YOHANES 8:26 - Allah Wene Fano Wene Hupla Inane

²⁶ An nen yi wene ti wene hokhorogoat yagahisigik, wene hinoba figik, kotik, u higit meneat he, at laknobagai wagaikhe mene a'nogo ane eberogoat enek ikherek andi nen, aren ugunem nesanggo holhi lagi mene andiat hit afuni kweangma mene yoma yagahisikhi lagi o,” iluk yagaisasikhe.

YOHANES 8:26 ပူးပေါင်းရင်းမြစ်များ

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

YOHANES 16:12

An nen wene hokhorogo yagahisa meneat he, hit yogondak ya wanuba re elo'lego.

YOHANES 17:8

Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 18:20

at Yesus nen he, mel yagatikhe: ”An nen afuni kweangma mene wene yagaisikhi logolik he, fakhogo nek yagaisigirego. O it afuni Yahudi mene mondogat andoget fuluk samban agarek oba inom, Allah awi wuri'mo inom, andoma nek yagaisigirego. Wene hinagaisogo ekhe igirek mondok lek meneat he,

YOHANES 3:11

Niren wene ninelu meneat yagahisigik, nineilenggen hogo meneat eberogoat iluk pilingisogo yagahisigik, ogorek meneat he, ninane andi holhi'lek hinobakhe nene hilingiti lagep iluk, nane eberogoat yagaheti lagi.

YOHANES 7:16

at Yesus nen he, mel yagaisasikhe: ”An nen wene yagaisikhi lagi andi, an nendawimo nen kagalogo yagaisikhi lagi lego, meneat he, at an laknobagai wagaikhe mene a'nogo nen yaganetu kwelek yagahisikhi lagi o.

YOHANES 7:28

A'nogo ikhi lagaukwama, at Yesus Allah awi wuri'mo wene ane hokhorogo yagaisikhi logolik, mel yagaisasikhe: ”An nebe inom, nebe o andoma nen waga iluk inom, hit hinelu nogo? An wagagi andi re, an nendawimo nen anggaluk wagi lego. We, At ane eberogoat mene nek ikherek mene a'nogo nenat laknobagai waga meneat he, At ebe hit hinonggoro.

YOHANES 8:25

A'nogo yagaisasikhemo, iren he, ”Hat hebe sa nogo,” iluk oba heinok wokhasukwama, aren he, mel yagaisasikhe: ”Tulemat andi, hobuk nenahalok yagahisagain.

YOHANES 8:27

A'nogo yagaisasikhe meneat he, iren he, ”At eisena Allah faget abok yaganisili'logo,” iluk wene andi futfigi'lek welagaukwa.

YOHANES 8:40

Menere, an wene ebe wene Allah nen ugunem nesanggo holhigi meneat yagahisikhi lagi meneat he, hiren an nebe noasuogeluk naweim abok ikhi lagep andi hak, at Abraham en a'nogo hilingiti lagaikhe lek meneat hilingiti lagebo.

2 KORINTUS 1:18

Lego. At Allah ane eberogoat enek yaganisikherek andi hak, niren he, ”Io,” ilugen, ”Lek,” igik, yagahisogorek lek.