YOHANES 7:3 - Allah Wene Fano Wene Hupla Inane

^3-5 A'nogo horogasi wagaikhemo logolik, at Yesus onggwarek agaila'lak mene ogo re, inendawinggen at oba eberogoat himbiret figi'lek welagaukwa andi nen he, mel yagatukwa: ”Hat hagoromi hane wili'lagwi mene omanogo nen, hat hilingitendek mene hilingitunem ineilenggen heowagen, o yoma herakfuluk o Yudea pino. Ap inenu werek asuogeluk anggikhi logolik halok he, hinagaisogo hilingitarek lego. Halok he, hat hilingiti lagen andi, afuni kweangma mene inebe mondogat inelu asuageluk weinamhogo hilingisi pin o,” iluk yagatukwa.

YOHANES 7:3 ပူးပေါင်းရင်းမြစ်များ

KEJADIAN 37:20

At abi hikhe mene omanogo ebe ninggi'nogo hilinglagunem hogoin. Ebe wasimbik, warek he, pogole habuli'mo pelakfisouwogen. Pelakfisambik he, Wam maro aik anini weak mene nen libilhemo, iluk uogo,” isukwa.

YEREMIA 12:6

Hat he it herugwi hagaila'lak hat werekwe meneba nen ogore inal ngesukum watheaga, iren he hat hebe hoasugun iluk hilingiri'lagwiat. Enggere iren inane amusu tephogo ugun oba nen ogore it inane ugun mene faget eberogo angga fugo,” iluk yaganete.

MATIUS 12:46

At Yesus afuni hokhorogo inom logolik wene yagaisugunem he, at agaisa inom, agoromi inom, wene yagasuogeluk oba wagaukwasik he, olulu welagaukwa.

MARKUS 3:21

A'nogo hilinglagaikhemo, afuni ekhe nen he, ”At endawinggen samban etesik werego,” ugunem, it Yesus agaisalak inom, agoromi inom inesanggo holfuluk, at ebe wanuogeluk wagaukwa.

MARKUS 3:31

Wene a'nogo yagaisasikhesik were'ma, at Yesus agaisa inom, agoromi inom, wagaukwasik olulu mendek logolik, Yesus wulibi wesuageluk afuni inoba wene warogo kwelakfesukwa.

LUKAS 8:19

A'nogo yagaisugu were'ma, at Yesus agaisa inom, agoromi inom, at oba wagaukwama re, afuni hokhorogo inom weregen he, oba ku re elo'lek agaikhe.

LUKAS 8:20

A'nogo hilinglagaikhemo re, it afuni ekhe nen mel yagatukwa: ”Yesus! Hat hagaisa inom, hagoromi inom, herakhabik wagaikhasik olulu werego,” iluk yagatukwama,

YOHANES 2:2

Andoma were'ma at Yesus agoromi ane wanhi lagaukwa mene inomat inayonggo fesukwama lagaukwasik welagaukwaat.

YOHANES 6:60

At Yesus nen wene a'nogo yagaisasikhemo, it at agoromi ane wanhi lagaukwa mene omanogo ekhe inebe hokhorogo wene andi inesanggo holhukwasik he, mel isukwa: ”Wene ikhe andi re, enggin hokhoatma, sa hagen wanigin anggegep? Elo'lego,” iluk isukwa.

YOHANES 6:66

Wene a'nogo ikhi lagaikhemo, at agoromi ane wanhi lagaukwa mene omanogo, inebe hokhorogoat ekhe Yesus herakfisaluk pugulhukwasik he, hobuk ombo'ne nikhi logouwogeluk, oba wagi'lek kamo isukwa.

YOHANES 7:10

A'nogo kamo isikhemo, at agaila'lak omanogo nek seni a'nogo isatunem arat pisukwama nen, at Yesus hobuk afuni inonggot werek kwelek hinagaisogo pisikhe.

KISAH PARA RASUL 2:14

Inane a'nogo ugu kwelek he, at Petrus a'nogo Yesus agoromi inebe 11 nen omanogo inomat logolik, siakhogo menlagaikhe. Menlagaikhesik ane fakhogo mel yagaisasikhe: ”Hit Yahudi mene inom, hit ekhe yogondak ya o Yerusalem welagep mene mondogat inom, nerugwi nagaila'lak. An wene igin yi hinelu asuagen he, hinesanggo fanorogo holino o.

1 SAMUEL 17:28

At Daud ap tentara mene omanogo nen wene a'nogo yagatunem he, at Eliab, Daud oe manggusa mene a'nogo nen esanggo holhikhesik, a'mage hokhorogo lagasikhesik, at Daud wenageti logolik, mel yagatikhe: ”Hat yoma nenahalok wagen? Hanggo domba endebat o leimo a'lima werek aremnogo sa fisogo logouwagaluk yaga'luk wagen? Hat hobabut he, mondok weak fogerakhikhi logolik hilingiti lagen a'nogo an nelu o. Weim yafunem, we, heilenggen faget isagaluk wagen a'nogo lek nogo a?” iluk yagatikhe.