YOHANES 8:12 - Allah Wene Fano Wene Hupla Inane

¹² Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

YOHANES 8:12 ပူးပေါင်းရင်းမြစ်များ

AYUB 33:28

Nen an afuni wa'laluk lagaikharek oba omanogo lanogoluk At Allah nen an nanggwe palnafemo, yogondak neluk welagi andi.

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

MAZMUR 49:19

Ap ekhe ebe eluk logolik yi mene ti mene saburikhe halok onggwaregen fogerakhigik, it ekhe nen ogo fogeratik,

MAZMUR 97:11

It afuni inendawimo eberogo anggili'lagwi mene inoba re selek meneba liarinafi logogin, nen it afuni higithogo hilingiri'lagwi mene inoba re inagaiyek mene hilingfikhi logogin.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

YESAYA 9:2

Tuhan neisena, Haren it inoba inagaiyek hokho mene hoageluk hilingfisikhi lagen, nen afuni nen enggen ugu palek mene kabogeti logolik inom, hugulengge suburikhi logolik inom, inagaiyek hagarek hak it wonoget fakhoageluk harenat hiling fisikhi lagen.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

MATIUS 5:14

Nen, afuni kweangma selegerinafarek menere, hirat welagep. O sili ekhe punu ebeba wurik mene hinakfoumo re, elo'lek.

YOHANES 12:35

A'nogo yagatukwama, at Yesus nen he, mel yagaisasikhe: ”An nebe selegerinafirek mene a'nogo we endebat ninom logogun o. Halok, at sa nen o hubanggo o mum oba laga halok he, o koma laga lagi he, onggorat lili'logo andi nen he, hit lagunem o mum asinogo iluk, an selegerinafirek mene ninom werek kwelek yaat selek oba laga logoni o.

YOHANES 12:36

Hit hinebe an selegerinafirek mene nagainafuri asubagaigen he, an ninom werek kwelek yaat, nebe futnobagaluk hinendawinggen noba eberogoat himbiret fikhi logoni o,” iluk yagaisasikhe. Wene a'nogo arat yagaisaluk, it andoma fisaluk, at Yesus ebe ekhema hina'lasi lagaikhe.

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 3:19

Nen, Allah nen wene inoba fikherek andi re, ebe yi'nogo. An nen selegerinafirek mene nebe arat kweangma pi wagagi meneat he, afuni inobabut weak hilingitarek andi nen he, At selek andi ninabiro. Athe, o mum andiat ninamolo, iluk inendawimo anggagarek.

YOHANES 7:17

Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

YOHANES 9:5

An kweangma yoma logolik, nebe o selek hangge andi nen he, afuni selegerinafirego.”

KISAH PARA RASUL 26:23

Iren he, Kristus telinaferek mene a'nogo ebe wa'lasimbik At tak eluk asimbik he wene selegerinabigin wene andi, afuni Yahudi mene yagaisigik, endakwe mene yagaisigik, igin o, iluk isukwasik lisu palogo fesukwa andi hagat an nen ikhi lagi o,” iluk yagatikhe.

2 PETRUS 2:17

It ap ineran nen agarek mene andi inobabut he, o hibiba i elesi firok ikherek andi hak, firok igik, ohena sogoien waluk lagarek andi hak, hesanggeat woginarek lagik, ikhi logogun o. Allah nen it andi o mum hikhakse'ma andoma logouwageluk inobuluk halogo fisasikhemo werego.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

1 YOHANES 1:6

Nen, nit he, ninaneba nen, ”At ninom hundik welago,” iluk ikhi logoligat he, o mum oba logolik inobabut hilingitarek mene andi hilingiti lago halok he, ebe mene hilingiti'lek nineranen ikhi lago o.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.

WAHYU 21:24

A'nogo amulit hokhorogo werek kwelek andi nen he, afuni kweangma mene inunggulenu lombok ekhe amulit andiba nikhi logogun. Nen, it ap kaindek inenupogot kweangma mene inagarek yi mene ti mene onggo hokho mene were'ma fogerinafarek mene andi waluk o kota a'nogo fei kwikhi logogunat.