YOHANES 8:24 - Allah Wene Fano Wene Hupla Inane

²⁴ Andi nen he, an nen wene attak yagahisikhi logolik he, weak hilingiti lagep mene wene hinoba werek kwelek wa'lasugun o, iluk yagahisigi a'nogo re, mel faget igi. Hiren an faget he, At ebe etok mondok welagarek mene aro, iluk hinendawinggen noba eberogoat himbiret fogoin lek halok he, wene hinoba werek kwelegat wa'lasugun andi nen igi o,” iluk yagaisasikhe.

YOHANES 8:24 ပူးပေါင်းရင်းမြစ်များ

KELUARAN 3:14

A'nogo yagatikhemo, at Allah nen he, ”An he, Anaro. Afuni Israel mene yi'nogo yagaisano: Aren he, An he, Anaro, ikherek iluk agarek mene a'nogo nen hinoba laknobagai wagama wagi o, iluk yagaisano o.

AMSAL 8:36

Nen, sa nen, an nebe wo'nafe lek halok, at andi nongasigin. Nen, ap an noba abit mene halok, wa'lagaikharek mene andi eise agasik werego,” iluk isikhe.

MATIUS 24:5

Afuni inebe hokhorogo wesimbik iren ikhi logolik inenu an nenu mene salogo mel ilik wesugun: Kristus a'nogo an nebe wagi yi aro, iluk, inane eberogoat hangge afuni hokhorogoat lalinabi wesugun o.

MARKUS 13:6

Afuni inebe hokhorogo nenat inenu an nenu mene salogo yi'nogo yagahisilik wesugun: At wesigin isukwa a'nogo an nebe wagi yi aro, iluk inane eberogo mene hak afuni hokhorogo lalinabik wesugun.

MARKUS 16:16

Yagaisilik lagunem he, it afuni ekhe nen wene andi eberogoat iluk anggogoin mene ima pelaginabugun mene halok, Allah nen telinabigin meneat he, it ekhe wene andi eberogoat iluk wanugun lek mene halok, Allah nen wene inoba fembik weagerinabigin o.

LUKAS 21:8

at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.

YOHANES 13:19

Wene andi hobuk arat eberogoat hilinglaga halok, at etok mondok welagarek mene a'nogo araro, iluk futnobagaigen iluk, yogondak wene andi oan hilinglagi'lek werek kwelek abok yagahisigi o,” iluk yagaisasikhesik he, wene ekhe mel yagaisasikhe:

YOHANES 3:18

Halok, sa nen endawinggen an noba eberogoat himbiret fikhe halok he, Allah nen wene oba fuluk weaget fagain lek meneat he, sa nen endawinggen an Allah amlogo misigat tago mene yi noba eberogoat himbiret figi'lek andi nenat weaget fagain mene wene arat oba fikhemo werego.

YOHANES 3:36

Halok he, sa nen endawinggen Allah amlogo oba eberogoat himbiret fili'logo halok ineluk logogun mene eise agasik werego. Meneat he, sa nen, at amlogo andi ane holhi'lek obakhe nene herakfisili'logo halok, ineluk mondok logogun mene andi eise asigin lek. We Allah a'mage oba fembik logogin o.

YOHANES 4:26

A'nogo yagatikhemo, at Yesus nen he, mel yagatikhe: ”Ap egen andi ebe re, an nemberek wene ane ikhi lago nebe yi aro,” iluk yagatikhe.

YOHANES 8:21

A'nogo kamo isukwama re, at Yesus nen wene hobuk ekhe it omanogo mel yagaisasikhi: ”An nebe hobuk lagain o. Lambik andoma werek kwelek, hit an hera'nabugun meneat he, o an lagain oba andoma hit logoin elo'lek andi nen he, hit weak hilingiti lagep mene wene hinoba werek kwelegat hinebe wa'lasugun o,” iluk yagaisasikhemo,

YOHANES 8:25

A'nogo yagaisasikhemo, iren he, ”Hat hebe sa nogo,” iluk oba heinok wokhasukwama, aren he, mel yagaisasikhe: ”Tulemat andi, hobuk nenahalok yagahisagain.

YOHANES 8:28

A'nogo futfigi'lek werek kwelek, aren he, mel yagaisasikhe: ”An abat ta'lasi wagagi a'nogo, hiren an nebe legeisogo nobagagun andi sambul hiren he: Etok mondok welagarek mene a'nogo ebe yiaro. Aren wene yaganisikhi logolik he, endawimo nen kagalogo igi'lek. We, at eisena nen yagaterek mene nek, yaganisikhi lagama, iluk, hinelu asugun o.

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.