YOHANES 7:14 - Allah Wene Fano Wene Hupla Inane

¹⁴ Seni a'nogo ninggi logolik heire'ma Yesus Allah awi wuri'mo kwisikhesik, wene yagaisikhi lagaikhe.

YOHANES 7:14 ပူးပေါင်းရင်းမြစ်များ

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

BILANGAN 29:17

Inenggi pirenek meneba re sapi ai mene ebe 12 nen ket kotorek mene inom, domba ai mene pire inom, domba eak ebe umur satu tahun oba mene 14 nen inom, ebe lombok he inagambut palek lek mene woge'luk nolhi logogun.

BILANGAN 29:20

Inenggi henaganek oba re, sapi ai mene ket kotorek mene ebe 11 nen inom, domba ai mene ebe pire inom, nen domba eak ai mene umur satu tahun oba mene 14 nen inom, ebe lombok agambut palek lek mene nek wogeti logogun.

MATIUS 21:12

A'nogo isukwama, at Yesus Allah awi wuri'mo kwisikhesik he, it afuni Allah awi wuri'mo kwisukwasik logolik, yi mene ti mene onggo wanhik, palhik, ikhi lagaukwa mene felelenghogo mugusogo-magaisogo enda'ma wulakfisigik, it ekhe uang e talek oba fesukwasik onggo wanhi lagaukwa mene inom, it ekhe e talogo inebe hurek logolik sue pel hangge mene onggo wanhi lagaukwa mene inom, e talek mene andi abel enden-fendenhogo potfisigik, ilik lagaikhesik he,

MATIUS 26:55

it ap hokhorogo wagaukwa omanogo mel yagaisasikhe: ”Ap yogot wanhunem fakfisa wagaikharek andi hak, hiren a'nogoat an faknobagauwageluk karok inom, yei inom, mondok waluk wagep yi ri! An hundik-handik Allah awi wuri'mo hurek logolik wene yagaisugunem, hiren an yi'nogo faknobagagi'lek welagepsigat he,

LUKAS 19:47

A'nogo yagaisasikhesik he, at Yesus hundik-handik Allah awi wuri'mo wene yagaisugu mondok welagaikhe. A'nogo yagaisugunem it ap Allah eisewerek inogogwi kaindek inom, Allah ane lisu palek inelu mene inom, Yahudi mene kaindek inenu werek mene inomen, ”At Yesus ebe ninggi'nogo wasuok,” iluk abok palhi lagaukwa.

YOHANES 18:20

at Yesus nen he, mel yagatikhe: ”An nen afuni kweangma mene wene yagaisikhi logolik he, fakhogo nek yagaisigirego. O it afuni Yahudi mene mondogat andoget fuluk samban agarek oba inom, Allah awi wuri'mo inom, andoma nek yagaisigirego. Wene hinagaisogo ekhe igirek mondok lek meneat he,

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 7:2

A'nogo nikhi lagaikhe andem sambul he, it afuni Yahudi mene o endamat O Sabu Enggaba wutfuluk welagaukwa mene inendawimo eberogo seni isago nogoin oba arat horogasi wagaikhe.

YOHANES 7:28

A'nogo ikhi lagaukwama, at Yesus Allah awi wuri'mo wene ane hokhorogo yagaisikhi logolik, mel yagaisasikhe: ”An nebe inom, nebe o andoma nen waga iluk inom, hit hinelu nogo? An wagagi andi re, an nendawimo nen anggaluk wagi lego. We, At ane eberogoat mene nek ikherek mene a'nogo nenat laknobagai waga meneat he, At ebe hit hinonggoro.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

YOHANES 8:2

Lagasikhesik, ohealekwe hup siakhogo pi wagaikhesik, Allah awi wuri'mo wagaikheat. Wagaikhesik kwisikhemo re, afuni hokhorogo wagaukwama, at ebe hu'lagaikhesik he, wene yagaisasikhe.

YOHANES 8:20

Wene a'nogo yagaisasikhe andi re, at ebe Allah awi wuri'mo peti uang Allah faget fisagarek oba era'lu logolik isikhe. A'nogo ugunem, at ebe fakfogoin oba horogasi wagi'lek werek kwelek andi nen he, it afuni omanogo ekhe nen fakfigi'lek kamo isukwa.