YOHANES 7:28 - Allah Wene Fano Wene Hupla Inane

²⁸ A'nogo ikhi lagaukwama, at Yesus Allah awi wuri'mo wene ane hokhorogo yagaisikhi logolik, mel yagaisasikhe: ”An nebe inom, nebe o andoma nen waga iluk inom, hit hinelu nogo? An wagagi andi re, an nendawimo nen anggaluk wagi lego. We, At ane eberogoat mene nek ikherek mene a'nogo nenat laknobagai waga meneat he, At ebe hit hinonggoro.

YOHANES 7:28 ပူးပေါင်းရင်းမြစ်များ

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

HOSEA 5:4

It Israel mene inaweak hokhorogo hilingiti lagaukwba re it inebe inambotkwe sugulogo ineisena Allah oba wesu re elo'lek hilinglaga. It inebe re tugwi kembu andoma nen mondogat pik pugerisikhemo re Tuhan a'nogo faget ebet-higi'legengge hilingiri'lagwi andi.

MATIUS 11:27

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

MATIUS 26:55

it ap hokhorogo wagaukwa omanogo mel yagaisasikhe: ”Ap yogot wanhunem fakfisa wagaikharek andi hak, hiren a'nogoat an faknobagauwageluk karok inom, yei inom, mondok waluk wagep yi ri! An hundik-handik Allah awi wuri'mo hurek logolik wene yagaisugunem, hiren an yi'nogo faknobagagi'lek welagepsigat he,

LUKAS 10:22

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.

LUKAS 2:11

Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.

LUKAS 2:39

Nineisena Tuhan Allah nen komotninafikhe mene lisu palhukwa a'nogo higithogo a'nogo arat hilingitukwasik he, at Yesus agaisa eisena inaiba i Galilea ima o sili enu Nazaret a'nogo lagai wagaukwa.

LUKAS 2:4

Nen, at Yusuf ogo re, Daud en tagongge mene andi nen he, o Galilea tonggwe o sili enu Nazaret andi nen he, o Yudea ap Daud ta'lagaikheba o sili enu Betlehem pigeluk, at Maria emberek wenago welagaukwa a'nogo eak a'ma were'ma emberegat inenu lisu paluageluk pisukwa.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

YOHANES 1:46

at Nataniel en he, mel yagatikhe: ”A! O Nasaret a'lima nen fano mene ekhe elogat wesu hak nogo? Elo'lego,” iluk isikhemo, at Filipus nen he: ”hat heilenggen tomok hanogen eme o,” iluk yagatikhe.

YOHANES 10:36

An nen he, Nebe Allah amlogo, igi andi nen, Allah enu weagete, iluk nenahalok ikhi lagep? Allah nenat nayonggo fuluk eberogoat nebe wenagaisogo kweangma yoma laknobagai wagaikhe meneat he, nenahalok ikhi lagep.

YOHANES 12:49

an nendawimo nen kagalogo yagahisikhi lagi fuk. Lego. We, an nen yagahisoageluk an neisena laknobagai wagaikhe mene a'nogo nenat, yi'nogo in, ti'nogo in iluk, yaganetu kwelegat yagahisikhi lagi o.

YOHANES 14:10

An nen neisena nemberek hundik, nen, neisena nen an nemberek hundik, welagorek andi, hat futfikhi lagen lega?” iluk yagatikhesik he, it mondogat yagaisikhi logolik, ”An nen wene yagahisigirek andi, an nendawimo nen kagalogo yagahisigirek fuk. Lego. We an neisena nemberek hundik logolik, an naneba nen igik, nenggiba nen hilingitik, igirek mene andi, at onggwaregenat hilingiri'logo o.

YOHANES 14:31

A'nogo meneat he, an neisena nendawinggen hundik welagirek andi afuni kweangma mene inelu asuageluk, an neisena nen komorogo yaganeterek meneat hilingiti lagi o,” iluk yagaisasikhesik he, ”Nagoromi. Louwogen siakhogo menla'ni o,” iluk yagaisasikhe.

YOHANES 16:3

Iren a'nogo hilinghinabugun andi re, an neisena nemberek ninebe inonggot andi nenat hilinghinabugun o.

YOHANES 17:25

Allah higithogo nek hilingiti lagen mene, neisena. It afuni kweangma mene hat hebe inonggot meneat he, an enek he, hat nelu o. Nen, it haren wo'netigin mene nek he, Aren lakfei wagaikhe iluk, inelu aro.

YOHANES 17:3

It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.

YOHANES 3:2

At ap andi o hubanggo inenggi ekhe sambul Yesus oba wagaikhesik he, mel yagatikhe: ”Guru noe. Ap ekhe Allah emberek hundik lek halok he, haren elalin mene hilingirik nikhi lagen andi hak, hilingisu mondok elo'lego. Andi nen he, haren wene yaganisoageluk Allah nen lakhobagai wagama wagen, iluk ninelu ago,” iluk yagatikhe.

YOHANES 3:33

A'nogo herakfisagarek meneat he, it afuni ekhe nen he, Aren wene pilingisogo yaganisikherek mene andi eberogoat, iluk Allah ane andi wanharego.

YOHANES 5:32

A'nogo meneat he, an nebe futnobagauwageluk, neisena nen nabok pilingisogo yagahisili'logo andi, eberogoat yagahisili'logo iluk an nelu o.

YOHANES 5:43

An neisena nen lak nobagai wagaikhemo wagagi meneat he, hiren an nebe wo'nafi lagep lek. A'nogo meneat he, at ekhe onggwarek endawimo anggaluk waga halok enek he, ebe wanugun hinobabut hisikhi lagi o.

YOHANES 6:42

”Ap yi enu Yesus, ap Yusuf amlogo. Nen, at eisena agaisa ninelu meneat he, aren ikhi logolik he, An nebe re, pogoroba nen pi wagagi iluk ikhe andi ninggi'nogo nen ikhe, anggegep,” iluk isukwama re,

YOHANES 7:14

Seni a'nogo ninggi logolik heire'ma Yesus Allah awi wuri'mo kwisikhesik, wene yagaisikhi lagaikhe.

YOHANES 8:14

at Yesus nen he, mel yagaisasikhe: ”An wagagi mene inom, lagain mene inom, hit hinonggot meneat he, an enek he, nebe o andoma nen wagagi, nen hobuk o andoma lagain, iluk nelu andi nen he, an nabok inelu asuageluk nonggwaregenat yagaisikhi lagi andi re, wene andi eberogoat yagaisikhi lagi o.

YOHANES 8:16

Mene re, an nen wene inoba feilema re, andi an namu nen fuk. Neisena an laknobagai wagaikhe mene a'nogo ninomat logolik ikhi lagi andi nen he, wene higithogoat afuni inoba feile o.

YOHANES 8:19

iren he, ”Hat heisena andi koma werek,” iluk yagatukwama, at Yesus nen he, ”An nebe yi inom, neisena inom hinonggoraro. An nebe hinelu logoilepma re, neisena andi hineluat logoilebo,” iluk yagaisasikhe.

YOHANES 8:26

An nen yi wene ti wene hokhorogoat yagahisigik, wene hinoba figik, kotik, u higit meneat he, at laknobagai wagaikhe mene a'nogo ane eberogoat enek ikherek andi nen, aren ugunem nesanggo holhi lagi mene andiat hit afuni kweangma mene yoma yagahisikhi lagi o,” iluk yagaisasikhe.

YOHANES 8:42

aren he, mel yagaisasikhe: ”Hit he, eberogoat hineisena Allah logoilepma re, an nerabisak nendawimo nen anggaluk wagi fuk. We, nebe nero Allah mene, aren laknobagai wagama wagarik welagi mene andi nebe hinendawirogo logoilebo.

YOHANES 9:29

Nen, ap Musa faget he, wene Allah nenat yagatikhe, iluk nit ninelu meneat he, ap andi faget enek he, ebe o koma nen waga mene he, nit ninonggoro,” iluk ikhi lagaukwama,

KISAH PARA RASUL 17:23

An o hit hinawi sili yoma nikhi logolik, o wesa hilingiti lagepkwe neilenggen hilik nikhi logolik, tugwi kembu ekhe awi wuri'mo anggo warogo fisikhi lagep oba andoma lisu mel iluk oba palek were'ma neilenggen higi: Yi Walhasikhe mene ninonggot mene fagero, iluk lisu palek were'ma higi. Hit hinonggot logolik fogerati lagep andi, ebe re, an nen furogo yagahisak.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 3:4

Mondok lego. Afuni inebe lombok inane ineranen kagalogo ugu halok he, Allah ane eberogoat enek ikherek, iluk wene lisu palogo fikhi logolik he, mel isukwa: ”Hat Allah hane eberogoat enek ugunem eberogoat enek hilinglagarek. Afuni nen mabenet hobagauwogeluk ugunem he, hat he, maben agik lek. Homame nek agendego,” iluk lisu palogo fesukwa andi.

2 KORINTUS 1:18

Lego. At Allah ane eberogoat enek yaganisikherek andi hak, niren he, ”Io,” ilugen, ”Lek,” igik, yagahisogorek lek.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

1 YOHANES 5:10

Afuni inendawinggen Allah amlogo oba himbiret fili'lagwi mene halok he, ”Wene andi eberogo aro,” iluk inendawimo nen futfili'lagwi. A'nogo meneat he, afuni ekhe inendawinggen Allahba himbiret figi'lek mene halok he, ”Wene Allah onggwaregen amlogo faget abok isikhe wene andi eberogoat,” iluk anggigi'lek logolik, Allah eranen ikherek mene hak hilingisogo fili'lagwio.

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa