YOHANES 7:7 - Allah Wene Fano Wene Hupla Inane

⁷ It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

YOHANES 7:7 ပူးပေါင်းရင်းမြစ်များ

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

1RAJA-RAJA 22:8

A'nogo yagatikhemo, at Ahab en he, ”Hun Yimla amlogo Mikha andi nek misik ekhe werek. A'nogo meneat he, aren wene hobuk hilinglasigin mene faget wenggelogo ekhe yaganeterek mondok lek, we weak mene nek yaganeterek andi nen, an at ebe mondok nabit higirek mene andi nek werego,” iluk yagatikhemo, at Yosafat en he, ”Ah, a'nogo ugun o,” iluk yagatikhe.

MAZMUR 109:5

An nen it inoba fanorogo hilingfisugu kwelek he iren onggo weak mene nek noba fili'lagwi o, nen an nen it inoba nendawi hundik hilinginafi lagi mene omanogo iren onggore inabit mene noba fili'lagwi.

AMSAL 15:12

Ap ekhe hempelinabigiluk amolo mene andi re endawirinafu mene re abit anggikherek, nen ap endawinggen kagalek mene oba komo wene yaganesuageluk ambit lagarek legat.

AMSAL 8:36

Nen, sa nen, an nebe wo'nafe lek halok, at andi nongasigin. Nen, ap an noba abit mene halok, wa'lagaikharek mene andi eise agasik werego,” iluk isikhe.

YESAYA 29:21

aben it ap amu mene ekhe inabok ugu aple inendawirek logolik ilik nikharek mene inom, afuni nen ap kwanirogo hilingitarek mene faget unggum wogisugunem inili woginafarek mene inom, afuni higithogo hilingitarek mene tiphogo hilingfisanogoluk wene ineranhogo wene sagarik nikharek mene inom, mondogat leget fisagain.

YESAYA 49:7

Allah Horek Mondok logolik Is rael mene inagap telinaferek mene a'nogo nen, mel ikhe ap andi oba li'norogo inabit oba fagarek mene inom, nen it inunggulenu lombok welagaikharek mene omanogo nen at oba inabit anggagarek mene inom, nen it ap inenu werek mene inamingmingengge a'luk werek mene a'nogo nen inom, at oba ikhi logolik, ”Raja-raja andoma nen he, An nen hilingisigin mene neogoin aro, it inebe menla'luk An fogetnafi logogun. hilingisigin mene omanogo ineilenggen haluk he it hobuk hebekhogo An fogetnafi logogun aro. A'nogo hilingitunem it ap inenu werek inap logogun mene omanogo nen ogo ineilenggen haluk he ineindep awi yagaisogo fogetnabugun aro,” iluk ikhe. Andi hilinglasigin andi re, At Tuhan nen Amingmingengge a'nogo mondogat wenagaisogo fikhe andi nen hilingisigin. At Allah Horek mondok logolik Israel mene ineisena welagarek mene andi nen, Aren wene ikherek meneba tiphogo nek hilingiri'lago andiba hilingisigin.

YEREMIA 20:8

Hundik-handik an nane igiluk he, ”Inanini mene nek! Mondok enggin tungsek mene nek!” hilinglagunem, ningginik-ningginik he nane omameba hum ngai eti lagi. Tuhan neisena, an he Haren ino iluk ugu mene omanogo yagaisikhi lagiba nen, an hundik-handik puliapnafik, li'norogo hilingnobagagik ugu mondok werego.

IMAMAT 13:10

Waluk wagunem imam omanogo nen kwelakhugunemen, ap a'nogo agap oba kurele walogo firi'mo nen, oumo purakhogo omosi kut sek halok he, ap andi ou henanggo mene oba werek iluk anggikhi logogun.

ZAKHARIA 11:8

An nen a'nogo halinafunem he, ap gembala inebe henagan mene nen an li'norogo wena'neti logolik inabit noba fugunem he, an na'mage sebelu mondok elo'lekhogo hilingnafi laga. A'nogo hilingnafu nen he, tugi misik meneba nek he, it a'nogo mugusogo wulakfisigi.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

LUKAS 6:26

It ap yoma inambulagen he, it ap ekhe Allah ane yagaisagarek mene hangge lalinafu kwelegat fogerinafi lagaukwa hak, afuni mondogaren fogethinafu halok he, weagethinabigin o,” iluk yagaisasikhe.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 3:19

Nen, Allah nen wene inoba fikherek andi re, ebe yi'nogo. An nen selegerinafirek mene nebe arat kweangma pi wagagi meneat he, afuni inobabut weak hilingitarek andi nen he, At selek andi ninabiro. Athe, o mum andiat ninamolo, iluk inendawimo anggagarek.

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

GALATIA 4:16

Yogondak wene eberogoat yagahisigi andi nen, ninom weim palek mene hak neegep he a.

YAKOBUS 4:4

Hemi nen inaguni ineil salharek andi hak, Allah eil salogo hilingiti lagep andi re? Afuni kweangma mene yoma inobabut inetogat logolik hilingiri'lagwi mene andi hinom hundik welagep halok, Allah hinom weim palek hanggeat welagep andi, hinonggot nogo? Hit ekhe nen afuni kweangma yoma mene inobabut inetogat logolik hilingiri'lagwi mene andi hinom hunisuogeluk ikhi lagep halok he, hinonggwaregen at Allah hinom weim kagalhi lagebo.

1 YOHANES 4:5

It andi inebe afuni kweangma mene inagainafuri andi nen he, iren wene kweangma weneat ugunem, inane it afuni kweangma mene nenat inesanggo holharek andi.