YOHANES 7:12 - Allah Wene Fano Wene Hupla Inane

¹² it afuni hokhorogo omanogo inesanggo holhukwasik he, inane samik-samok ikhi logolik, it ekhe nen he, ”Athe fano,” ugunem it ekhe nen he, ”Lego. Athe weak. Afuni lalinabi'logo,” iluk isukwa.

YOHANES 7:12 ပူးပေါင်းရင်းမြစ်များ

MATIUS 10:25

Mene re, it yenggerugwi andi ineisena guru andi inom higit hilinglagik, nen, it inamingmingengge mene andi ineisenalak inom higit hilinglagik umo re, higiraro. It afuni inoe o eisewerek mene andi weak iluk enu Beelzebul ugu halok, it at agoromi inom misi'mo mene andi, a'nogoat inenu weak hokhoat ikhi logogun o,” iluk yagaisasikhe.

MATIUS 21:46

Yesus ebe fakfouwogeluk isukwa meneat he, afuni inebe hokhorogo aren, ”At Yesus andi Allah ane yaganisikherek mene o,” iluk, agarek andi nen he, inailo nen herakfesukwa.

MATIUS 27:63

”Ninoe. Afuni lalinabik nikhi laga mene a'nogo, eluk logolik yagaisikhi logolik he, nenggi pire warek logombik, henaganek neluk asigin o, iluk isikhe a'nogo nen he,

LUKAS 18:19

at Yesus nen he, mel yagatikhe: ”Hat fano, iluk yaganeten andi ninggi'nogo nen yaganeten. At ekhe fano lego. We, at Allah amuat fano o.

LUKAS 23:47

A'nogo hilingitikhemo ap tentara mene inoe kain a'nogo eilenggen hasikhesik Allah fogerati logolik he, ”Ap yi eberogoat weak hilingiti'le'ma higi o,” iluk isikhe.

LUKAS 23:50

A'nogo hilingitukwama re, ap ekhe enu Yusuf, aiba Yahudi mene inawi sili ekhe enu Arimatea andi mene. Endawimo nen he, ”Allah nen awe a'ma mera nen fisagain,” iluk nenangorogo logolik, obabut fano higithogo hilingiti lagaikhe mene, ebe Yahudi inogogwi kaindek wene pilingisuogeluk inom andogoti lagaukwa mene. A'nogo meneat he, it agaila'lagen, Yesus abok palogo watukwa andi, aren, ”I o, wasuok,” iluk igi'lek welagaikhesigen,

LUKAS 6:45

Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

LUKAS 7:16

A'nogo hilingitikhemo afuni hokhorogo omanogo inailo agaikhesik he, Allah fogerati logolik, mel isukwa: ”Ap kain Allah ane yaganisikhi logogin mene ekhe ninanggele'ma nen weinam aga yi o!” iluk igik, nen it ekhe nen he, ”Allah nen againafuri telninabigeluk waga o!” iluk igik, isukwa.

YOHANES 6:14

A'nogo kwalogo fesukwama, at Yesus nen ebe futfouwageluk elalinat hilingitikhe mene andi it afuni ineilenggen hasukwama andi nen he, mel isukwa: ”Ap ekhe nen Allah ane kweangma yaganisa wesigin isukwa a'nogo eberogoat he, ebe yi aro,” iluk isukwa.

YOHANES 7:32

A'nogo ikhi logolik, it afuni hokhorogo omanogo inane samik-samok Yesus abok ugunem it ap Farisi mene inesanggo holhukwa. Holukwasik it ap Allah eisewerek inogogwi kaindek inomen, ap Allah awi wurik kwalogo welagaikharek mene ekhe Yesus ebe fakfouwageluk wene warisasukwa.

YOHANES 7:47

it ap Farisi mene omanogo nen he, mel yagaisasukwa: ”Hit ogo re, aren lalhinafemo nen ikhi lagep nogo?

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

YOHANES 9:16

it ap Farisi mene ekhe nen he, mel isukwa: ”Ninenggi sabit oba Allah faget weat logogun iluk, wene palek mene andi sagalogo fikhesik hilingite andi nen he, at ebe Allah were'ma nen waga mene re lego,” iluk isukwa meneat he, it ap ekhe nen he, ”At ebe weak hilingiterek mene logoilepma re, wene futfouwogeluk elalin mene yi'nogo hilingisu hak nogo? Lego,” iluk, it inendawimo a'nogo hunogo tomok anggasukwasik inane sagalogo inebe minggilhukwa andi.

ROMA 5:7

Ap ekhe nen he, ”An nebe at obabut higit mene andi faget, obali'mo wa'lasigin,” iluk igin he, enggin aro. A'nogo meneat he, ap ekhe ailo lek mene nen he: ”An nebe ap obabut fano mene andi faget obali'mo wa'lasigin,” iluk anggagain o.

FILIPI 2:14

Hiren he, at Allah eilhanem wene hinoba legat, nen, weak mene hinendawimo legat logouwogeluk halok he, hinebe Allah againafuri weak hilingiti'lek tegelek mondok logolik, o mum were'ma hesagal en selegeraterek hak, afuni yoma inobabut kwanirogo weak hilingitarek mene inanggelekwe selekhogo logolik, yi mene ti mene hilingiti logolik: ”Ninabit,” iluk uarek-puarek hilingiti'legat, wene palhi'legat, hilingiti logoino o.