YOHANES 8:32 - Allah Wene Fano Wene Hupla Inane

³² wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

YOHANES 8:32 ပူးပေါင်းရင်းမြစ်များ

MAZMUR 119:45

Andiba re Haren wene yaganetu mene a'nogo hologo hilingitunem, an nebeba selekhogo nek logogin.

MAZMUR 25:5

An nebe Hat hendawimo anggikhi lagen mene higithogo nek hilingiti logouwageluk yaganetik, yanggulnafik, in o. Allah an nebe telnafi lagen mene re we Hat hamu welagenma re, an nen Hat hoba nek nendawinggen eberek mondok welagi o.

AMSAL 1:23

An nen hinenggali warogo komothinafu halok he, hinafe hebela'luk nanehologo hilingiti logoni o. A'nogo hilingisugun halok he, an nendawimo wene hinago mene andi fakhogo weinama fuluk wene nelu mene yagahisagain werego.

AMSAL 1:29

Hit he, wene hinelu logou mondok hinabit logolik, Tuhan hinailorogo ane hologo logou hinabit mondok welagep andi.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

YESAYA 2:3

A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

YESAYA 54:13

Afuni o andoma werek mene inebe mondogat he An nen yanggulinafu mene asugun, It he inangge yi mene ti mene weregenek logolik mondok fanorogo logogun.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

IMAMAT 25:41

Andi sambul enek he at againafuri inom o aren a'nogo herakfisaluk at eisok erokwe mene inambit ombawi inanggweang oba omanogo laga logogin.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 16:13

A'nogo meneat he, Allah Areagun, ebe wene ikherek mene andi wesimbik he, kwe inonggotma inelu mene nen yagaisagarek andi hak, ebe wene mondogat futfobagaigen iluk yagahisikhi logogin o. A'nogo yagahisikhi logogin andi re, wene at endawimo nen wenggelogo ikhi logogin lego. We, at esanggo holherek mene nek ikhi logolik he, hobuk hilinglasigin mene yagahisikhi logogin aro.

YOHANES 17:17

Hat hane ikhi lagen mene andi re, ebe wenearo. Nen, hane ebe wene andiba, it inebe hat honggwarek fagerat logouwagen wenagaisogo fisan o.

YOHANES 6:45

Wene andi faget it ap Allah ane yagaisikhi lagaukwa mene omanogo nen lisu palogo fikhi logolik mel isukwa: It afuni mondogat Allah nenat wene yagaisikhi logogin o, iluk lisu palogo fesukwa andi hagat, afuni an neisena ane inesanggo holfuluk, aren yagaisugunem wanhu halok, inebe lombok an noba wagaikharegaro.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

YOHANES 8:36

Andi hak he, an Allah ebe amlogo nen, hit hele fikhalogo hinale'ma hinobagagi mene halok, eberogo nen hele fikhalek mene hinale'ma logogun o,” iluk yagaisasikhe.

ROMA 6:22

Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

1 KORINTUS 7:22

At ekhe afuni inamingmingengge were'ma re, ninoe Enupogoren ayonggo fesikhemo emberek hundik logolik he, at agot ale'maat agasik werek. Nen, at ekhe re, ale'ma were'ma ayonggo fesikhemo, ninoe Enupogot amingmingenggeat agasik werego.

GALATIA 5:1

Nit Kristus nen ninale'ma ninobagasikhemo yogondak ninale'ma welago. Andi nen he, yi mene ti mene enggin weak mene it afuni inamingmingengge mene nen e yerogo waluk loageluk inomoloba fagarek hak, enggin mene andi hobuk hinoba feinogo iluk, ninghogo mendek logoino.

GALATIA 5:13

Nerugwi nagaila'lak. Hit hinale'ma logouwageluk Allah nen hinayonggo fesikhemo welagep. A'nogo meneat he, hinendawimo nen he, ”An nale'ma welagi,” iluk, afuni inobabut inetogat logolik hilingitarek mene inobabut waganogo hesanggeat hilingiti logogup. Athe, wene Allah nen komotninafikhe wene a'nogo mondogat lambukhogo wene misigat yi nek esin hangge isikhe andi: ”Hit hinonggwarek hinebe hinendawinggen hundik welagep andi hak, it afuni ekhe hinom welagep mene hinendawinggen hundik logoino o,” iluk isikhemo lisu palogo fesukwa andi nen he, afuni ekhe inebe hinendawirogo logolik hit-hit lebet-lebet ikhi logoino o.

YAKOBUS 1:25

Nit afuni ninenggi hele warek hak were'ma, nineisena Allah nen fano weneba komotninaferek andiba fikhalninaferek. Halok, sa nen wene andi esanggo nek holfuluk he, onggot agarek fuk. We, higithogo futfuluk, oba eberek mondok logolik, wene andi higithogo hilingite halok, yi mene ti mene hilingitunem, Allah nen endawinggen agaiyekhogo lebethikhi logogino.

YAKOBUS 2:12

Ninebe hele homago hak were'ma, Allah ane andibaat fikhalogo ninobagaikherek andi. Wene andibaat ninanema wanigino, iluk, hinane higithogo igik, hinenggi nen higithogo hilingitik, ikhi logoino o.

1 PETRUS 2:16

A'nogo logolik, hiren he, ”Nit weak mene awe a'ma were'ma, Allah nen hele fikhalogo ninale'ma ninobagaikhemo welago,” iluk, weak ekhe hinagaisogo hilingiti logogup. We, hinobabut Allah amingmingengge logolik hilingisugun mene higithogoat hilingiti logoino o.

2 YOHANES 1:1

An hinoe Allah againafuri kwelakhinarek logouwageluk aren mennobagasikhe mene a'nogo nen, hit Allah againafuri takhinafikhe mene halok hinebe re, he misik ekhe ebe Allah nen wenatikhe mene eagwi inom wene yi hai warogo lisu palogo hinoba lakfei wagi o. Hinebe eberogoat nendawi o. An nalegat hinebe nendawi welagi fuk. We, it ekhe ninom ebe wene yogondak inendawimo wanhasik hobuk inom mondok-mondogat logogin mene andi inelu agaukwa mene nen ogo re inendawithinafa aro.