YOHANES 7:16 - Allah Wene Fano Wene Hupla Inane

¹⁶ at Yesus nen he, mel yagaisasikhe: ”An nen wene yagaisikhi lagi andi, an nendawimo nen kagalogo yagaisikhi lagi lego, meneat he, at an laknobagai wagaikhe mene a'nogo nen yaganetu kwelek yagahisikhi lagi o.

YOHANES 7:16 ပူးပေါင်းရင်းမြစ်များ

YOHANES 14:10

An nen neisena nemberek hundik, nen, neisena nen an nemberek hundik, welagorek andi, hat futfikhi lagen lega?” iluk yagatikhesik he, it mondogat yagaisikhi logolik, ”An nen wene yagahisigirek andi, an nendawimo nen kagalogo yagahisigirek fuk. Lego. We an neisena nemberek hundik logolik, an naneba nen igik, nenggiba nen hilingitik, igirek mene andi, at onggwaregenat hilingiri'logo o.

YOHANES 14:24

Nen, at sa nen, an endawinggen hundik lek halok he, an nane hologo hilingiterek lek andi aro. An nane hit holhi lagep andi re, an nane mene fuk. We, an neisena laknobagai wagaikhe menen a'nogo ane o.

YOHANES 17:14

Hat hane a'nogo it arat yagaisigi. Nen, an nebe kweangma mene fuk, andi hak he it ogo kweangma mene legat andi nen he, it afuni kweangma mene nen inabiret ninobagali'lagwi o.

YOHANES 17:8

Wene haren yaganetigin mene omanogo it arat yagaisigimo, arat wanhasik, an faget ikhi logolik he, Allah nen lakfei wagama, at were'ma andoma nen eberogoat waga, iluk inelu agaikhasik he, nebe futnobagaga o.

YOHANES 3:11

Niren wene ninelu meneat yagahisigik, nineilenggen hogo meneat eberogoat iluk pilingisogo yagahisigik, ogorek meneat he, ninane andi holhi'lek hinobakhe nene hilingiti lagep iluk, nane eberogoat yagaheti lagi.

YOHANES 3:31

Nen afuni mondogat he, inenu lek enek. We, at po'lima nen pi wagaikhe mene andiat kain enu werego. Ap ekhe ebe kweangma nen tago mene halok, ebe kweangma meneatma, wene kweangma aweneat ikherego. It afuni mondogat inenu legat hak werek kwelegat he, ap ekhe pogoroba nen pi wagaikhe mene andiat enu esin lego werego.

YOHANES 5:30

A'nogo yagaisasikhesik he, wene ekhe mel yagaisasikhe: ”An nalegat nendawimo nen kagalogo yi mene ti mene hilingisu elo'lek andi nen he, an nen nendawimo anggaluk hilingiti lagi lego. We, at an laknobagai wagaikhe mene endawimo anggikherek mene hilingisigeluk ikhi lagi andi nen, neisena ane murogat, afuni oak lologo wene inoba figik, kotik, ikhi lagi andi, higithogoat ikhi lagi o,” iluk yagaisasikhe.

YOHANES 6:44

An Neisena laknobagai wagaikhe mene a'nogo nen, afuni lithigik an noba woginarek wagi'lek halok, noba wesugun elo'lego. We, aren it ekhe lit-lit woginarek wagunem noba wesugun halok o wurep oba an nen inelugerinabigin aro.

YOHANES 8:28

A'nogo futfigi'lek werek kwelek, aren he, mel yagaisasikhe: ”An abat ta'lasi wagagi a'nogo, hiren an nebe legeisogo nobagagun andi sambul hiren he: Etok mondok welagarek mene a'nogo ebe yiaro. Aren wene yaganisikhi logolik he, endawimo nen kagalogo igi'lek. We, at eisena nen yagaterek mene nek, yaganisikhi lagama, iluk, hinelu asugun o.

2 YOHANES 1:9

Ap sa nen wene Kristus nen yaganisasikhe wene andiba louksek hilingitu welagi'lek, hunogoat mene hilingiterek halok he, Allah ebe eisewerek agi'lek werego. A'nogo meneat he, ap sa nen wene Kristus nen yaganisasikhe wene andiba louksek hilingitu logogin halok he, nineisena Allah inom, amlogo Yesus inom, emberek eisewerek agaikhasik werego.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.