YOHANES 9:31 - Allah Wene Fano Wene Hupla Inane

³¹ Afuni weak hilingitarek mene Allah nen inane esanggo holherek mondok lek andi, nit ninelu o. We, afuni inailorogo logolik, at endawimo anggikherek mene higithogo hilingiterek mene halok, Allah nen inane esanggo holherego.

YOHANES 9:31 ပူးပေါင်းရင်းမြစ်များ

KEJADIAN 19:29

Allah nen o tonggwe kota at Lot welagaikheba omanogo mondogat feleleng sapukhogo inoatikhe andi. A'nogo legetfisikhi logolik, Allah nen Abraham oba ebethasikhesik alisikhogo re, Lot telhikhemo heise lagaikhe andi.

KEJADIAN 20:7

Andi nen, he ari agun he Nawene yagaisili'logo mene hilingi'mo hat hebe wa'lagen hanogoluk aren samban hobaget igin enggere, yogondak he ari onggwarek wogom o. Hat hendawinggen wenggelhan! Haren, he ari agun onggwarek wogosigin lek halok he, hat hebe inom, hat hamlogomi tegelhabi'lagwi mene inom mondogat wa'lasugun,” iluk yagatikhe.

AYUB 35:12

It afuni enggin-fenggin hagarek mene andi nen inane hokhorogo kweri'lagwiba nen he, iren weak mondok hilingiti logolik wonoget fakhagarek andiba re At Allah nen inane holhi'lek halolot fisaluk werek.

AYUB 35:13

At Omame Lego werek mene a'nogo eilenggen isigi'lek, esanggo holhi'lek werek kwelek he, iren inane omameba kweri'lagwi mene andoma re we alomarogo kwetu werek.

AYUB 42:8

Andi nen he, yogondak wam sapi ai mene 7 nen inom, nen domba ai mene 7 nenat wanimbik he, Ayub oba we'no o. Wasimbik he, hit faget wam mondogat andi warogo an nolne'no o. Nolnetunem, Ayub en samban hit faget nayonggo fugunem, at ane nesanggo holigin o. Hiren he, An namingmingengge Ayub en An faget higithogo ikhe andi hak igi'lek, herakfisegepsik weak mene egep andi nen, wene hinoba fuluk hinenggali wasugun meneat he, An nen wene hinoba figi'lek herakhinobagagin o,” iluk yagatikhe.

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

MAZMUR 143:10

Hat hebe re an neisena Allah hilingik welagenma re, Hat hendawimo hagaiyek anggikhi lagen mene andoma nek hilingiti logouwageluk yanggulnafi logoin. Hat Hareagun fano mene andi nen an kwe lioksekwe loageluk wo'narek laga logoin.

MAZMUR 145:19

Aren he it afuni At oba inailorogo welagaikharek mene inoba re, inendawimo agaiyek mene hilingfisigik, iren inane hombuk palhu mene esanggo holhik, inebe telogo fisigik, ikherek.

MAZMUR 18:41

It naselei mene omanogo an were'ma nen loageluk Harenat hilingnobagakhi lagen, afuni an nebe inabit mene re an nen mondogat legetfisikhi lagi.

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

MAZMUR 99:6

At againafuri imam he Musa inom, Harun inom, nen at Samuel he Tuhan oba samban ikhi lagaikhe mene. It andem en he Tuhan enu hombuk palhunem, Aren ane onggo yagaisikhi lagaikhe.

AMSAL 15:29

Tuhan he ap fano hilingitarek mene nen samban ugunem enek he ane esanggo holherek, oba nen ap weak hilingitarek mene inane re Aren esanggo holherek lek.

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

AMSAL 28:9

Sa nen Allah awene melalek a'nogo higithogo hilingiti logogin lek halok, Allah nen ogo aren samban ikhi logogin mene andire hebak aferek logogin.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YESAYA 58:9

Nen, hiren samban ugun mene re, An nen onggo yagahisikhi logogin, nen hiren An noba hinane kwetu halok he, hinane onggo yagahisikhi logoginat. Hinagaila'lak inoba enggin-fenggin fikhi logou fuk, minggirik awene inom nabok habok awene inom andoma re palfeino.

YEREMIA 11:11

Andiba re, An Tuhan nen it ineluet fikhi logolik, enggin mene An nen it inoba lakfei wesumo re it he hina'lasugun lek. Iren ambi An noba lebetninabuageluk kino yaganesugun halok mene ogore An nen it inane holigin mondok lek.

YEREMIA 14:12

Iren inambe heang logolik, An noba lebetninabin iluk kino yaganesumo mene ogore An nen inane nesanggo holhi logogin lek, nen iren An nobaget nendawimo nagaiyek hoageluk nolhik, gandum enggen nolhik hilingisugun meneba nen ogore An nen nagaiyek it inoba fagain legat. Agamhogo re An nen it inebe weim oba nen inom sumburu ouwagen inom, ouen oba nen inom mondogat leget fisagain o,’ iluk yaganete.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.

MIKHA 3:4

Hiren Tuhan oba yagati logolik, ”Lebetnisan o,” iluk hinane kwesugun oba nen Aren hit hinane onggo yagahisagain lego. Nen, hiren mondok kwanirek mene hilingiti lagep andiba re, hiren samban ugun mene ogore Aren esanggo holigin legaro.

ZAKHARIA 7:13

An nane ikhi lagagi mene holhi lagaukwa le'ma re, iren samban oba An nayonggo fikhi lagaukwa mene ogore holhi lagagi legat andi.

YOHANES 11:22

A'nogo wa'la'lep lek meneat he, Noe, yogondak haren we nena mene Allah kino yagasumo re, aren wokhesigin enek a'nogo re, an nelu aro,” iluk yagati lagaikhemo,

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

YOHANES 9:30

aren he, mel yagaisasikhe: ”Eige! Nailo e. Ap andi nen, an neilenggen fano higitnafe meneat he, hiren, at ebe o koma nen waga mene he, nit ninonggot iluk ikhi lagep andi, elalinhogoat ikhi lagebo.

YOHANES 9:32

Nen, afuni omanggum eroba nen yogondak huli afuni ekhe ineilenggen mum ta'lagaukwama nen hobuk fano hilinginafukwa, iluk ninesanggo holhorek mondok lego.

ULANGAN 1:45

A'nogo mabenet hinobagasukwama, hit hinambotkwe wagagipsik he Tuhan oba nit lebetnisano iluk yaganetigip oba nen he, Aren hit fut hinobagagik hinane esanggo holhik hilingitikhe lek a'nogo,” iluk yagaisasikhe.

IBRANI 10:7

Andi nen he, Allah neisena. An nen wene yagahesik. Hat haneba re, wene an nen yagahesu hak, An nen hat hendawimo hamolo mene hilingisigeluk wesigin, iluk wene an faget lisu palogo fesukwama werek andi, ebe hilingisigeluk nebe wagarik welagi yi o,” iluk yagatikhe.