YOHANES 7:18 - Allah Wene Fano Wene Hupla Inane

¹⁸ Halok he, ap sa nen wene onggwarek endawimo nen kagalogo ikherek mene andi re afuni fogerasuageluk ikherego. Meneat he ap sa nen at lakfei wagaikhe mene fogerasuageluk ikherek halok he, eranen ikherek mondok lego. We, eberogoat ikherek.

YOHANES 7:18 ပူးပေါင်းရင်းမြစ်များ

AMSAL 25:27

Kin amusu hokhorogo nenggarek andi re mondok weak, andi hakhogo re afuni hokhorogo nen foget fisagarek andi re mondok weagat.

BILANGAN 11:29

A'nogo yagatikhemo re, at Musa nen he, ”Haren he, at enek ikhi logouwak, iluk noba ebeti lagen andi nenahalok. An nendawimo nen he, nineisena Tuhan Areagun againafuri inebe mondogat wogisaluk he, inebe mondogat at ane yagaisikhi logogun mene nek hilingisogo fiselebe, iluk anggikhi lagi o,” iluk yagatikhe.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

YOHANES 11:4

at Yesus yagasi lagaukwama, esanggo holhikhesik he, mel yagaisasikhe: ”Ou oba agama werek andi nen ebe wa'lasigin fuk, we an nen higitunem afuni nen Allah ebe fogeratik, amlogo an fogetnafik, uageluk ou oba aga andi o,” iluk yagaisasikhe.

YOHANES 12:28

halok he, Neisena, hat henu esinet fakhan o,” iluk yagatunem he, pogoroba nen ane ikhi logolik, mel isikhe: ”Arat esinet fakhigirik he, hobuk esinet fakhagain aro,” iluk yagatunem.

YOHANES 12:43

It andi Allah nen fogerinabuageluk hilingiti lagaukwa lek, we afuni nen fogerinafu mene inamolo nen hilingiti lagaukwa.

YOHANES 5:41

A'nogo hilingiti lagep meneat he, an enek he, afuni nen fogetnabuageluk hilingiti lagi lek.

YOHANES 8:54

aren he, mel yagaisasikhe: ”An nonggwaregen fogerakhikhi logoilema re, we tulemat fogerakhikhi logoile o. Athe, an neisena ebe nelu mene andi, hiren, at ebe futfigi'lek logolik, nit nineisena Allah iluk ikhi lagep a'nogo, at ebe nenat, fogetnabi'logo. An nen, At ebe nonggot, iluk ilema re, hit hinera nen ikhi lagep hagat ile o. Menere, at ebe nelu andi nen he, at ane hologo hilingiti lagi o.

1 TESALONIKA 2:6

Hiren nit fogetninafik, it ekhe nen fogetninafik, afuni mene nen a'nogo fogetninabuageluk ikhi lago lego. We, at Kristus nen nayonggo fesikhesik laknobagai wagaikhemo wene wule logolik nane ninghogo yagahisagain higit meneat he.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.

1 YOHANES 2:29

At Kristus Allah amlogo obabut fano higithogo nek hilingiterek a'nogo hinelu halok he, hit hinendawimo nen he, ”It afuni ekhe inobabut fano higithogo hilingitarek mene inebe lombok Allah againafuri hobuk taginafemo werek,” iluk hinelu asuguno.