YOHANES 8:23 - Allah Wene Fano Wene Hupla Inane

²³ aren mel yagaisasikhe: ”An nebe re, pogot abel ponggwe mene wagarik welagi o. Menere, hit enek he, abel manggwe yoma mene o. Hinawi ero kweangma yoma aro. Mene re, an nawi ero kweangma yoma lego.

YOHANES 8:23 ပူးပေါင်းရင်းမြစ်များ

MAZMUR 17:4

An he it afuni nen inenggi omameba weagerinabik lagaikharek mene andi ninom sebesi laga lagi lek, meneat he Haren yi'nogo hilingi'no ti'nogo hilingi'no iluk melalnobagakhi lagen mene a'nogo nek hilingiti lagi.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 17:16

An nebe kweangma mene lek, andi hak he, it ogo, kweangma mene legaro.

YOHANES 3:13

A'nogo yagatikhesik mel isikhe: ”Ap ekhe kweangma nen pogoroba mondok lagagi'lek. We an pogoroba nen abat ta'lasi pi wagagi andi aro.

YOHANES 3:31

Nen afuni mondogat he, inenu lek enek. We, at po'lima nen pi wagaikhe mene andiat kain enu werego. Ap ekhe ebe kweangma nen tago mene halok, ebe kweangma meneatma, wene kweangma aweneat ikherego. It afuni mondogat inenu legat hak werek kwelegat he, ap ekhe pogoroba nen pi wagaikhe mene andiat enu esin lego werego.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.