YOHANES 9:21 - Allah Wene Fano Wene Hupla Inane

²¹ ninggi'nogo nen fano aga he, nit ninonggoro. Nen, sa nen fano higite he, nit ninonggoraro. Halok he, at ebe ap yenggerek fugo. Ebe alue atma re, at onggwarek faget yagahisoagen oba heinok wokhani,” iluk yagaisasukwa.

YOHANES 9:21 ပူးပေါင်းရင်းမြစ်များ

LUKAS 8:43

Lagunem he, he ekhe amep lagu mondok werek kwelek 12 tahun hilinglagaikhe mene, it ekhe nen fano hilingisuageluk inayonggo filik onggo hokhorogo wogisikhi logolik he, at agarek mene leget fesikhe meneat he, iren fano higiti'lek werek kwelek, amep a'nogo palagi'lek lagu mondok welagaikhesik,

YOHANES 5:5

A'nogo nenangorogo welagaukwa mene ap ekhe re, ou warek werek kwelek 38 tahun hilinglagaikhe mene inom inebe andoma wengik were'ma, Yesus eilenggen hasikhesik he, ”Ap yi endamat en yi'nogo welagare'ma higi,” iluk eilenggen enegat hasikhesik he, mel yagatikhe: ”Neisena. hat fano hilinghasigin hamolo a? Habira?” iluk yagatikhemo,

YOHANES 9:10

Iren at oba heinok wokhikhi logolik he: ”Ninggi'nogo nen heilenggen fano aga,” iluk yagatukwama,

YOHANES 9:20

iren yagaisikhi logolik he, mel isukwa: ”Abo yi re, ebe niren hogo mene eilenggen mum ta'lagaikhe, ikhi lago a'nogo meneat he,

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

YOHANES 9:23

mel isukwa andi: ”At ebe re, ap yenggerek fuk. Ebe alue atma re, at onggwaregen yagahisoagen oba heinok wokhani o,” iluk yagaisasukwa andi.

KISAH PARA RASUL 9:33

Pisikhesik he, ap ekhe enu Eneas. O fagearen eisok wut warek mondok logolik he, mo lagagik pigik ugu kwelek 8 tahun wengik mondogat welagaikhe mene, a'nogoat were'ma, eilenggen hasikhe.