YOHANES 7:19 - Allah Wene Fano Wene Hupla Inane

¹⁹ Nen, wene Allah nen komotninafikhe wene andi, Musa nen lisu palogo wokhisasikhe lek nogo? Arenat wokhisasikhe anggigi. Meneat he, ap hit mene ekhe nen, wene andi higithogo hilingiti'lek logolik an noasuageluk weim abok ikhi lagep andi nenahalok?” iluk yagaisasikhemo,

YOHANES 7:19 ပူးပေါင်းရင်းမြစ်များ

MATIUS 12:14

A'nogo hilingitikhemo re, it ap Farisi mene omanogo olulu wulifukwasik he, Yesus wasuogeluk weim abok isukwa.

MATIUS 21:38

Lakfei wagaikhemo wagunem, it ap yabu kwalogo welagaukwa mene omanogo nen, ineilenggen yethasukwasik he, it-it ikhi logolik, ”Ap ari eisena obali'mo yabu eisewerek asigin mene a'nogo ebe waga a'li. Halok, yabu yi nirat eisewerek asuogen he, ebe wasuogo,” iluk,

MARKUS 11:18

Komorinafunem, it ap Allah eisewerek inogogwi kaindek inom, Allah ane lisu palek eisewerek mene inomen wene andi inesanggo holhukwasik he, Yesus wasuogeluk weim abok isukwa. Weim abok isukwa andi re, Yesus nen wene yagaisugunem afuni hokhorogoat at ane holfuluk fogerati lagaukwa andi nen, at ebe inailo agaukwasik he, wasuogeluk isukwa andi.

MARKUS 3:4

menlasi lagaikhemo re, afuni omanogo mel yagaisasikhe: ”Ninenggi sabit oba Allah faget weat logolik he, fano higirinabigin a? Weak higirinabigin a. Telinabigin a? Inoasigin a,” iluk yagaisasikhemo re, inane lek kamo isukwa.

MARKUS 3:6

Enggi a'nogo higiret fesikhemo re, it ap Farisi mene omanogo wulifukwasik weak-weagat Herodes agoromi inoba lagaukwasik he: ”Yesus ninggi'nogo wasuok,” iluk inom weim abok isukwa.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

YOHANES 10:39

iren he, at Yesus ebe fakfouwogeluk isukwa meneat he, inenggi nen hap waregengge lagaikhe.

YOHANES 11:53

A'nogo yagaisasikhemo, huli andi huli nen, it ap kaindek Yahudi mene nen Yesus ebe mondok wasuogeluk weim abok isukwa.

YOHANES 5:16

A'nogo yagaisasikhemo re, it afuni Yahudi mene inenggi sabit oba Allah faget weat werek kwelek, Yesus nen ap a'nogo ou fano higitikhe andi nen, at Yesus ebe weaget fouwogeluk isukwa.

YOHANES 5:18

it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.

YOHANES 5:45

Mene re, an nen Allah eilhanem wene hinoba fagain iluk hinendawimo anggagubo. Athe, Musa ane andiba at fanotninabigin iluk hinendawimo hinagaiyek hikhi lagep meneat he, arenat wene hinoba fagain o.

YOHANES 7:1

Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

YOHANES 7:25

At Yesus nen wene a'nogo yagaisugu were'ma, it afuni o Yerusalem mene inebe fena nen mel ikhi lagaukwa: ”Ap wasugun iluk abok pali'lagwi a'nogo, ebe ari lek nogo? Ebe ari aro.

KISAH PARA RASUL 7:38

Nen, ninombalak inom o leimo afuni le'ma andoma andogorek were'ma, tom Sinai andi a'ma malaikat Allah nen yonggo pelakfisa wagarek mene omanogo ekhe oba pi wagaikhesik he, emberek wene ane isukwa andi, at Musa aro. Ninombalak omanogo inomat were'ma, at Allah nen, wene nineluk logogun wene andi, nit yaganisoageluk yagatikhe andi, at Musa aro.

GALATIA 3:19

Halok he, Allah nen komotninafikhe wene andi re nenahalok wo'nisasikhe nogo? Nit afuni weak hilingitu welagagu mene andi faguageluk komotninafikhe andi. Mene re, wene andi Abraham en tagongge mene ekhe wogosigin iluk, abok yagatikhe a'nogo, at Kristus oan ta'lagi'lek werek kwelek elama faget wene komotninafikhe wene a'nogo, malaikat en Musa yagatunem at ebe hulisanem logolik afuni yagaisoageluk he, malaikat inayonggo fuluk lakfisa wagaikhe andi.

GALATIA 6:13

It andi wene Allah nen komotninafikhe wene a'nogo fanorogo hologo welagi'legat he, inonggwarek inagap inenggalimo mene palikhi logolik, ”Hit a'nogoat ekhe palani o,” iluk, inonggwaregen fogerakhikhi logouwogeluk ili'lagwi andi.

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

ULANGAN 33:4

Hiren he, wene at Musa nen, Yi'nogo hilingiti logoino, iluk yaganisikhe mene andi hologo higithogo hilingiti logouwogo. Afuni ninunggulenu nit mene ninangge yi mene ti mene abelma hangge meneat he, esin he, ninawene fano wene andi aro, iluk isigip andi.