YOHANES 9:1 - Allah Wene Fano Wene Hupla Inane

¹ At Yesus ebe o andoma herakfisaluk kwe laga logolik, eilenggen yethasikhe hak he, ap ekhe agaisa alabutmo nen mondok eilenggen mumat ta'lagaikhe mene hasikhe.

YOHANES 9:1 ပူးပေါင်းရင်းမြစ်များ

YESAYA 35:5

Andem sambul he ap ineil humunik mene re ineilenggen higik, ap inesanggo tagum mene re inane elok holhik, ugun o.

MATIUS 20:30

Lagunem he, ap inebe pire ineilenggen mum mene ebekhalem hurek were'ma, afuni nen he, ”Yesus weri'logo,” iluk isukwama inesanggo holhukwasik, inane hokhorogoat he, Yesus mel yagatukwa: ”Daud en tagongge mene Ninoe a! Hendawitninabin o,” iluk yagatukwama re, it afuni hokhorogo omanogo nen he, ”Hinane o,” iluk, wenagisasukwa.

MATIUS 9:27

At Yesus o andoma nen lagunem ap inebe pire ineilenggen mum mene ombo'ne laga logolik inane hokhorogo mel yagatukwa: ”Ap Daud en tagongge mene noe a! Hendawit ninabin o,” iluk yagatukwa.

MARKUS 9:21

A'nogo hilingiti lagaikhemo re, at Yesus nen yenggerek a'nogo eisena oba heinok wanhi logolik mel yagatikhe: ”Yenggerek yi huli ki huli nen hilingite,” iluk isikhemo, aren he, mel yagatikhe: ”Huli ebe yenggerek oba nen hilingiterek mene aro.

LUKAS 8:43

Lagunem he, he ekhe amep lagu mondok werek kwelek 12 tahun hilinglagaikhe mene, it ekhe nen fano hilingisuageluk inayonggo filik onggo hokhorogo wogisikhi logolik he, at agarek mene leget fesikhe meneat he, iren fano higiti'lek werek kwelek, amep a'nogo palagi'lek lagu mondok welagaikhesik,

YOHANES 5:5

A'nogo nenangorogo welagaukwa mene ap ekhe re, ou warek werek kwelek 38 tahun hilinglagaikhe mene inom inebe andoma wengik were'ma, Yesus eilenggen hasikhesik he, ”Ap yi endamat en yi'nogo welagare'ma higi,” iluk eilenggen enegat hasikhesik he, mel yagatikhe: ”Neisena. hat fano hilinghasigin hamolo a? Habira?” iluk yagatikhemo,

YOHANES 8:59

A'nogo yagaisikhi lagaikhemo, it ap omanogo nen he, at Yesus ebe wasuogeluk helep inenggimo wanhukwa meneat he, Yesus ebe hina'lagaikhesigen, o Allah awi wuri'mo herakfuluk ale'ma lagaikhe.

YOHANES 9:2

A'nogo hasikhemo, at agoromi ane wanhi lagaukwa mene omanogo nen he, mel yagatukwa: ”Noe. Ap eilenggen mum ari re, ero at onggwaregen weak hilingitikheba a? Athe, ero eisena agaisa weak hilingitukwaba ebe a'nogo ta'lagaikhe a?” iluk yagati lagaukwama,

KISAH PARA RASUL 14:8

O Listra andoma ap ekhe agaisa alabutmo nen ta'laga logolik eisok wut warek ta'lagaikhesik eisok endawi legen kwe lagi'lek hurek mondogat welagaikhe.

KISAH PARA RASUL 28:4

Enggiba hundik were'ma, afuni inawiwerek mene omanogo ineilenggen hasukwasik, it-it ikhi logolik he, ”Ap yi re, afuni inoare mene o. Ima nen telogo wulibi waga meneat he, tugwi kembu enu Unggum, afuni inebe inoaterek mene a'nogo nen, at ebe eluk logogin lek, iluk, wate yi,” iluk isukwa.

KISAH PARA RASUL 4:22

Ap eisok wut warek mene elalinat higitukwa andi re, ebe 40 tahun welagaikhesi'mo nen, fano hgitukwa andi.

KISAH PARA RASUL 9:33

Pisikhesik he, ap ekhe enu Eneas. O fagearen eisok wut warek mondok logolik he, mo lagagik pigik ugu kwelek 8 tahun wengik mondogat welagaikhe mene, a'nogoat were'ma, eilenggen hasikhe.