YOHANES 7:26 - Allah Wene Fano Wene Hupla Inane

²⁶ Meneat he, ebe yethani! Nailo e. Ailo legat logolik, wene yaganisugunem iren wene onggo yagati'legat kamo ili'lagwi yi. It ap ninogogwi kaindek yoma inendawimo nen he, Kristus nit afuni telninabuageluk Allah nen lakfei wesigin iluk isikhe a'nogo ebe ariat, iluk inendawimo anggagasigen hilingiri'lagwi he a?

YOHANES 7:26 ပူးပေါင်းရင်းမြစ်များ

AMSAL 28:1

Ap inanini weak mene andi re it ekhe nen muginarek lagi'le'maat heise lagaikharek, oba nen he ap higithogo hilingiterek mene re mene singa nen hilingiterek hak inafe hibilik hebelekhogo nek welagaikharek.

YESAYA 42:4

Kweangma yi awi ti awi wene inoba mene higithogo pilingerisagaluk logolik wenesugwi uan horok ebeti'lek endawimo nonghong igi'lek logogin. Aren yi'nogo hilingiti logoino, ti'nogo hilingiti logoino iluk komorinafikhe wene andoma re, afuni o yi awi ti awi yatkwe-yatkwe werek mene andoma nen inesanggo holugun inamolo logogun o,” iluk ikhe.

MATIUS 22:16

Abok palhi lagaukwasik he, ap it inagoromi inane wanhi lagaukwa mene inom, it ap Herodes werekwe mene inom, Yesus oba wene heinok wanuageluk lakfisa wagaukwama it andi wagaukwasik he, mel yagatukwa: ”Yesus noe. Hat hobabut he, wene eberogoat enek ikhi logolik, Allah endawimo nen, Afuni yi'nogo hilingiti logouwak, iluk anggikherek mene eberogoat yaganisikhi lagen andi nit ninelu o. Afuni inebe hailo legat logolik inelokhonggen oba nek isaluk he, ekhe helokhoma fisigik, ekhe hambotma fisigik, hilingisu lek hak hiikhi lago o.

LUKAS 23:13

Nen, at Yesus waluk lagaukwama re, at Pilatus nen, it ap Allah eisewerek mene inogogwi kaindek inom, it ap Yahudi mene kaindek inenu werek mene ekhe inom, inagoromi mondogat inom, ”Andogosi we'ni o,” isikhemo wagaukwama re,

LUKAS 7:30

A'nogo isukwa meneat he, it ap Farisi mene inom, it ap Allah ane lisu palek yagaisikhi lagaukwa mene inom enek he, Yohanes nen ima pelakfisoageluk lagi'lek logolik, Allah nen a'nogo hilingiti logouwageluk endawimo anggasikhe mene a'nogo inabiren herakfisasukwasik welagaukwa.

YOHANES 12:42

Wene a'nogo isikhemo lisu palek werek meneat he, it ap kaindek Yahudi mene fenakwe inebe hokhorogoat, inendawinggen Yesus oba himbiret fesukwa meneat he, iren he, yi'nogo hilingiti lagaukwa. It ap Farisi mene nen o samban agarek oba nen ninengggi lisogo wulak ninobagainogo iluk he, ninendawinggen Yesus oba eberogoat himbiret fogo iluk afuni ineilhanem fakhogo ikhi lagaukwa lek.

YOHANES 18:20

at Yesus nen he, mel yagatikhe: ”An nen afuni kweangma mene wene yagaisikhi logolik he, fakhogo nek yagaisigirego. O it afuni Yahudi mene mondogat andoget fuluk samban agarek oba inom, Allah awi wuri'mo inom, andoma nek yagaisigirego. Wene hinagaisogo ekhe igirek mondok lek meneat he,

YOHANES 3:1

Afuni Yahudi mene inoe kain ap Farisi mene inawene fisogo welagaikhe mene ekhe enu Nikodemus.

YOHANES 4:29

”Ap ekhe nen an yi hilingitik, ti hilingitik, hilingiti lagi mene mondogat fakhogo mondok yaganete mene ebe andem hak werego. At ebe Kristus Allah nen telninabigeluk lakfei wesigin a'nogoat he a? Hunogoat he a? Hineilenggen hobagaigen we'ni o,” iluk yagaisilik lagaikhe.

YOHANES 7:25

At Yesus nen wene a'nogo yagaisugu were'ma, it afuni o Yerusalem mene inebe fena nen mel ikhi lagaukwa: ”Ap wasugun iluk abok pali'lagwi a'nogo, ebe ari lek nogo? Ebe ari aro.

YOHANES 7:31

It ekhe nen fakfouwogeluk ikhi lagaukwa meneat he, it afuni hokhorogo omanogo inebe fena hokhorogoat inendawinggen Yesus oba eberogoat himbiret fesukwasik mel isukwa: ”Ap ari elalin mene hilingite andi re, elo'lek anggegep? Nen, afuni telninabuageluk Allah nen lakfei wesigin isikhe a'nogo wesimbik he, ebe futfouwageluk elalin mene hokhorogoat hilingisigin nogo? Lego,” iluk isukwa.

YOHANES 7:48

Nit ap Yahudi mene hinogogwi kaindek ekhe nen inendawinggen at oba himbiret figik, nit ap Farisi mene ekhe nen inendawinggen at oba himbiret figik, ugunem ekhe isikhi lageba? Mondok lego.

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

FILIPI 1:14

An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.