YOHANES 7:23 - Allah Wene Fano Wene Hupla Inane

²³ Nen, wene Allah nen komotninafikhe wene at Musa nen wokhisasikhe andi sagalinogo iluk, inenggi sabit oba Allah faget weat logolik ap inenggalimo mene inap palinafep meneat he, an nen ninenggi sabit oba Allah faget weat logolik, ap ekhe ebe mondok fano hilingiti meneat he, hiren nenahalok wena'neti lagep?

YOHANES 7:23 ပူးပေါင်းရင်းမြစ်များ

KELUARAN 31:14

Inenggi sabit sambul set walogo logogun oba andi re, inenggi mondok fano horek mene hilingi'more, hiren esinet fikhi logogun. Hit hinobaget he hinenggi falfaligen logolik yabu hit mene hilingiti logobagaigeluk wokhisasigi, oba nen he hinenggi sabit mene andi re esin mene hilingi'mo re, An nobaget enekhogo fuluk logoino. Ap ekhe nen enggi andiba esinet figi'legengge yabu hilingitu halok he, eberogo nen at wene oba fuluk ebe pinggi wa'no.

MATIUS 12:2

Palogo nilik lagunem he, it ap Farisi mene nen ineilenggen isasukwasik he, Yesus mel yagatukwa: ”Yethan! Ninenggi sabit oba Allah faget weat logolik he, a'nogo hilingisugun lek, iluk wene palek werek meneat he, hat hagoromi gandum enggen palogo nilik wagaikha yi ri,” iluk yagatukwama re,

MATIUS 12:5

Nen, ninenggi sabit oba Allah faget weat logolik yi mene ti mene hilingiti'lek weat logogun meneat he, it ap Allah eisewerek mene nek, Allah awi wuri'mo kuluk, it hilingisu mene hilingitunem wene inoba fagarek lek, iluk Allah ane lisu palek werek a'nogo enu salhi'lek welagep nogo?

YOHANES 5:10

A'nogo weat werek kwelek higitikhemo lagunem he, it ap kaindek Yahudi mene nen ineilenggen hasukwasik he, ap ou kerat fano aga mene a'nogo mel yagatukwa: ”Nagot yi. O yogondak he, ninenggi sabit oba Allah faget weat logolik, hat halit andi waluk la lek mene waluk laga lagen o,” iluk yagatukwa.

YOHANES 7:21

at Yesus nen mel yagaisasikhe: ”An nen he, ninenggi sabit oba Allah faget weat logolik elalin hilingisu lek mene misigam hilingiti mene re, hit mondogaren he, eige! iluk hinailo agep andi.

YOHANES 9:16

it ap Farisi mene ekhe nen he, mel isukwa: ”Ninenggi sabit oba Allah faget weat logogun iluk, wene palek mene andi sagalogo fikhesik hilingite andi nen he, at ebe Allah were'ma nen waga mene re lego,” iluk isukwa meneat he, it ap ekhe nen he, ”At ebe weak hilingiterek mene logoilepma re, wene futfouwogeluk elalin mene yi'nogo hilingisu hak nogo? Lego,” iluk, it inendawimo a'nogo hunogo tomok anggasukwasik inane sagalogo inebe minggilhukwa andi.