YOHANES 8:17 - Allah Wene Fano Wene Hupla Inane

¹⁷ Wene, Allah nen komotninafikhe wene andiba mel isikhe: Afuni wene inoba fikhi logogun halok he, ap wene ero hilingita inelu mene inebe pire nen inane emberek higirenek ugu halok he, wene andi eberogoat uago, iluk isikhemo lisu palogo fesukwa.

YOHANES 8:17 ပူးပေါင်းရင်းမြစ်များ

1RAJA-RAJA 21:10

A'nogo yagasimbik he, ap inebe pire inobabut mondok weak mene at Nabot elokhoma hu'lasimbik, enggali warogo wene oba fikhi logolik, mel yagasuak: Haren Allah inom, raja Ahab inom, inenu weak hilingisogo fisegen andi, mondok weak hilingiten o, iluk o kota leget pa'leget abel endakwe waluk wulibi lambik, ebe helep oba fukhogo mondok pinggi wasuagen yagaisano o,” iluk lisu palogo lakfesikhe.

BILANGAN 35:30

Wene ap watu mene faget pilingiti logolik he, ap wasigin agun iluk oba hikhibet hambik halok, at yi weak hilingite iluk ebe pinggi wasugun mene andi re aren hilingisigin aple a'nogo faget ap pire ogo, nen hokhorogo nen ogo ineil hambik ugu halok hilingisugun. Ap misigen eil hambik igin mene faget he ap oba hikhibet haga mene andi re eberogo iluk hilingisugun lek.

MATIUS 18:16

Meneat he, esanggo holhi'lek halok he, yi'nogo hilingisugun. Allah aneba lisu palogo fikhi logolik he, ”Wene inoba fouwogeluk halok, afuni ekhe inebe pire a, henagan a, weak hilingitunem ineilenggen haga mene nen, Eberogoat nineilenggen hogo,” iluk ugu halok eberogoat anggogoin, iluk isikhemo lisu palogo fesukwa andi nen he, afuni inebe pire hea? henagan hea, inayonggo fuluk hinom oba lano.

YOHANES 10:34

At Yesus nen he, mel yagaisasikhe: ”Wene Allah nen komotninafikhe wene a'nogoba ikhi logolik he, ”Hit hinebe Allah hak welagep,” iluk lisu palogo fesukwama werek a'nogo lega?

YOHANES 15:25

A'nogo meneat he, Allah nen yi'nogo hilingi'no, ti'nogo hilingi'no, iluk komorinafikhe wene andiba, ane yi'nogo lisu palek werek: wene ero le'maat, iren an inabiret nobagasukwa, iluk isikhemo, lisu palogo fesukwa mene andi ebe asuageluk a'nogo hilingiri'lagwi o.

2 KORINTUS 13:1

An attak nenggi pireba hinoba wagagisik he, hobuk ekhe wesigin andi. Allah aneba lisu mel iluk palek werek: ”Afuni nen it ekhe yi wene ti wene inoba fouwogeluk halok he, afuni ekhe inebe pire a? Henagan a, weak hilingitunem ineilenggen haga mene nen, Eberogoat nineilenggen hogo, ugu halok he, eberogoat anggogoin o,” iluk isikhe andi nen he, an wesimbik a'nogoat hilingisi wesigin andi.

GALATIA 3:24

Nit ninendawinggen Yesus oba himbiret fugunem, wene ninoba mene korogo wokhaluk, Allah ninom hobuk ninambotkwe hunogo ninobagaigeluk he, Kristus oan ta'lagi'lek werek kwelek, wene komotninafikhe wene a'nogo nen fetninarek logouwageluk isikhe andi.

GALATIA 4:21

Hiren he, ”Wene Allah nen komotninafikhe wene a'nogo awe a'ma kuluk hologo hilingiti logogun,” iluk ikhi lagep mene yi, an nen wene Allah nen komotninafikhe wene a'nogoba lisu palek werek mene yagahisagain yi, hinesanggo fanorogo holini o.

ULANGAN 17:6

A'nogo hilingisugun oba nen he, we at weak hilingite mene andi ap inebe pire mene nen ogo, inebe hokhorogo nen ogo, ineilenggen isaga halok inoa'no. We ap misigen eilenggen hikhe mene faget yi'nogo higi iluk ugu mene faget he, ap andi wasumo elo'lek.

ULANGAN 19:15

At Musa nen a'nogo yagaisasikhesik, wene ekhe mel yagaisasikhe: ”Afuni ekhe weak hilingitunem at ekhe misigagun nen, Eberogoat neilenggen higi, iluk ugu halok, at weak hilingite mene andi wene oba fogoin mondok lego. We, inebe pire nen he a, ekhe inomen he a, eberogoat nineilenggen hogo, iluk ugu halok, eberogoat iluk elok anggano o.

IBRANI 10:28

Wene Allah nen komotninafikhemo, at Musa nen yaganisasikhe wene andi, it afuni nen hologo higithogo hilingiti'lek sagalogo herakfisugu halok, afuni inebe pire a, henagan a, ”Nit nineilhanem iren eberogoat wene andi sagalogo herakfisaga o,” iluk fakhogo ugu halok, inendawirinafi'lek inebe mondok inoati lagaukwa anggigi.

1 YOHANES 5:9

Wene afuni nen fakhogo yaganisugunem, ”Eberogoat,” iluk futfogorek andi elo'lek. A'nogo meneat he, at Allah ebe amlogo abok fakhogo yaganisasikhe andi nek he, ”Mondok eberogoat,” iluk futfogoin aro.