YOHANES 7:17 - Allah Wene Fano Wene Hupla Inane

¹⁷ Ap sa nen Allah endawimo anggikherek mene higithogo hilingisu amolo halok an nen wene yagaisikhi lagi andi, Allah nen yagatu kwelek ili'lago, igik, onggwarek endawimo nen kagalogo ili'logo igik, enegat hambik elu asigin aro.

YOHANES 7:17 ပူးပေါင်းရင်းမြစ်များ

MAZMUR 119:10

An nebe nendawinggen abirengge nen Hat hebe nelu asuageluk hilingiti lagi, Hat hawene fano wene melalogo werek mene a'nogoba nen taganhogo wulibi lagi hanogoluk heraknobagagun o.

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

AMSAL 28:5

Ap Allah inonggot mene nen he ebe wene faget futfagarek mondok lek, oba nen ap Tuhan fogeratarek mene nen he ibi-eberogo nen fut fagarek.

AMSAL 3:32

Andi re, At Tuhan he ap weak hilingitarek mene inoba abit welagarek, meneat he ap fano higithogo hilingitarek mene inom he horokhogo welagarek andi nen.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

MATIUS 6:22

A'nogo yagaisasikhesik he, ekhe mel yagaisasikhe: ”Hinebe selekhogo esage ibilik hangge, hineilenggen andiat werego. Halok he, hineilenggen fano halok, hinebe abirengge mondok selegat logogun o.

LUKAS 8:15

Nen, kweang fanoma pisikhe andi ebe re, it afuni ekhe fano wene andi inesanggo holharesik he, inendawinggenma mondok furogo helagaresik herakfigi'lek fisogo logolik, enggen hokho iterek andi aro,” iluk yagaisasikhe.

YOHANES 3:21

A'nogo inendawimo anggagarek meneat he, it ekhe inobabut higithogo hilingiri'lagwi mene nek inebe lombok, inendawimo anggikhi logolik he, Allah ninom hundik logolik yi'nogo fano hilingiti lagoma, iluk, weinam asuageluk. an selek mene noba wagaikharego,” iluk yagatikhe.

YOHANES 8:43

A'nogo wagarik, wene yagahisikhi lagi mene hit futfigi'lek welagep andi nenahalok. A'nogo welagep andi re, an nane holek logou hinabit andi nen o.

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

YOHANES 8:47

Ap sa nen ebe Allah mene halok, Allah ane andi esanggo holherek meneat he, hit he, hinebe Allah mene fuk. Hunogoat mene andi nen he, at ane hinesanggo holu hinabit andi o,” iluk yagaisasikhe.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.