YOHANES 7:30 - Allah Wene Fano Wene Hupla Inane

³⁰ iren Yesus ebe fakfouwogeluk isukwa meneat he, at ebe fakfogoin oba higit asi wagi'lek andi nen he, ebe inenggi fak figi'lek kamo isukwa.

YOHANES 7:30 ပူးပေါင်းရင်းမြစ်များ

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

MATIUS 12:14

A'nogo hilingitikhemo re, it ap Farisi mene omanogo olulu wulifukwasik he, Yesus wasuogeluk weim abok isukwa.

MATIUS 21:46

Yesus ebe fakfouwogeluk isukwa meneat he, afuni inebe hokhorogo aren, ”At Yesus andi Allah ane yaganisikherek mene o,” iluk, agarek andi nen he, inailo nen herakfesukwa.

MARKUS 11:18

Komorinafunem, it ap Allah eisewerek inogogwi kaindek inom, Allah ane lisu palek eisewerek mene inomen wene andi inesanggo holhukwasik he, Yesus wasuogeluk weim abok isukwa. Weim abok isukwa andi re, Yesus nen wene yagaisugunem afuni hokhorogoat at ane holfuluk fogerati lagaukwa andi nen, at ebe inailo agaukwasik he, wasuogeluk isukwa andi.

LUKAS 20:19

At Yesus nen wene a'nogo yagaisasikhemo re, it ap Allah ane lisu palek inelu mene inom, Allah eisewerek inogogwi kaindek omanogo inom, inesanggo holhukwasik he, ”Wene andi nit faget oba lirogo yaganisikhe higi,” iluk futfesukwasik he, andi sambul, at Yesus ebe fakfouwogeluk isukwa meneat he, afuni omanogo inailo nen he, kamo isukwa.

LUKAS 22:53

Hundik-handigat Allah awi wuri'mo hit an ninom logolik faknobagagi'lek welagepsigen he, yogondak yi nek he, o mum eise welagarek mene a'nogo omame agama re, hiren faknobagagun higit obaat wagep yi o,” iluk yagaisasikhe.

YOHANES 10:31

it ap kaindek Yahudi mene nen he, helep inenggim wanhukwasik Yesus ebe mondok wasuogeluk isukwa.

YOHANES 10:39

iren he, at Yesus ebe fakfouwogeluk isukwa meneat he, inenggi nen hap waregengge lagaikhe.

YOHANES 7:19

Nen, wene Allah nen komotninafikhe wene andi, Musa nen lisu palogo wokhisasikhe lek nogo? Arenat wokhisasikhe anggigi. Meneat he, ap hit mene ekhe nen, wene andi higithogo hilingiti'lek logolik an noasuageluk weim abok ikhi lagep andi nenahalok?” iluk yagaisasikhemo,

YOHANES 7:32

A'nogo ikhi logolik, it afuni hokhorogo omanogo inane samik-samok Yesus abok ugunem it ap Farisi mene inesanggo holhukwa. Holukwasik it ap Allah eisewerek inogogwi kaindek inomen, ap Allah awi wurik kwalogo welagaikharek mene ekhe Yesus ebe fakfouwageluk wene warisasukwa.

YOHANES 7:6

A'nogo yagatukwama, at Yesus nen he, mel yagaisasikhe: ”O hundik-handik hiren hilingisu menere higit werek, menere an nen hilingisigin oba horogasi wagi'lek oan werego.

YOHANES 7:8

ekhe mel yagaisasikhe: ”An hilingisigin oba oan werek andi nen he, seni isasugun andi isatunem yogondak yaat pigin lego. We, hit enek pini o,”

YOHANES 8:20

Wene a'nogo yagaisasikhe andi re, at ebe Allah awi wuri'mo peti uang Allah faget fisagarek oba era'lu logolik isikhe. A'nogo ugunem, at ebe fakfogoin oba horogasi wagi'lek werek kwelek andi nen he, it afuni omanogo ekhe nen fakfigi'lek kamo isukwa.

YOHANES 8:37

A'nogo yagaisasikhesik, ekhe mel yagaisasikhe: ”Menere hit he, ap Abraham en tagongge mene welagep andi an nelu o. Meneat he, hit hinendawimo nen an nane wanu hinabit andi nen he, hirenat an nebe noasuogeluk naweim abok ikhi lagep andi.

YOHANES 8:59

A'nogo yagaisikhi lagaikhemo, it ap omanogo nen he, at Yesus ebe wasuogeluk helep inenggimo wanhukwa meneat he, Yesus ebe hina'lagaikhesigen, o Allah awi wuri'mo herakfuluk ale'ma lagaikhe.

YOHANES 9:4

ekhe mel yagaisasikhe: ”Hobuk o mum asigin o. A'nogo mum agunem, afuni ekhe nen yi mene ti mene hilingisu lek hak asigin andi nen he, At laknobagai wagaikhe mene hilingiterek mene andi, o yogondak o selek werek kwelek yagaat hilingiti logouwogo.