk hilingiti logou fuk. An nen hundik lebethinafi logogin enggere, yabu hilingiti lagep mene andi hilingitu mondogat logoino.

ZAKHARIA 8:9

Tuhan nen At againafuri inoba ikhi logolik, ”Hinendawinggen wurikhogo logoni o! Yogondak he, o An Nawi ambotkwe wusugun mene ubule fogoin oba it nabi nen wene ugunem holhi lagagip mene a'nogo re yogondak ogo holhi lagebat andi.

BILANGAN 26:53

”Kweang andi re afuni Israel mene inoba inunggulenu lombok andoma endep kwe inom, hokho kwe inom hilingik aple higithogo nek sumburisano.

BILANGAN 33:53

Kweang andi re, An nen hit wokhisiginggere, hit hinebe andoma lambik eiserogo kwimbik logolik hinebe andoma femhogo logogun.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

ULANGAN 1:8

An hineisena Tuhan nen hinombalak Abraham inom, Ishak inom, Yakub inom, yagaisikhi logolik, O andoma mondogat hit inom, hiren taginabugun mene inom wokhisagain, iluk wene arat warisasigimo. Ma re, o andoma sebeli kwino o, iluk yaganisasikhe anggigi,” iluk yagaisasikhe.

ULANGAN 11:8

A'nogo yagaisasikhesik, ekhe yagaisikhi logolik, ”Hiren ambi wene melalek An nen yogondak yagahisigi mene yi holfuluk hilingiti logogun halok he hit i palogo o horok yogondak ya helogoin iluk hilingiti lagep mene andi, sebeli kugun.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

YOSUA 1:18

Afuni ekhe haren fetninarek were'ma hawe a'ma soma imbik hane hologo hilingisu inabit mene halok, inebe mondogat inoasugun o. Ma re, hat he hendawinggen hambukhogo hailo lekhogo logoino o,” iluk yagatukwa.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 10:25

A'nogo mondogat hilingfuluk Yosua nen ap perwira omanogo inoba ikhi logolik he, ”Hinendawi sebe imbik hinailo asu fugo. Tuhan nen ap hit hinaselei mene inoba a'nogo nek hilingfisikhi logogin enggere, hinailo lek hinendawi hambukhogo logoni,” iluk yagaisasikhe.

YOSUA 13:6

Ekhe it ap Sidon mene inaiba andoma inom, nen it o tomkwe werek mene tom-tom o Libanon nen hilingi'luk, tom Misrefot-Maim en hilingi'luk tulemkwe andoma inom he mondogat oan telhi'lek” iluk yagatikhe. Tuhan nen ane ekhe inom yagati logolik he, ”It inunggulenu mondogat andoma re An nen it namlogomi Israel mene weim yabi kugun sambul hobuk mugusogo wulak fisagain,” iluk yagatikhesik ekhe yagati logolik he, ”Kweang andi re An nen hat yagahetigi higithogo, haren it afuni Israel mene inanggweang asuageluk sumburisagaino.

YOSUA 18:3

At Yosua nen it afuni Israel mene yagaisikhi logolik, ”Yago, hit o kweang hineisugwi ineisena Tuhan Allah nen hit wokhisikheba omanogo laluk eiserogo welagi'legengge welagep oma re ki huli nen hela kugun?

YOSUA 21:43

A'nogo Tuhan nen he afuni Israel mene inoba kweang mondogat hombuk palogo abok it inambu-inomba inoba yagaisasikhe mene omanogo wogisasikhe. O kweang andiba sebeli kwisukwasik he afuni Israel mene re femhogo andoma welagaukwa.

1 SAMUEL 4:9

Andi halok he, nagoromi Filistin mene yi. Hinendawinggen hambukhogo logoni o. Hinebe ap mondok logolik, weim yabino o. A'nogo hilinglasugun lek halok, afuni Ibrani mene attagat hiren hinamingmingengge higit ferinarek welagagip a'nogo hak, yogondak hit iren inamingmingenggge higit fethinarek logogun o. Andi nen he, hit hinendawinggen hambukhogo hinailo'lek logolik, weim yabino o,” iluk yagaisasukwa.