YOHANES 9:18 - Allah Wene Fano Wene Hupla Inane

¹⁸ A'nogo yagaisasikhe meneat he, it ap kaindek Yahudi mene nen ap yi attagat eilenggen mum welagaikhe meneat he, yogondak arat fano agama, iluk fut fou inabiren he, ap a'nogo eisena agaisa wolisasukwama wagaukwama re, inoba heinok wogisikhi logolik he, mel isukwa:

YOHANES 9:18 ပူးပေါင်းရင်းမြစ်များ

KEJADIAN 19:14

A'nogo yagatukwama, at Lot a'nogo siakhogo at a'logomi inebe pire aremnogo ap wenago welagaukwa mene inoba lagaikhesik mel yagaisasikhe: ”Nineisena Tuhan nen afuni o kota yoma mene mondok legetfisagain andi nen he, weak-weak heise wilibuogeluk hisa wagi o,” iluk yagaisasikhe meneat he, Lot eranen ikherek mene a'nogo iluk anggasukwa.

YESAYA 26:11

Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.

YESAYA 53:1

A'nogo isukwama it inunggulenu a'nogo nen onggo ikhi logolik, ”Niren holugun mene andoma faget sa nen eberogo anggagain nogo? Ap sa nen Tuhan omame andi re weinamet fikhe nogo?

LUKAS 16:31

at Abraham en he, mel yagatikhe: It hoe hagot andoma Musa wene inom, it ap Allah ane yagaisikhi lagaukwa mene inane andi inom, inesanggo holhi'lek halok he, ap ekhe wa'la'luk lagaikharek oba nen eluk a'luk yagaisa lamo, it andi inendawimo nen he, eberogoat anggaluk inesanggo holugun elo'lek aro, iluk yagatikhe,” iluk Yesus nen yagaisasikhe.

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

YOHANES 5:44

Allah alegat etok mondok welagarek andi nen fogerasuogeluk hilingiti'lek logolik he, hit-hirat hat ekhe nen fogeratik, hat ekhe nen fogeratik fogerakhikhi lagep andi nen, hinendawinggen an noba ninggi'nogo himbiret fogoin anggegep? Mondok elo'lego.

YOHANES 9:19

”Hiren he, nit ninamlogo eilenggen mumat ta'lagama isigip a'nogo re ebe yi ara? halok he, yogondak eilenggen ninggi'nogo nen fano aga?” iluk yagaisasukwama,

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

IBRANI 4:11

It attak Allah ane hologo higithogo hilingiti'legen, set waligi'lek andi hak, nit ekhe it inobali'mo set walogo lek hanogoluk, ninomamerogo hilingiti logouwogo.