YOSUA 1:5 - Allah Wene Fano Wene Hupla Inane

⁵ An nen attak Musa serogo mondok welagagi andi hak, hat herakhobagagi'lek setharek mondok logogin andi nen he, afuni ekhe nen hat mabenet hobagagun mondok lego.

YOSUA 1:5 ပူးပေါင်းရင်းမြစ်များ

KEJADIAN 39:2

Onggo palhikhemo, Yusuf Potifar o Mesir mene andi amingmingengge logolik, aiba andoma yi yabu ti yabu hilingitunem nineisena Tuhan nen serogo logolik lebethikhi lagaikhe andi nen he, higithogo nek hilinglaga lagaikhe.

1RAJA-RAJA 1:37

Nineisena Tuhan nen hat hebe setharek mondok welagarek andi hak, at Salomo a'nogoat serogo mondok logouwagaro. Nen, hat he, henupogot logolik ferinarek were'ma, henu endebat hangge lagarek meneat he, arenek he, menfoumo ferinarek were'ma enu hokhoat laga logouwago,” iluk yagatikhe.

1RAJA-RAJA 11:38

Nen, An namingmingengge Daud en, An nen, yi'nogo hilingi'no, ti'nogo hilingi'no, iluk yagati lagagi mene nane hologo mondok logolik, hilingiti lagaikhe andi hak, An nen hat yagahesigin mene andi, haren hologo nendawimo nagaiyek anggigirek mene andi mondogat neilhanem higithogo hilingiti logogin halok, An nen hat setharek mondok logogin o. Setharek mondok logolik, afuni Israel mene inoe raja logoinogen iluk menhobagagin o. At Daud en tagomangge mene menfisikhi logogin andi hak, haren tagomangge mene nen afuni Israel mene inoe raja aga logouwagaluk menfisikhi logogin aro.

1RAJA-RAJA 8:57

Tuhan Allah Haren endamat nit ninombalak herakfisigi'lek ferinarek mondok welagagin andi hak, yogondak nit a'nogoat fetninarek mondok logoino o, neisena.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YEREMIA 1:8

An he hat ninom welagik, hebe fetharek welagik, hilinghafi logogin enggere haren it inoba hailosu fugo, iluk An Tuhan nane mondogat igi o!” yaganete.

DANIEL 11:16

Raja utara fikhit mene andi nen he, ap inom weim yabu elo'lekhogo we at endawimo anggaluk enek hilingiti logogin. Aren he, kweang elokhe mondok fano mene a'nogo sebeli kwimbik he at omame a'ma sebel fakhambik logogin.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

ROMA 8:37

A'nogo meneat he, Allah ninebe endawi nen ninoe Enupogot Kristus Yesus wo'nisasikhemo ebe wa'lagaikhe andiba ninom hundik were'ma ninebe wa'lasumo inom, nineluk logoumo inom, andi nen minggilogo ninobagagin elo'lego. Malaikat pogoroba yonggo nikhirek mene andi inom, pogoroba inomame werek mene ekhe andi inomen, minggilogo ninobagagin elo'lego. Yi mene ti mene yogondak hilinglagarek mene inom, hobuk hilinglasigin mene inom, andi nen minggilogo ninobagagin elo'lego. Nen, omame werek mene ekhe nen minggilogo ninobagagin elo'lego. Nen, Allah nen walhasikhe mene hunigat mene ekhe nen minggilogo ninobagagin elo'lego. At Allah nen ninebe endawitninafikhemo, Kristus Yesus hilingitikhe andiba, mondogat a'nogo weak hilingninafunem nit minggilogo ninobagagin elo'lego. We, afuni wulil tagalogo inoa'luk inomame agaikharek hak ninomame agorek iluk futfikhi lagi.

ULANGAN 20:1

At Musa nen a'nogo yagaisasikhesik ekhe yagaisikhi logolik: ”Hirambi it hinaselei mene inom weim yabi laga logolik halok he it hinaselei mene andoma inanggo kuda hokhorogo werek mene faget inom, kereta ap amboloba lagaluk weim yabik lagaikharek mene hokhorogo werek mene faget inom, it inagoromi tentara sikhe fisogo mene esa hit hinebe maben sek kwelek it hokhorgo wane mene andi faget hinailot inabu fuk. Hit hineisena Tuhan Allah o Mesir en hele fikhalogo wilak hinabi wagaikhe mene a'nogo nen enek lebethinafi logogin.

ULANGAN 20:4

Hit hineisena Tuhan Allah At hit hinom laga logolik lebethinafi logogin, Aren enek hit hinalong asuageluk hilinghinobagagin,’ iluk yagahisikhi logogun.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

ULANGAN 4:31

Nit nineisena Tuhan Allah re, afuni mondok endawirinaferek mene o. Ma re, Aren hit kofologo herakhinobagagik, hinebe legethinafik, At onggwarek enat hinombalak wene warogo woginafikhe mene andi hinonggoragik, ugun mondok lego.

ULANGAN 7:24

It hinaselei mene andi inogogwi kaindek inenupogot inebe hinenggiba hinobagaumo, hiren it inebe inoasumo re, inenu mondok hinonggot asumo eberek logogun mondok lego. It inebe mondogat hiren inoasugun andi. Ekhe misigat halok eluk logolik, hit hinoasigiluk weim abok ekhe igin mondok lego.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YOSUA 1:17

Niren Musa nen yaganisugunem ane hologo mondok hilingiti lago andi hak, hat hane hologo hilingiti logogun aro. Nineisena Tuhan Allah nen Musa serogo mondok welagaikhe andi hak, harogo setharek mondok logouwago.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

YOSUA 10:8

Wesuogeluk ugunem Tuhan nen Yosua mel yagatikhe: ”Hat homame a'nogen iluk, An nen arat wokhetimo andi nen he hailo agun o. It mene misigen iluk ekhe fangesigin mondok lego,” iluk yagatikhe.

YOSUA 21:44

A'nogo hilingitukwama re Tuhan nen it inambu-inomba inoba wene warisasikhe mene higithogo kweang andiba re At Tuhan nen omame a'ma ferinarek were'ma re inailo legengge inambong serogo welagaukwa. It inaselei mene misik iluk ogo it inom weim kagalasu hak mene ekhe hilingiti lagaukwa mondok lek, andi re Tuhan nen it inoba inalonget fisasikhemo a'luk hilingiti lagaukwa.

YOSUA 3:7

A'nogo hilingitukwama, At Tuhan nen Yosua mel yagatikhe: ”An nen hat o yogondak yi huli nen hebe kain hilinghabigin o. A'nogo hilinghafunem, it afuni Israel mene mondogaren he, hat agaukhogo fogethafi logolik, An nen at Musa serogo mondok welagagi andi hak, hat setharek mondok logogin andi, futhobagagun o.

YOSUA 6:27

At Yosua nineisena Tuhan nen serogo mondok were'ma, abok fano mondok o yi awi ti awi laga lagaikhe.

HAKIM–HAKIM 2:18

A'nogo hilingitunem, it inaselei mene nen wiik-weak hogo hilinginafunem iren he, ”Weak hilingninabi'lagwi yoma nabire,” iluk ugu were'ma, Tuhan nen endawirinapluk inane esanggo holfuluk he, inebe telinabuageluk inoe ekhe ayonggo fuluk inoba lakfisaluk leberisikhi lagaikhe. A'nogo leberisugunem, inogogwi andi inebe ineluk logolik oba re, it Israel mene inaselei mene nen inoasinogoluk telinafu welagaikhe.

HAKIM–HAKIM 6:16

A'nogo yagatikhemo, Tuhan nen ikhi logolik he, ”An nen hat lebethabigin enggere, eberogo nen harenek he elok! Hat hamu nen enek he it afuni Midian mene andi inebe hokhorogo werek oba nen he, we siserogo ap misik mene omame leget fou hakhogo inomame leget fisambik, wolelenggenhogo fisagain o.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.